ಟೈರ್ ಪಂಕ್ಚರ್ ಆಗಿದ್ದಕ್ಕೆ ರಸ್ತೆ ಬದಿ ಬಿಟ್ಟು ಹೋಗಿದ್ದ ಬಿಎಂಡಬ್ಲ್ಯು ಕಾರು ಭಸ್ಮ ; 14 ವರ್ಷಗಳ ಹೋರಾಟದ ಬಳಿಕ 70 ಲಕ್ಷ ರೂ. ವಿಮಾ ಪರಿಹಾರ

ಬ್ರೇಕಿಂಗ್ ನ್ಯೂಸ್

ಉಡುಪಿ ಲಯನ್ಸ್ ಸರ್ಕಲ್‌ ಬಳಿ ಭೀಕರ ಅಪಘಾತ ; ರಸ್ತೆ ಬದಿ ನಡೆದುಕೊಂಡು ಹೋಗುತ್ತಿದ್ದ ಮಹಿಳೆಗೆ ಬಸ್ ಡಿಕ್ಕಿ, ನಗರಸಭೆ ಮಾಜಿ ಉಪಾಧ್ಯಕ್ಷೆ ಸ್ಥಳದಲ್ಲೇ ಸಾವು ! | ಜಂಕ್‌ಫುಡ್‌ ವಿರುದ್ಧ ಖಾದರ್‌ ಸಮರ ; ಶಾಲಾ–ಕಾಲೇಜುಗಳ 50 ಮೀಟರ್ ಸುತ್ತ ಮಾರಾಟ ನಿಷೇದ, ನಿಯಮ ಉಲ್ಲಂಘಿಸಿದರೆ 3 ಲಕ್ಷದವರೆಗೂ ದಂಡ, ಯಾಕೆ ಈ ಆದೇಶ? | Mangaluru: ಪತ್ನಿಯ ಕಿರುಕುಳ ; ಅಕ್ಕನಿಗೆ ವಿಡಿಯೋ ಕಾಲ್ ಮಾಡಿ ಮಾತನಾಡುತ್ತಲೇ ನೇಣಿಗೆ ಶರಣಾದ ಮೂಡುಬಿದಿರೆಯ ಟೆಂಪೋ ಚಾಲಕ |

ಟೈರ್ ಪಂಕ್ಚರ್ ಆಗಿದ್ದಕ್ಕೆ ರಸ್ತೆ ಬದಿ ಬಿಟ್ಟು ಹೋಗಿದ್ದ ಬಿಎಂಡಬ್ಲ್ಯು ಕಾರು ಭಸ್ಮ ; 14 ವರ್ಷಗಳ ಹೋರಾಟದ ಬಳಿಕ 70 ಲಕ್ಷ ರೂ. ವಿಮಾ ಪರಿಹಾರ

14-10-26 12:54 pm HK News Staffer ದೇಶ - ವಿದೇಶ

ಟೈರ್ ಪಂಕ್ಚರ್ ಆದ ಬಿಎಂಡಬ್ಲ್ಯು ಕಾರಿನ ವಿಮೆ ಪಡೆಯಲು 14 ವರ್ಷಗಳ ಕಾನೂನು ಹೋರಾಟ ನಡೆಸಿದ ವ್ಯಕ್ತಿಯೊಬ್ಬರು ಕೊನೆಗೂ ಜಯ ದಕ್ಕಿಸಿಕೊಂಡಿದ್ದು, 70 ಲಕ್ಷ ರೂ. ಪರಿಹಾರ ಪಡೆದಿದ್ದಾರೆ. ‌

ಮುಂಬೈ, ಅ.14: ಟೈರ್ ಪಂಕ್ಚರ್ ಆದ ಬಿಎಂಡಬ್ಲ್ಯು ಕಾರಿನ ವಿಮೆ ಪಡೆಯಲು 14 ವರ್ಷಗಳ ಕಾನೂನು ಹೋರಾಟ ನಡೆಸಿದ ವ್ಯಕ್ತಿಯೊಬ್ಬರು ಕೊನೆಗೂ ಜಯ ದಕ್ಕಿಸಿಕೊಂಡಿದ್ದು, 70 ಲಕ್ಷ ರೂ. ಪರಿಹಾರ ಪಡೆದಿದ್ದಾರೆ. ‌

2012ರ ಮಾರ್ಚ್ 8ರಂದು ಕಾರು ಮಾಲೀಕ ರವಿಕಾಂತ್ ಪಾಟೀಲ್ ಮಹಾರಾಷ್ಟçದ ಧುಲ್ಖೇಡ್‌ನ ಹೆದ್ದಾರಿಯಲ್ಲಿ ರಾತ್ರಿ ತೆರಳುವಾಗ ಕಾರು ಪಂಕ್ಚರ್ ಆಗಿತ್ತು. ಅಗತ್ಯಕ್ಕೆ ಮೆಕ್ಯಾನಿಕ್ ಸಿಗದ ಕಾರಣ ರಸ್ತೆ ಬದಿಯ ಡಾಬಾ ಬಳಿ ಕಾರು ನಿಲ್ಲಿಸಿ ಲಾಕ್ ಮಾಡಿ ಬೆಳಗ್ಗೆ ಬಂದು ಪಂಕ್ಚರ್ ಹಾಕಿಸೋಣ ಎಂದು ಬೇರೆ ಕಾರಿನಲ್ಲಿ ಮನೆಗೆ ತೆರಳಿದ್ದರು. ಬೆಳಗ್ಗೆ ಸ್ಥಳಕ್ಕೆ ಬಂದಾಗ ಕಾರು ಸಂಪೂರ್ಣ ಸುಟ್ಟು ಕರಕಲಾಗಿತ್ತು. ಘಟನೆಯನ್ನು ಪ್ರಶ್ನಿಸಿ ಗ್ರಾಹಕರ ಆಯೋಗಕ್ಕೆ ರವಿಕಾಂತ್ ದೂರು ಕೊಟ್ಟಿದ್ದರು.

ಕಾರು ಮಾಲೀಕ ಪಂಕ್ಚರ್ ಆದ ಕಾರನ್ನು ರಸ್ತೆ ಬದಿ ಬಿಟ್ಟು ಹೋಗಬಾರದಿತ್ತು ಎಂದು ತಿಳಿಸಿ, ಇನ್ಶೂರೆನ್ಸ್ ನೀಡಲು ನಿರಾಕರಿಸಿತ್ತು. ಇದಕ್ಕೆ ಗ್ರಾಹಕ ಆಯೋಗವು ಕೆಟ್ಟುಹೋದ ವಾಹನವನ್ನು ನಿರ್ಜನ ಪ್ರದೇಶದಲ್ಲಿ ಬಿಡುವುದರ ಬಗ್ಗೆ ಪಾಲಿಸಿಯು ಯಾವುದೇ ನಿಷೇಧ ವಿಧಿಸಿರಲಿಲ್ಲ. ರಾತ್ರಿ ವೇಳೆ ಹೈವೇನಲ್ಲಿ ವಾಹನ ಕೆಟ್ಟು ನಿಂತಾಗ ಅಥವಾ ಪಂಕ್ಚರ್ ಆದಾಗ ಮಾಲೀಕರು ತಮ್ಮ ವೈಯಕ್ತಿಕ ಸುರಕ್ಷತೆಗೆ ಮೊದಲ ಪ್ರಾಮುಖ್ಯತೆ ನೀಡಬೇಕಾಗುತ್ತದೆ ಎಂದು ಆಯೋಗ ಹೇಳಿದೆ.

ಇದೇ ವೇಳೆ, ಮಾಲೀಕರು ಕಾರನ್ನು ಲಾಕ್ ಮಾಡಿ ಸಮಂಜಸವಾದ ಮುನ್ನೆಚ್ಚರಿಕೆ ಕ್ರಮಗಳನ್ನು ತೆಗೆದುಕೊಂಡಿದ್ದಾರೆ. ಹೀಗಾಗಿ ವಿಮಾ ಪರಿಹಾರ 70 ಲಕ್ಷ ರೂ. ಜೊತೆಗೆ ಬಡ್ಡಿ, ಮಾನಸಿಕ ವೇದನೆ ಮತ್ತು ಕಿರುಕುಳಕ್ಕಾಗಿ ಹೆಚ್ಚುವರಿ ಹಣವನ್ನು ಪಾವತಿಸುವಂತೆ ಇನ್ಶೂರೆನ್ಸ್ ಕಂಪನಿಗೆ ಆದೇಶಿಸಿದೆ. ಬರೋಬ್ಬರಿ 14 ವರ್ಷಗಳ ದೀರ್ಘ ಕಾನೂನು ಹೋರಾಟದ ಬಳಿಕ, ವಿಮಾ ಮೊತ್ತ 70 ಲಕ್ಷ ರೂ., ಮಾನಸಿಕ ವೇದನೆಗೆ ಪರಿಹಾರವಾಗಿ 50,000 ರೂ. ಹಾಗೂ ದಾವೆ ವೆಚ್ಚಕ್ಕಾಗಿ 25,000 ರೂ. ಸೇರಿ ಒಟ್ಟು 70.75 ಲಕ್ಷ ರೂ. ಹಾಗೂ ಬಡ್ಡಿಯನ್ನು ಪಾವತಿಸುವಂತೆ ನ್ಯಾಯಾಲಯ ಆದೇಶಿಸಿದೆ.