Mangalore baby Kidnap; ಮಗುವಿನ ತಾಯಿ ಯಾರು ? ಏಳು ತಿಂಗಳ ಹಸುಗೂಸನ್ನು ಅಪಹರಿಸಿ ಭಿಕ್ಷಾಟನೆಗೆ ಬಳಕೆ, ಡಿಎನ್ಎ ಪರೀಕ್ಷೆಯಲ್ಲಿ ಮಗುವಿನ ತಾಯಿ ಪತ್ತೆ, ಆರೋಪಿ ಮಹಿಳೆಗೆ ನಾಲ್ಕು ವರ್ಷ ಶಿಕ್ಷೆ

ಬ್ರೇಕಿಂಗ್ ನ್ಯೂಸ್

Job Scam Mangalore, Police Suspend, Hireglow fraud: ವಿದೇಶದಲ್ಲಿ ಉದ್ಯೋಗ ಆಮಿಷ ತೋರಿಸಿ ವಂಚನೆ ; ಕೋಟ್ಯಂತರ ಗೋಲ್ಮಾಲ್ ಹಿಂದೆ ಪೊಲೀಸರ ಸಾಥ್ ಇತ್ತಾ? ಇಬ್ಬರು ಪೊಲೀಸ್ ಅಧಿಕಾರಿಗಳು ಸಸ್ಪೆಂಡ್, ಪ್ರಕರಣದ ಬಗ್ಗೆ ಮಾಹಿತಿ ನೀಡದ ಪೊಲೀಸ್ ಕಮಿಷನರ್ ! | Jail Attack, Suhas Shetty, Mangalore, Chotte Naushad: ಸುಹಾಸ್ ಶೆಟ್ಟಿ ಕೊಲೆ ಆರೋಪಿಗಳಿಗೆ ಜೈಲಿನಲ್ಲೇ ಪ್ರತೀಕಾರಕ್ಕೆ ಸಂಚು ; ರೌಡಿ ಚೊಟ್ಟೆ ನೌಶಾದ್ ಮೇಲೆ ಸಹ ಕೈದಿಗಳಿಂದಲೇ ಅಟ್ಯಾಕ್, ಪೊಲೀಸರ ನಿಗಾದಿಂದ ಅಪಾಯದಿಂದ ಪಾರು | Konaje Suicide, Mangalore, Hair loss: ಕೂದಲು ಉದುರುತ್ತಿದೆ, ಕಿಡ್ನಿಗಳನ್ನ ಬಾವನಿಗೆ ದಾನ ಮಾಡುವಂತೆ ಡೆತ್ ನೋಟ್ ಬರೆದಿಟ್ಟು ಯುವಕ ಆತ್ಮಹತ್ಯೆ ; ಅಣ್ಣನ ಮದುವೆಗೆ ಹತ್ತು ದಿನ ಇರುವಾಗಲೇ ದುರ್ಘಟನೆ |

Mangalore baby Kidnap; ಮಗುವಿನ ತಾಯಿ ಯಾರು ? ಏಳು ತಿಂಗಳ ಹಸುಗೂಸನ್ನು ಅಪಹರಿಸಿ ಭಿಕ್ಷಾಟನೆಗೆ ಬಳಕೆ, ಡಿಎನ್ಎ ಪರೀಕ್ಷೆಯಲ್ಲಿ ಮಗುವಿನ ತಾಯಿ ಪತ್ತೆ, ಆರೋಪಿ ಮಹಿಳೆಗೆ ನಾಲ್ಕು ವರ್ಷ ಶಿಕ್ಷೆ

04-02-24 01:15 pm Mangalore Correspondent ಕರಾವಳಿ

ರೈಲ್ವೇ ನಿಲ್ದಾಣದಲ್ಲಿ ಏಳು ತಿಂಗಳ ಮಗುವನ್ನು ಅಪಹರಿಸಿ, ಮೈಸೂರಿಗೆ ಒಯ್ದು ಭಿಕ್ಷಾಟನೆ ನಡೆಸುತ್ತಿದ್ದ ಪ್ರಕರಣದಲ್ಲಿ ಆರೋಪಿ ಮಹಿಳೆಗೆ ಮಂಗಳೂರಿನ 2ನೇ ಜಿಲ್ಲಾ ಹೆಚ್ಚುವರಿ ನ್ಯಾಯಾಲಯ 4 ವರ್ಷ ಶಿಕ್ಷೆ ಹಾಗೂ ಹತ್ತು ಸಾವಿರ ರೂ. ದಂಡ ವಿಧಿಸಿದೆ.

ಮಂಗಳೂರು, ಫೆ.4: ರೈಲ್ವೇ ನಿಲ್ದಾಣದಲ್ಲಿ ಏಳು ತಿಂಗಳ ಮಗುವನ್ನು ಅಪಹರಿಸಿ, ಮೈಸೂರಿಗೆ ಒಯ್ದು ಭಿಕ್ಷಾಟನೆ ನಡೆಸುತ್ತಿದ್ದ ಪ್ರಕರಣದಲ್ಲಿ ಆರೋಪಿ ಮಹಿಳೆಗೆ ಮಂಗಳೂರಿನ 2ನೇ ಜಿಲ್ಲಾ ಹೆಚ್ಚುವರಿ ನ್ಯಾಯಾಲಯ 4 ವರ್ಷ ಶಿಕ್ಷೆ ಹಾಗೂ ಹತ್ತು ಸಾವಿರ ರೂ. ದಂಡ ವಿಧಿಸಿದೆ.

ರುಬಿಯಾ ಯಾನೆ ಫಾತಿಮಾ(44) ಅಪರಾಧ ಸಾಬೀತಾಗಿ ಶಿಕ್ಷೆಗೊಳಗಾದ ಮಹಿಳೆ. 2016ರ ಡಿಸೆಂಬರ್ ತಿಂಗಳಿನಲ್ಲಿ ರುಬಿಯಾ ಭಿಕ್ಷಾಟನೆಗೆಂದು ಬಂದು ಕಂಕನಾಡಿ ರೈಲ್ವೇ ನಿಲ್ದಾಣದಲ್ಲಿ ತನ್ನನ್ನು ಫಾತಿಮಾ ಎಂದು ಇತರರಿಗೆ ಪರಿಚಯಿಸಿಕೊಂಡಿದ್ದಳು. 2017ರ ಜನವರಿ 12ರಂದು ರೈಲ್ವೇ ಜಂಕ್ಷನ್ ಪಾರ್ಕಿಂಗ್ ಸ್ಥಳದ ಬಳಿ ಇನ್ನೊಬ್ಬ ಮಹಿಳೆ ತನ್ನ ಏಳು ತಿಂಗಳ ಹಸುಗೂಸನ್ನು ಮಲಗಿಸಿ ಭಿಕ್ಷಾಟನೆ ನಡೆಸುತ್ತಿದ್ದಳು. ಈ ವೇಳೆ, ಮಗುವನ್ನು ಫಾತಿಮಾ ಅಪಹರಿಸಿದ್ದು ಭಿಕ್ಷಾಟನೆ ಉದ್ದೇಶಕ್ಕಾಗಿ ಕಳ್ಳ ಸಾಗಾಟ ಮಾಡಿದ್ದಳು. ಆನಂತರ, ಮಗುವಿನ ತಾಯಿ ಜೊತೆ ಸೇರಿ ಹುಡುಕಾಟದ ನಾಟಕವಾಡಿದ್ದಳು.

ಬಳಿಕ ಅಲ್ಲಿಂದ ತಪ್ಪಿಸಿಕೊಂಡು ಫಾತಿಮಾ ಅದೇ ಮಗುವಿನ ಜೊತೆಗೆ ಭಿಕ್ಷಾಟನೆ ಮಾಡುತ್ತಿದ್ದಳು. 2020 ಜನವರಿ 22ರಂದು ಮೈಸೂರು ನಗರದ ಮಂಡಿ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ಮೊಹಲ್ಲಾ ಗ್ರಾಮದ ಅಶೋಕ ರಸ್ತೆಯಲ್ಲಿರುವ ಮಸೀದಿ ಎದುರಿನಲ್ಲಿ ಮಗುವಿನ ಜತೆ ಭಿಕ್ಷಾಟನೆ ಮಾಡುತ್ತಿದ್ದಾಗ, ಮಗುವನ್ನು ಕಳಕೊಂಡಿದ್ದ ಮಹಿಳೆ ಗಮನಿಸಿ ಮಂಗಳೂರಿನ ಕಂಕನಾಡಿ ಠಾಣೆಯಲ್ಲಿ ದೂರು ನೀಡಿದ್ದರು. ಪ್ರಕರಣದ ಬಗ್ಗೆ ಕಂಕನಾಡಿ ಠಾಣೆಯ ಇನ್ಸ್ ಪೆಕ್ಟರ್ ರಾಮಕೃಷ್ಣ ಕೆ.ಕೆ. ಹಾಗೂ ಎಸ್ಐ ಪ್ರದೀಪ್ ಟಿಆರ್ ಸಮಗ್ರ ತನಿಖೆ ನಡೆಸಿ ಒಟ್ಟು 20 ಮಂದಿ ಸಾಕ್ಷಿದಾರರನ್ನು ತನಿಖೆಗೊಳಪಿಸಿ ಐಪಿಸಿ 363(2) ಮತ್ತು 370ರಡಿ ದೋಷಾರೋಪ ಪಟ್ಟಿ ಸಲ್ಲಿಸಿದ್ದರು.

ವಿಚಾರಣೆ ನಡೆಸಿದ 2ನೇ ಹೆಚ್ಚುವರಿ ಜಿಲ್ಲಾ ನ್ಯಾಯಾಲಯದ ನ್ಯಾಯಾಧೀಶರಾದ ಪ್ರೀತಿ ಕೆ.ಪಿ ಅವರು, ಅಪರಾಧ ಸಾಬೀತುಗೊಂಡಿದ್ದರಿಂದ ಆರೋಪಿಗೆ ನಾಲ್ಕು ವರ್ಷ ಶಿಕ್ಷೆ ಹಾಗೂ ಹತ್ತು ಸಾವಿರ ದಂಡ ವಿಧಿಸಿದ್ದಾರೆ. ಮಗುವಿನ ತಾಯಿ ತಾನೇ ಎಂದು ಇಬ್ಬರೂ ಮಹಿಳೆಯರು ವಾದಿಸಿದ್ದರಿಂದ ಕೊನೆಗೆ ನ್ಯಾಯಾಲಯ ಡಿಎನ್ಎ ಪರೀಕ್ಷೆಗೆ ಮುಂದಾಗಿತ್ತು. ಪರೀಕ್ಷಾ ವರದಿಯಲ್ಲಿ ಮಗುವಿನ ಜೈವಿಕ ತಾಯಿ ದೂರುದಾರ ಮಹಿಳೆ ಎಂಬುದು ತಿಳಿದುಬಂದಿತ್ತು.

Bengalore resident sentenced to four years jail for kidnapping baby from Mangalore Railway Station in 2017. A Mangaluru court sentenced a 40-year-old resident of Malleshwaram in Bengaluru to four years of simple imprisonment on finding her guilty of kidnapping a seven-month-old baby boy from Mangaluru Junction Railway Station in 2017. The second Additional District and Sessions Judge Preethi K.P. sentenced 40-year-old Rabiya alias Fathima to undergo four-year simple imprisonment for the offence punishable under Section 363 of the Indian Penal Code (IPC).