Mangalore Accident, Ullal: ಉಳ್ಳಾಲ ಸೇತುವೆಯಲ್ಲಿ ಕಬ್ಬಿಣದ ತಡೆ ಬೇಲಿಗೆ ಬೈಕ್ ಡಿಕ್ಕಿ ; ಬಂಟ್ವಾಳದ ವಿದ್ಯಾರ್ಥಿ ದಾರುಣ ಸಾವು

ಬ್ರೇಕಿಂಗ್ ನ್ಯೂಸ್

Suhas Shetty Murder, Mangalore, Police: ಅಹಿತಕರ ಘಟನೆ ನೆಪ, ರಾತ್ರಿ 9 ಗಂಟೆಗೇ ಅಘೋಷಿತ ಕರ್ಫ್ಯೂ ! ಹೊಟೇಲ್, ರೆಸ್ಟೋರೆಂಟ್ ಗಳಿಗೆ ನುಗ್ಗಿ ಗ್ರಾಹಕರನ್ನ ಓಡಿಸಿ, ಶಟರ್ ಎಳೆದ ಪೊಲೀಸರು, ಬಸ್ ಸಂಚಾರಕ್ಕೂ ಕತ್ತರಿ ! | ಭಾರತ - ಪಾಕ್ ಯುದ್ಧ ಸನ್ನಿವೇಶ ; ದೇಶಾದ್ಯಂತ ಮೇ 7ರಂದು ಸೇನೆಯಿಂದ ಅಣಕು ಕಾರ್ಯಾಚರಣೆ, ಸೇನಾ ಕವಾಯತು, ವಾಯುದಾಳಿ ಬಗ್ಗೆ ಸೈರನ್ ! | Mangalore Police, Sharan Pumpwell: ದಕ್ಷಿಣ ಕನ್ನಡ ಜಿಲ್ಲೆ ಬಂದ್ ಕರೆ ಕೊಟ್ಟಿದ್ದರಿಂದ ಬಸ್ಸಿಗೆ ಕಲ್ಲೆಸೆದು ಹಾನಿ, ಶರಣ್ ಪಂಪ್ವೆಲ್ ವಿರುದ್ಧ ಕೇಸು ದಾಖಲು, ಕೋಮು ಪ್ರಚೋದಕ ಸಂದೇಶ ವಿರುದ್ಧ ಮತ್ತಷ್ಟು ಪ್ರಕರಣ |

Mangalore Accident, Ullal: ಉಳ್ಳಾಲ ಸೇತುವೆಯಲ್ಲಿ ಕಬ್ಬಿಣದ ತಡೆ ಬೇಲಿಗೆ ಬೈಕ್ ಡಿಕ್ಕಿ ; ಬಂಟ್ವಾಳದ ವಿದ್ಯಾರ್ಥಿ ದಾರುಣ ಸಾವು

01-11-24 10:16 pm Mangalore Correspondent ಕರಾವಳಿ

ರಸ್ತೆ ಅಂಚಿನ ಕಬ್ಬಿಣದ ತಡೆ ಬೇಲಿಗೆ ಬೈಕೊಂದು ಡಿಕ್ಕಿ ಹೊಡೆದ ಪರಿಣಾಮ ಸಹ ಸವಾರನಾಗಿದ್ದ ವಿದ್ಯಾರ್ಥಿಯೋರ್ವ ಗಂಭೀರ ಗಾಯಗೊಂಡು ಸ್ಥಳದಲ್ಲೇ ಮೃತಪಟ್ಟ ಘಟನೆ ಶುಕ್ರವಾರ ಸಂಜೆ ಉಳ್ಳಾಲ ನೇತ್ರಾವತಿ ಸೇತುವೆ ಬಳಿ ನಡೆದಿದೆ.

ಉಳ್ಳಾಲ, ನ.1: ರಸ್ತೆ ಅಂಚಿನ ಕಬ್ಬಿಣದ ತಡೆ ಬೇಲಿಗೆ ಬೈಕೊಂದು ಡಿಕ್ಕಿ ಹೊಡೆದ ಪರಿಣಾಮ ಸಹ ಸವಾರನಾಗಿದ್ದ ವಿದ್ಯಾರ್ಥಿಯೋರ್ವ ಗಂಭೀರ ಗಾಯಗೊಂಡು ಸ್ಥಳದಲ್ಲೇ ಮೃತಪಟ್ಟ ಘಟನೆ ಶುಕ್ರವಾರ ಸಂಜೆ ಉಳ್ಳಾಲ ನೇತ್ರಾವತಿ ಸೇತುವೆ ಬಳಿ ನಡೆದಿದೆ.

ಬಂಟ್ವಾಳ ತಾಲೂಕಿನ ಬಿ.ಸಿ.ರೋಡ್ ಸಮೀಪದ ಲೊರೆಟ್ಟೋ ಪದವು ನಿವಾಸಿ ಸಲ್ಮಾನ್ ಫಾರೀಶ್ (19) ಮೃತ ವಿದ್ಯಾರ್ಥಿ. ಬೈಕ್ ಸವಾರ ಮಹಮ್ಮದ್ ಶಾಕೀರ್ ಗಂಭೀರ ಗಾಯಗೊಂಡಿದ್ದು ಅವರನ್ನು ಆಸ್ಪತ್ರೆಗೆ ದಾಖಲಿಸಲಾಗಿದೆ. ಮೂಲತಃ ಬಿ.ಸಿ.ರೋಡ್ ನಿವಾಸಿಗಳಾದ ಬೈಕ್ ಸವಾರರಿಬ್ಬರು ಕೊಣಾಜೆಯ ಖಾಸಗಿ ಕಾಲೇಜಿನ ವಿದ್ಯಾರ್ಥಿಗಳಾಗಿದ್ದರು. ಇಂದು ಸಂಜೆ ವಿದ್ಯಾರ್ಥಿಗಳು ಕೊಣಾಜೆಯಿಂದ ಮಂಗಳೂರಿಗೆ ಬೈಕಿನಲ್ಲಿ ತೆರಳುತ್ತಿದ್ದ ವೇಳೆ ನೇತ್ರಾವತಿ ಸೇತುವೆ ಬಳಿ ಘಟನೆ ಸಂಭವಿಸಿದೆ. ಡಿಕ್ಕಿಯ ರಭಸಕ್ಕೆ ವಾಹನದಲ್ಲಿದ್ದ ಇಬ್ಬರೂ ರಸ್ತೆಗೆಸೆಯಲ್ಪಟ್ಟು ಗಂಭೀರ ಗಾಯಗೊಂಡಿದ್ದರು. ಈ ಪೈಕಿ ‌ಸಲ್ಮಾನ್ ಫಾರೀಶ್ ಸ್ಥಳದಲ್ಲೇ ಮೃತಪಟ್ಟಿದ್ದಾರೆ. ಮಂಗಳೂರು ದಕ್ಷಿಣ ಸಂಚಾರಿ ಠಾಣಾ ಪೊಲೀಸರು ಪ್ರಕರಣ ದಾಖಲಿಸಿದ್ದಾರೆ.

ಗುರುವಾರ ಸಂಜೆಯೂ ನೇತ್ರಾವತಿ ಸೇತುವೆ ಬಳಿಯ ಆಡಂಕುದ್ರು ಎಂಬಲ್ಲಿ ನಿಯಂತ್ರಣ ತಪ್ಪಿದ ಟೆಂಪೋ‌ ಲಾರಿಯೊಂದು ಹರಿದು ಪಾದಚಾರಿ ಫರಂಗಿಪೇಟೆ ನಿವಾಸಿ ಮಧ್ಯ ವಯಸ್ಕ ಆದಂ ಎಂಬವರು ಮೃತಪಟ್ಟಿದ್ದರು.

Mangalore Ullal accident, 19 year old college student killed on spot after bike hits road side rod. The deceased has been identified as Salman Farish.