ಜಗತ್ತಿನ ಅತಿ ಹಿರಿಯ ವ್ಯಕ್ತಿ ಇಂಗ್ಲೆಂಡಿನ 111 ವರ್ಷದ ಅಜ್ಜ ! ಎರಡನೇ ಜಾಗತಿಕ ಯುದ್ಧದ ಬ್ರಿಟಿಷ್ ಸೇನಾನಿ, ಮಿತಾಹಾರವೇ ಇವರ ಯಶಸ್ಸಿನ ಗುಟ್ಟು, ವಾರಕ್ಕೊಮ್ಮೆ ಮೀನು, ಚಿಪ್ಸ್ ಸುದೀರ್ಘ ಹವ್ಯಾಸ

ಬ್ರೇಕಿಂಗ್ ನ್ಯೂಸ್

ಕನ್ನಡ ಶೋ ಬಿಗ್ ಬಾಸ್ ಗೆ ಬಿಗ್ ಶಾಕ್ ; ಎರಡೇ ವಾರಕ್ಕೆ ಮನೆಗೆ ಬೀಗ ಜಡಿದ ಸರ್ಕಾರ, ಅರ್ಧಕ್ಕೆ ನಿಲ್ಲುತ್ತಾ ದೊಡ್ಮನೆ ಆಟ? | ದಸರಾ ರಜಾ ಅವಧಿ ವಿಸ್ತರಣೆ ಮಾಡಿ ಎಂದು ಮನವಿ ; 10 ದಿನ ವಿಸ್ತರಣೆ ಮಾಡಿದ ಸರ್ಕಾರ, ಅ.18ರವರೆಗೆ ಸರ್ಕಾರಿ ಶಾಲೆ ಶಿಕ್ಷಕರಿಗೆ ಸಮೀಕ್ಷೆ ಹೊರೆ ! | ಉಳ್ಳಾಲ ಶಾರದೋತ್ಸವ ಗಲಾಟೆಗೆ ಇಬ್ಬರು ಪಿಎಸ್ಐಗಳೇ ಕಾರಣ, ಕಾಂಗ್ರೆಸ್ ಸರ್ಕಾರ ಪೊಲೀಸರನ್ನ ಛೂಬಿಟ್ಟು ಹಿಂದೂಗಳನ್ನ ಹತ್ತಿಕ್ಕಲು ಪ್ರಯತ್ನಿಸುತ್ತಿದೆ ; ಬಿಜೆಪಿ ನಾಯಕರ ಆರೋಪ |

ಜಗತ್ತಿನ ಅತಿ ಹಿರಿಯ ವ್ಯಕ್ತಿ ಇಂಗ್ಲೆಂಡಿನ 111 ವರ್ಷದ ಅಜ್ಜ ! ಎರಡನೇ ಜಾಗತಿಕ ಯುದ್ಧದ ಬ್ರಿಟಿಷ್ ಸೇನಾನಿ, ಮಿತಾಹಾರವೇ ಇವರ ಯಶಸ್ಸಿನ ಗುಟ್ಟು, ವಾರಕ್ಕೊಮ್ಮೆ ಮೀನು, ಚಿಪ್ಸ್ ಸುದೀರ್ಘ ಹವ್ಯಾಸ

07-04-24 07:03 pm HK News Desk ದೇಶ - ವಿದೇಶ

ಜಗತ್ತಿನಲ್ಲಿ ವಾಸ ಇರುವ ಅತಿ ಹಿರಿಯ ವ್ಯಕ್ತಿಯೆಂಬ ಹೆಗ್ಗಳಿಕೆ ಇಂಗ್ಲೆಂಡಿನ 111 ವರ್ಷದ ಅಜ್ಜನ ತಲೆಗೇರಿದೆ. 111 ವರ್ಷದ ಜಾನ್ ಅಲ್ಫ್ರೆಡ್ ಟಿನ್ನಿಸ್ ವುಡ್ ಜಗತ್ತಿನಲ್ಲಿ ಜೀವಂತ ಇರುವ ಅತಿ ಹಿರಿಯ ವ್ಯಕ್ತಿಯೆಂಬ ಗಿನ್ನೆಸ್ ದಾಖಲೆಗೆ ಪಾತ್ರವಾಗಿದ್ದಾರೆ.

ನವದೆಹಲಿ, ಎ.7: ಜಗತ್ತಿನಲ್ಲಿ ವಾಸ ಇರುವ ಅತಿ ಹಿರಿಯ ವ್ಯಕ್ತಿಯೆಂಬ ಹೆಗ್ಗಳಿಕೆ ಇಂಗ್ಲೆಂಡಿನ 111 ವರ್ಷದ ಅಜ್ಜನ ತಲೆಗೇರಿದೆ. 111 ವರ್ಷದ ಜಾನ್ ಅಲ್ಫ್ರೆಡ್ ಟಿನ್ನಿಸ್ ವುಡ್ ಜಗತ್ತಿನಲ್ಲಿ ಜೀವಂತ ಇರುವ ಅತಿ ಹಿರಿಯ ವ್ಯಕ್ತಿಯೆಂಬ ಗಿನ್ನೆಸ್ ದಾಖಲೆಗೆ ಪಾತ್ರವಾಗಿದ್ದಾರೆ.

ಜಗತ್ತಿನಲ್ಲಿ ಜೀವಿತದಲ್ಲಿರುವ ಅತಿ ಹಿರಿಯ ವ್ಯಕ್ತಿಯೆಂಬ ದಾಖಲೆ ದಕ್ಷಿಣ ಅಮೆರಿಕದ ವೆನಿಜುವೆಲಾ ದೇಶದಲ್ಲಿ ವಾಸವಿದ್ದ ಜುವಾನ್ ವಿಸೆಂಟ್ ಪೆರೇಝ್ ಅವರದ್ದಿತ್ತು. ಮಾರ್ಚ್ ತಿಂಗಳಲ್ಲಿ ತಮ್ಮ 114ನೇ ವರ್ಷದಲ್ಲಿ ಜುವಾನ್ ವಿಸೆಂಟ್ ಮೃತಪಟ್ಟಿದ್ದರು. ಎರಡನೇ ಅತಿ ಹಿರಿಯ ಎಂಬ ಶ್ರೇಯಸ್ಸು ಹೊಂದಿದ್ದ ಜಪಾನ್ ಮೂಲದ ಗಿಸಬುರೋ ಸೊನೊಬೆ ತಮ್ಮ 112ನೇ ವಯಸ್ಸಿನಲ್ಲಿ ಮಾರ್ಚ್ 31ರಂದು ತೀರಿಕೊಂಡಿದ್ದರು.

ಸದ್ಯಕ್ಕೆ ಅತಿ ಹಿರಿಯ ಜೀವಂತ ವ್ಯಕ್ತಿಯೆಂಬ ಹೆಗ್ಗಳಿಕೆ ಇಂಗ್ಲೆಂಡಿನ ಜಾನ್ ಅಲ್ಫ್ರೆಡ್ ಟಿನ್ನಿಸ್ ವುಡ್ ಅವರ ಪಾಲಾಗಿದೆ. ಇಂಗ್ಲೆಂಡಿನ ಸೌತ್ ಪೋರ್ಟ್ ನಲ್ಲಿ ವಾಸ ಇರುವ ಜಾನ್ ಅಲ್ಫ್ರೆಡ್ ಬ್ರಿಟಿಷ್ ಆರ್ಮಿಯಲ್ಲಿ ಕೆಲಸ ಮಾಡಿದವರು. ಲಿವರ್ ಪೂಲ್ ನಗರದಲ್ಲಿ 1912ರ ಆಗಸ್ಟ್ 26ರಂದು ಜನಿಸಿದ್ದ ಜಾನ್ ಅಲ್ಫ್ರೆಡ್ ಎರಡನೇ ಜಾಗತಿಕ ಯುದ್ಧದಲ್ಲಿ ಬ್ರಿಟಿಷ್ ಆರ್ಮಿ ಪರವಾಗಿ ಹೋರಾಡಿದ್ದರು. ಸೇನೆಯಿಂದ ನಿವೃತ್ತಿಯಾದ ಬಳಿಕ ಅಕೌಂಟೆಂಟ್ ಆಗಿ ಕೆಲಸ ಮಾಡಿದ್ದರು.

ಹಿತ ಮಿತ ಆಹಾರವೇ ಸುದೀರ್ಘ ಜೀವನದ ಗುಟ್ಟು ಎಂದು ಇದೇ ಸಂದರ್ಭದಲ್ಲಿ ಜಾನ್ ಅಲ್ಫ್ರೆಡ್ ಹೇಳಿದ್ದಾರೆ. ಅವರೆಂದೂ ಸ್ಮೋಕ್ ಮಾಡಿಲ್ವಂತೆ. ಅಪರೂಪಕ್ಕೆ ಡ್ರಿಂಕ್ಸ್ ಮಾಡಿದ್ದಾರೆ. ಯಾವುದೇ ಸ್ಪೆಷಲ್ ಡಯಟ್ ಇಲ್ಲ. ವಾರಕ್ಕೊಮ್ಮೆ ಮೀನು ಮತ್ತು ಚಿಪ್ಸ್ ತಿನ್ನುವುದನ್ನು ಅಭ್ಯಾಸ ಮಾಡಿದ್ದಾರೆ. ಅತಿಯಾಗಿ ಕುಡಿಯುವುದು, ಅತಿಯಾಗಿ ತಿನ್ನುವುದು, ಅತಿಯಾಗಿ ವ್ಯಾಯಾಮ, ನಡಿಗೆ ಮಾಡುವುದು ಅಥವಾ ಇನ್ನಾವುದನ್ನೇ ಆಗಲಿ ಅತಿಯಾಗಿ ಮಾಡಿದರೆ ಅದರಿಂದ ನಿಮ್ಮ ದೇಹಕ್ಕೇ ತೊಂದರೆ ಎಂದು ಜಾನ್ ಅಲ್ಫ್ರೆಡ್ ಹೇಳುತ್ತಾರೆ. ಮತ್ತೆ ದೀರ್ಘ ಜೀವನ, ಕ್ಷಣಿಕ ಜೀವನ, ಅದೆಲ್ಲವೂ ಅದೃಷ್ಟ ಅಷ್ಟೇ. ನಾವೇನೂ ಮಾಡಕ್ಕಾಗಲ್ಲ ಎಂದಿದ್ದಾರೆ.

The world’s oldest man says the secret to his long life is luck, moderation — and fish and chips every Friday. Englishman John Alfred Tinniswood, 111, has been confirmed as the new holder of the title by Guinness World Records. It follows the death of the Venezuelan record-holder, Juan Vicente Pérez, this month at the age of 114. Gisaburo Sonobe from Japan, who was next longest-lived, died March 31 at 112.