Mangalore Big Fat Wedding BMS: ಬಿಎಂಎಸ್ ವೆಜ್ ರೆಸ್ಟೋರೆಂಟ್ನಲ್ಲಿ ಅದ್ದೂರಿ ವೆಡ್ಡಿಂಗ್ ಸೆರೆಮನಿ ; ನೂರಕ್ಕೂ ಹೆಚ್ಚು ತಿಂಡಿ ತಿನಿಸಿನ ಮೆನು, ‘ಮದುವೆ ಸಡಗರ’ಕ್ಕೆ ಹೊಸ ವೇದಿಕೆ !

ಬ್ರೇಕಿಂಗ್ ನ್ಯೂಸ್

Activist Mahesh Shetty Timarodi Arrest: ಬಿ.ಎಲ್ ಸಂತೋಷ್ ವಿರುದ್ಧ ಅವಹೇಳನ ; ಮಹೇಶ್ ಶೆಟ್ಟಿ ತಿಮರೋಡಿ ಜೈಲಿಗೆ ತಳ್ಳಿದ ಉಡುಪಿ ಪೊಲೀಸರು, ತನ್ನ ಜೀವಕ್ಕೇನಾದ್ರೂ ಆದರೆ ಸರ್ಕಾರವೇ ಕಾರಣ ಎಂದು ಆಕ್ರೋಶ | Vhp, Mangalore, Sharan Pumpwell: ಗಣೇಶೋತ್ಸವ, ದಸರಾ ಮೆರವಣಿಗೆ ; ಸಂಪ್ರದಾಯ ಪಾಲನೆಗೆ ಅವಕಾಶ ನೀಡಿ, ನಿಯಮ ನೆಪದಲ್ಲಿ ಹಿಂದುಗಳ ಭಾವನೆಗೆ ಧಕ್ಕೆ ಬೇಡ | ಸೌಹಾರ್ದ ಸಹಕಾರಿ ವಿಧೇಯಕಕ್ಕೆ ಮೇಲ್ಮನೆಯಲ್ಲಿ ಸೋಲು ; ಆಡಳಿತ ಪಕ್ಷದ ಸದಸ್ಯರದ್ದೇ ನಿರ್ಲಕ್ಷ್ಯ, ರಾಜ್ಯ ಸರ್ಕಾರಕ್ಕೆ ಮುಜುಗರ |

Mangalore Big Fat Wedding BMS: ಬಿಎಂಎಸ್ ವೆಜ್ ರೆಸ್ಟೋರೆಂಟ್ನಲ್ಲಿ ಅದ್ದೂರಿ ವೆಡ್ಡಿಂಗ್ ಸೆರೆಮನಿ ; ನೂರಕ್ಕೂ ಹೆಚ್ಚು ತಿಂಡಿ ತಿನಿಸಿನ ಮೆನು, ‘ಮದುವೆ ಸಡಗರ’ಕ್ಕೆ ಹೊಸ ವೇದಿಕೆ !

01-09-23 10:07 pm Mangalore Correspondent ಕರಾವಳಿ

ಮದುವೆಗೆ ಭರ್ಜರಿ ಊಟದ ಗಮ್ಮತ್ತು ಕಾಮನ್. ಆದರೆ ಮದುವೆ ಊಟಕ್ಕೆ ಸೀಮಿತ ಮಂದಿಯಷ್ಟೇ ಪಾಲ್ಗೊಳ್ಳುವುದು. ದೊಡ್ಡ ಕುಳಗಳ ಮದುವೆ ಪಾರ್ಟಿಗೆ ದೊಡ್ಡವರು ಮಾತ್ರ ಆಹ್ವಾನಿತರಿರುತ್ತಾರೆ.

ಮಂಗಳೂರು, ಸೆ.1: ಮದುವೆಗೆ ಭರ್ಜರಿ ಊಟದ ಗಮ್ಮತ್ತು ಕಾಮನ್. ಆದರೆ ಮದುವೆ ಊಟಕ್ಕೆ ಸೀಮಿತ ಮಂದಿಯಷ್ಟೇ ಪಾಲ್ಗೊಳ್ಳುವುದು. ದೊಡ್ಡ ಕುಳಗಳ ಮದುವೆ ಪಾರ್ಟಿಗೆ ದೊಡ್ಡವರು ಮಾತ್ರ ಆಹ್ವಾನಿತರಿರುತ್ತಾರೆ. ಆದರೆ ಇಂಥದ್ದೇ ಮದುವೆ ಕೂಟಗಳ ಮಾದರಿಯಲ್ಲಿ ಗಡದ್ದು ಊಟದ ಪ್ರೋಗ್ರಾಮ್ ಮಾಡಿದರೆ ಹೇಗಿರುತ್ತೆ. ಹೌದು.. ನಗರದ ಕುಂಟಿಕಾನದಲ್ಲಿರುವ ಬಿಎಂಎಸ್ ವೆಜ್ ರೆಸ್ಟೋರೆಂಟ್ ನಲ್ಲಿ ಮಂಗಳೂರಿನಲ್ಲಿ ಮೊದಲ ಬಾರಿಗೆ ಮದುವೆ ಸಡಗರದ ಮಾದರಿಯಲ್ಲೇ ವೆಡ್ಡಿಂಗ್ ಸೆರೆಮನಿಯ ವ್ಯವಸ್ಥೆ ಮಾಡಲಾಗಿದೆ.

ಹೊಟೇಲಿನಲ್ಲಿ ಸೆ.2 ಮತ್ತು 4ರಂದು ವಿಶೇಷ ರೀತಿಯ ಈವೆಂಟ್ ಹಮ್ಮಿಕೊಳ್ಳಲಾಗಿದೆ. ಪ್ರವೇಶಕ್ಕೆ ಪ್ರತಿ ಒಬ್ಬರಿಗೆ 599 ರೂಪಾಯಿ ಮೊತ್ತದ ಟಿಕೆಟ್ ಇರಲಿದೆ. ಇಬ್ಬರು, ನಾಲ್ವರು, ಮಕ್ಕಳು ಹೀಗೆ ಕುಟುಂಬ ಸಮೇತ ಹಬ್ಬದಲ್ಲಿ ಪಾಲು ಪಡೆಯಬಹುದು. ಸಮಾರಂಭದಲ್ಲಿ ಎಷ್ಟು ಕೂಡ ತಿಂದು ತೇಗುವುದಕ್ಕೆ ಅವಕಾಶ ಇದೆ. ನೂರಕ್ಕೂ ಹೆಚ್ಚು ಐಟಂಗಳನ್ನು ಹೊಂದಿರುವ ಮೆನುವನ್ನು ನಿಮಗಾಗಿ ಮಾಡಲಾಗಿದೆ ಎಂದು ಪ್ರೋಗ್ರಾಂ ಕೋಆರ್ಡಿನೇಟರ್ ಲಕ್ಷ್ಮೀ ಶೆಣೈ ಸುದ್ದಿಗೋಷ್ಟಿಯಲ್ಲಿ ತಿಳಿಸಿದ್ದಾರೆ.

ಸೆ.1ರಂದು ಸಂಜೆ ಉದ್ಘಾಟನೆ ದಿನದ ಸಲುವಾಗಿ ಆಹ್ವಾನಿತರಿಗೆ ಮಾತ್ರ ವಿಶೇಷ ರೀತಿಯ ಔತಣ ಕೂಡ ಏರ್ಪಡಿಸಲಾಗಿತ್ತು. ಮ್ಯೂಸಿಕ್, ಡಿಜೆ ಸೌಂಡ್, ಕುಣಿತ ಎಲ್ಲವೂ ಇತ್ತು. ಇದೇ ರೀತಿ ಶನಿವಾರ ಮತ್ತು ಭಾನುವಾರ ಸಾರ್ವಜನಿಕರಿಗೆ ಹಬ್ಬದ ಸಡಗರ ಮುಕ್ತವಾಗಿರಲಿದೆ. ಟಿಕೆಟ್ ಪಡೆದು ಒಳಪ್ರವೇಶ ಮಾಡಿದರೆ, ಅದ್ದೂರಿ ಸಭಾಂಗಣದಲ್ಲಿ ಮದುವೆ ರೀತಿಯ ಸಡಗರದ ಅನುಭವ ಪಡೆಯಬಹುದು. ಇದರ ಜೊತೆಗೆ ವಿಶೇಷ ರೀತಿಯ ಆಸನಗಳನ್ನೂ ವ್ಯವಸ್ಥೆ ಮಾಡಲಾಗಿದೆ. ಕುಟುಂಬ ಸಮೇತ ಬಂದಿದ್ದರೆ, ತಾವೇ ಫೋಟೋ ತೆಗೆದು ಸಂಭ್ರಮ ಪಡಬಹುದು. ವೆಡ್ಡಿಂಗ್ ಸೆರೆಮನಿ ಮಾಡುವುದಕ್ಕೂ ಇದನ್ನು ಬಳಸಿಕೊಳ್ಳಬಹುದು.

ಬಳ್ಳಾಲ್ ಗ್ರೂಪ್ ಸಂಸ್ಥೆಗಳಿಗೆ ಒಳಪಟ್ಟ ಬಿಎಂಎಸ್ ಹೊಟೇಲ್ ಮಂಗಳೂರಿನಲ್ಲಿ ವೆಜಿಟೇರಿಯನ್ ಆಹಾರಕ್ಕೆ ಹೆಸರುವಾಸಿ. ವೆಜ್ ಬಾರ್ ಅಂಡ್ ರೆಸ್ಟೋರೆಂಟ್ ಕೂಡ ಇದರಲ್ಲಿದೆ. ಮಂಗಳೂರು ನಗರದಲ್ಲಿ ಇದೇ ಮೊದಲ ಬಾರಿಗೆ ವೆಜ್ ಫುಡ್ಡಿನ ಮದುವೆ ಸಡಗರದ ಸಂಭ್ರಮ ಏರ್ಪಾಡಿಸಿದ್ದು, ಸಾರ್ವಜನಿಕರ ಸಹಕಾರ ಬಯಸುತ್ತೇವೆ ಎಂದು ಲಕ್ಷ್ಮೀ ಶೆಣೈ ತಿಳಿಸಿದ್ದಾರೆ.

Mangalore Big Fat Wedding Extravaganza by BMS on 2nd and 3rd September. Hotel BMS is set to redefine opulence and grandeur with the inaugural “BIG FAT MANGALOREAN WEDDING” event, scheduled to take place from 1st to 3rd September 2023. This three-day celebration promises an unforgettable experience, blending tradition, entertainment, and luxury like never before.