ಮಂಗಳೂರು ಬಂದರಿಗೆ ಬರಲಿದೆ ಮತ್ತೆರಡು ಎಲ್ಪಿಜಿ ಹೊತ್ತ ಹಡಗು ; ಯುದ್ಧ ಪೀಡಿತ ಇರಾನ್ ದೇಶದಿಂದಲೇ ಎಲ್ಪಿಜಿ ಪೂರೈಕೆ

ಬ್ರೇಕಿಂಗ್ ನ್ಯೂಸ್

ನೀಟ್ ಪರೀಕ್ಷೆಗೆ ಒತ್ತಡ ಹೇರಿದ್ದಕ್ಕೆ ತಂದೆಯನ್ನೇ ಕೊಂದ ಮಗ ; ತಂಗಿಯ ಎದುರಲ್ಲೇ ದೇಹವನ್ನ ತುಂಡು ತುಂಡಾಗಿ ಕತ್ತರಿಸಿ ಡ್ರಮ್ ಗೆ ತುಂಬಿದ ಕಟುಕ, ಕಥೆ ಕಟ್ಟಲು ಹೋಗಿ ಪೊಲೀಸರ ಕೈಗೆ ತಗ್ಲಾಕೊಂಡ ನರರಾಕ್ಷಸ ! | ವಂದೇ ಮಾತರಂ ಕಡ್ಡಾಯ ಕ್ರಮಕ್ಕೆ ಜಮಾತೆ ಉಲೆಮಾ ಹಿಂದ್ ವಿರೋಧ ; ಏಕಪಕ್ಷೀಯ, ನಿರಂಕುಶ, ಸಂವಿಧಾನ ವಿರೋಧಿ ಎಂದ ಉಲೆಮಾ ಅಧ್ಯಕ್ಷ ಮೌಲಾನಾ ಅರ್ಷದ್ ಮದನಿ | ಮೋದಿ ಹೆಸರಲ್ಲಿ ಹತ್ತು ನಮೋ ಕುಟೀರ ನಿರ್ಮಾಣ ಯೋಜನೆ ; ಅಡ್ಕ ಭಗವತಿ ಕ್ಷೇತ್ರದ ದರ್ಶನ ಪಾತ್ರಿಗೆ ಏಳನೇ ಮನೆ ಶಿಲಾನ್ಯಾಸದಲ್ಲಿ ಸಂತೋಷ್ ಬೋಳ್ಯಾರ್ |

ಮಂಗಳೂರು ಬಂದರಿಗೆ ಬರಲಿದೆ ಮತ್ತೆರಡು ಎಲ್ಪಿಜಿ ಹೊತ್ತ ಹಡಗು ; ಯುದ್ಧ ಪೀಡಿತ ಇರಾನ್ ದೇಶದಿಂದಲೇ ಎಲ್ಪಿಜಿ ಪೂರೈಕೆ

30-03-26 11:13 pm Mangalore Correspondent ಕರಾವಳಿ

ನವ ಮಂಗಳೂರು ಬಂದರಿಗೆ ಮತ್ತೊಂದು ಎಲ್ಪಿಜಿ ಹೊತ್ತ ಟ್ಯಾಂಕರ್ ಹಡಗು ಶೀಘ್ರದಲ್ಲೇ ಬರಲಿದೆ. 23 ಸಾವಿರ ಟನ್ ಎಲ್ಪಿಜಿ ಹೊತ್ತ ಇರಾನ್ ಮೂಲದ ಹಡಗು ಅಲ್ ಐನ್ ಅರೋರಾ ಇನ್ನೆರಡು ದಿನದಲ್ಲಿ ಮಂಗಳೂರು ತಲುಪಲಿದೆ.

ಮಂಗಳೂರು, ಮಾರ್ಚ್ 30: ನವ ಮಂಗಳೂರು ಬಂದರಿಗೆ ಮತ್ತೊಂದು ಎಲ್ಪಿಜಿ ಹೊತ್ತ ಟ್ಯಾಂಕರ್ ಹಡಗು ಶೀಘ್ರದಲ್ಲೇ ಬರಲಿದೆ. 23 ಸಾವಿರ ಟನ್ ಎಲ್ಪಿಜಿ ಹೊತ್ತ ಇರಾನ್ ಮೂಲದ ಹಡಗು ಅಲ್ ಐನ್ ಅರೋರಾ ಇನ್ನೆರಡು ದಿನದಲ್ಲಿ ಮಂಗಳೂರು ತಲುಪಲಿದೆ.

ಈ ಹಡಗು ಇದೇ ಮಾರ್ಚ್ 19ರಂದು ಸೌದಿ ಅರೇಬಿಯಾದ ಯನ್ಬು ಇಂಡಸ್ಟ್ರಿಯಲ್ ಬಂದರಿನಿಂದ ಹೊರಟಿತ್ತು. ಮಂಗಳೂರು ಬಂದರು ಮೂಲಗಳ ಪ್ರಕಾರ, ಮಡಗಾಸ್ಕರ್ ಫ್ಲಾಗ್ ಹೊಂದಿರುವ ಹಡಗು ಇದೇ ಮಂಗಳವಾರ ಆಗಮಿಸುವ ನಿರೀಕ್ಷೆಯಿದೆ ಎನ್ನಲಾಗುತ್ತಿದೆ.

ಇತ್ತೀಚೆಗೆ ಇರಾನ್ ಕಡೆಯಿಂದ ತೈಲ ಖರೀದಿಗೆ ವಿಧಿಸಿದ್ದ ನಿರ್ಬಂಧವನ್ನು ಅಮೆರಿಕ ತಾತ್ಕಾಲಿಕವಾಗಿ ಹಿಂಪಡೆದಿತ್ತು. ಆನಂತರ, ಭಾರತಕ್ಕೆ ಇರಾನ್ ದೇಶದಿಂದ ತಲುಪುತ್ತಿರುವ ಮೊದಲ ತೈಲ ಹಡಗು ಇದಾಗಿದೆ. ಯುರೋಪ್ ದೇಶಗಳ ನಿರ್ಬಂಧ ಹಿನ್ನೆಲೆಯಲ್ಲಿ 2019ರ ನಂತರ ಇರಾನ್ ದೇಶದಿಂದ ಭಾರತಕ್ಕೆ ಇಂಧನ ಖರೀದಿಸುವುದು ಕಡಿಮೆಯಾಗಿತ್ತು. ಇದೀಗ ಚೀನಾಕ್ಕೆ ಹೊರಟಿದ್ದ ಇರಾನ್ ಮೂಲದ ಎಲ್ಪಿಜಿ ಟ್ಯಾಂಕ್ ಅರೋರಾ ಭಾರತದ ಬೇಡಿಕೆಯಂತೆ ಮಂಗಳೂರಿನತ್ತ ಬರುತ್ತಿದೆ.

ಇದೇ ವೇಳೆ, ಹೆಲ್ಲಾಸ್ ವೋಯೇಜರ್ ಹೆಸರಿನ ಎಲ್ಪಿಜಿ ಟ್ಯಾಂಕರ್ ನಿಂದ 20 ಸಾವಿರ ಟನ್ ಎಲ್ಪಿಜಿ ಅನ್ ಲೋಡ್ ಆಗುತ್ತಿದೆ. ಇದು ಅಮೆರಿಕದ ಹೌಸ್ಟನ್ ಬಂದರಿನಿಂದ ಫೆ.22ರಂದು ಹೊರಟಿತ್ತು. ಈ ಹಡಗಿನಿಂದ ಎಲ್ಪಿಜಿಯನ್ನು ನೇರವಾಗಿ ತೈಲ ಕಂಪನಿಗಳಿಗೆ ಪೂರೈಕೆ ಮಾಡಲಾಗುತ್ತಿದೆ. ಕಳೆದ ವಾರ ಗುಜರಾತ್ ನಿಂದ ಎಲ್ಪಿಜಿ ಹಡಗು ಮತ್ತು ಅಮೆರಿಕದಿಂದ ತೈಲ ಹೊತ್ತ ಹಡಗು ಆಗಮಿಸಿತ್ತು.