ಚೀನಾದಲ್ಲಿ ‘’ಡ್ರ್ಯಾಗನ್ ಮ್ಯಾನ್’’ ತಲೆಬುರುಡೆ ಪತ್ತೆ ; ಹೊಸ ವಾದ ತೆರೆದಿಟ್ಟ ವಿಜ್ಞಾನಿಗಳು

ಬ್ರೇಕಿಂಗ್ ನ್ಯೂಸ್

ನೀಟ್ ಪರೀಕ್ಷೆಗೆ ಒತ್ತಡ ಹೇರಿದ್ದಕ್ಕೆ ತಂದೆಯನ್ನೇ ಕೊಂದ ಮಗ ; ತಂಗಿಯ ಎದುರಲ್ಲೇ ದೇಹವನ್ನ ತುಂಡು ತುಂಡಾಗಿ ಕತ್ತರಿಸಿ ಡ್ರಮ್ ಗೆ ತುಂಬಿದ ಕಟುಕ, ಕಥೆ ಕಟ್ಟಲು ಹೋಗಿ ಪೊಲೀಸರ ಕೈಗೆ ತಗ್ಲಾಕೊಂಡ ನರರಾಕ್ಷಸ ! | ವಂದೇ ಮಾತರಂ ಕಡ್ಡಾಯ ಕ್ರಮಕ್ಕೆ ಜಮಾತೆ ಉಲೆಮಾ ಹಿಂದ್ ವಿರೋಧ ; ಏಕಪಕ್ಷೀಯ, ನಿರಂಕುಶ, ಸಂವಿಧಾನ ವಿರೋಧಿ ಎಂದ ಉಲೆಮಾ ಅಧ್ಯಕ್ಷ ಮೌಲಾನಾ ಅರ್ಷದ್ ಮದನಿ | ಮೋದಿ ಹೆಸರಲ್ಲಿ ಹತ್ತು ನಮೋ ಕುಟೀರ ನಿರ್ಮಾಣ ಯೋಜನೆ ; ಅಡ್ಕ ಭಗವತಿ ಕ್ಷೇತ್ರದ ದರ್ಶನ ಪಾತ್ರಿಗೆ ಏಳನೇ ಮನೆ ಶಿಲಾನ್ಯಾಸದಲ್ಲಿ ಸಂತೋಷ್ ಬೋಳ್ಯಾರ್ |

ಚೀನಾದಲ್ಲಿ ‘’ಡ್ರ್ಯಾಗನ್ ಮ್ಯಾನ್’’ ತಲೆಬುರುಡೆ ಪತ್ತೆ ; ಹೊಸ ವಾದ ತೆರೆದಿಟ್ಟ ವಿಜ್ಞಾನಿಗಳು

28-06-21 08:04 pm Headline Karnataka News Network ದೇಶ - ವಿದೇಶ

ಚೀನಾದಲ್ಲಿ ಅತ್ಯಂತ ಪ್ರಾಚೀನ ಮಾನವನ ತಲೆಬುರುಡೆಯ ಅವಶೇಷ ಪತ್ತೆಯಾಗಿದ್ದು, ಮಾನವನ ವಿಕಾಸವಾದಕ್ಕೆ ಹೊಸ ಸಾಕ್ಷ್ಯ ದೊರೆತಿದೆ ಎನ್ನುವ ವಾದವನ್ನು ಅಲ್ಲಿನ ವಿಜ್ಞಾನಿಗಳು ಮುಂದಿಟ್ಟಿದ್ದಾರೆ.

Photo credits : Wei Gao

ಬೀಜಿಂಗ್, ಜೂನ್ 28: ಚೀನಾದಲ್ಲಿ ಅತ್ಯಂತ ಪ್ರಾಚೀನ ಮಾನವನ ತಲೆಬುರುಡೆಯ ಅವಶೇಷ ಪತ್ತೆಯಾಗಿದ್ದು, ಮಾನವನ ವಿಕಾಸವಾದಕ್ಕೆ ಹೊಸ ಸಾಕ್ಷ್ಯ ದೊರೆತಿದೆ ಎನ್ನುವ ವಾದವನ್ನು ಅಲ್ಲಿನ ವಿಜ್ಞಾನಿಗಳು ಮುಂದಿಟ್ಟಿದ್ದಾರೆ.

1 ಲಕ್ಷ 40 ಸಾವಿರ ವರ್ಷಗಳ ಹಿಂದೆ, ಹಳೆ ಶಿಲಾಯುಗ ಕಾಲದಲ್ಲಿ ಜೀವಿಸಿದ್ದ ಮಾನವನ ತಲೆಬುರುಡೆ ಎಂದು ಚೀನಾದ ವಿಜ್ಞಾನಿಗಳು ಅಂದಾಜಿಸಿದ್ದಾರೆ. ಅಲ್ಲದೆ, ಈ ತಲೆಬುರುಡೆಯ ಗಾತ್ರ ಈಗಿನ ಮನುಷ್ಯನಿಗಿಂತ ದೊಡ್ಡದಾಗಿದ್ದು, ಅತ್ಯಂತ ಬಲಶಾಲಿ ಮತ್ತು ಗಾತ್ರದಲ್ಲಿ ದೊಡ್ಡದಾಗಿರುವ ಮಾನವ ಜನಾಂಗ ಇತ್ತೇ ಎನ್ನುವ ಬಗ್ಗೆ ಅಧ್ಯಯನಕ್ಕೆ ವೇದಿಕೆ ಒದಗಿಸಿದೆ. ಚೀನಾ ವಿಜ್ಞಾನಿಗಳು ಈ ತಲೆಬುರುಡೆಯನ್ನು ಡ್ರ್ಯಾಗನ್ ಮ್ಯಾನ್ ಎಂದು ಬಣ್ಣಿಸಿದ್ದಾರೆ.

ಹರ್ದಿನ್ ಪ್ರಾಂತ್ಯದಲ್ಲಿ ಪತ್ತೆಯಾದ ಈ ತಲೆಬುರುಡೆಯು ಈಗಿನ ಮಾನವ ಜನಾಂಗಕ್ಕೆ ತುಂಬ ಹತ್ತಿರದ ನಂಟು ಹೊಂದಿರುವಂತಿದೆ. ಇದರಿಂದಾಗಿ ನಿಯಾಂಡರ್ತಾಲ್ ಮಾನವನ ಉಗಮಕ್ಕಿಂತ ಹೊಸ ರೀತಿಯ ವಾದಕ್ಕೆ ಪುಷ್ಠಿ ಸಿಕ್ಕಂತಾಗಿದೆ ಎಂದಿದ್ದಾರೆ ವಿಜ್ಞಾನಿಗಳು. ತಲೆಬರುಡೆಯು 23 ಸೆಂಟಿ ಮೀಟರ್ ಉದ್ದ ಮತ್ತು 15 ಸೆಂಟಿ ಮೀಟರ್ ಅಗಲ ಹೊಂದಿದ್ದು, ಇದು ಈಗಿನ ಮಾನವರ ತಲೆಬುರುಡೆಗಿಂತ ದೊಡ್ಡದು. ಅಲ್ಲದೆ, ಇದರ ಬ್ರೈನ್ ಕೂಡ ದೊಡ್ಡದಿರುವುದು ಕಂಡುಬರುತ್ತದೆ. ದಪ್ಪಗಿನ ಕಣ್ಣು ಮತ್ತು ರೆಪ್ಪೆ ಇರುವಂತಿದ್ದು, ಸಂಶೋಧಕರು ಇದನ್ನು 50 ವರ್ಷ ಪ್ರಾಯದ ಮಧ್ಯವಯಸ್ಕ ಮಾನವನ ತಲೆಬುರುಡೆ ಎಂದು ಅಂದಾಜಿಸಿದ್ದಾರೆ.

ಹಿಮದ ನಡುವೆ ಅತ್ಯಂತ ಬಲಶಾಲಿ ಮಾನವ ಬದುಕಿದ್ದ. ತಲೆಬುರುಡೆಯ ಆಕಾರ ಗಮನಿಸಿದರೆ, ಕೆನ್ನೆಯ ಮೂಳೆಗಳು ಕಿರಿದಾಗಿದ್ದವು. ಬಾಯಿ ಅಗಲವಾಗಿತ್ತು. ಕೆಳ ದವಡೆ ತಪ್ಪಿ ಹೋಗಿದ್ದರಿಂದ ಅದರ ಆಕಾರವನ್ನು ಖಚಿತವಾಗಿ ಹೇಳುವಂತಿಲ್ಲ. ಆದರೆ, ಮಾನವನ ದೇಹದ ಗಾತ್ರ ತುಂಬ ಭಿನ್ನವಾಗಿತ್ತು ಎಂಬುದನ್ನು ಹೇಳಬಹುದು ಎಂದಿದ್ದಾರೆ ವಿಜ್ಞಾನಿಗಳು.

The discovery of a huge fossilised skull that was wrapped up and hidden in a Chinese well nearly 90 years ago has forced scientists to rewrite the story of human evolution. Analysis of the remains has revealed a new branch of the human family tree that points to a previously unknown sister group more closely related to modern humans than the Neanderthals.