ಬ್ರೆಡ್‌ ಪ್ರಿಯರಿಗೆ ಖುಷಿ ಸುದ್ದಿ: ಈ ವಿಶೇಷವಾದ ಬ್ರೆಡ್‌ಗಳು ತೂಕ ಇಳಿಕೆಗೆ ಮತ್ತು ಮಧುಮೇಹಕ್ಕೆ ಒಳ್ಳೆಯದಂತೆ…!

ಬ್ರೇಕಿಂಗ್ ನ್ಯೂಸ್

ಉಡುಪಿ ಲಯನ್ಸ್ ಸರ್ಕಲ್‌ ಬಳಿ ಭೀಕರ ಅಪಘಾತ ; ರಸ್ತೆ ಬದಿ ನಡೆದುಕೊಂಡು ಹೋಗುತ್ತಿದ್ದ ಮಹಿಳೆಗೆ ಬಸ್ ಡಿಕ್ಕಿ, ನಗರಸಭೆ ಮಾಜಿ ಉಪಾಧ್ಯಕ್ಷೆ ಸ್ಥಳದಲ್ಲೇ ಸಾವು ! | ಜಂಕ್‌ಫುಡ್‌ ವಿರುದ್ಧ ಖಾದರ್‌ ಸಮರ ; ಶಾಲಾ–ಕಾಲೇಜುಗಳ 50 ಮೀಟರ್ ಸುತ್ತ ಮಾರಾಟ ನಿಷೇದ, ನಿಯಮ ಉಲ್ಲಂಘಿಸಿದರೆ 3 ಲಕ್ಷದವರೆಗೂ ದಂಡ, ಯಾಕೆ ಈ ಆದೇಶ? | Mangaluru: ಪತ್ನಿಯ ಕಿರುಕುಳ ; ಅಕ್ಕನಿಗೆ ವಿಡಿಯೋ ಕಾಲ್ ಮಾಡಿ ಮಾತನಾಡುತ್ತಲೇ ನೇಣಿಗೆ ಶರಣಾದ ಮೂಡುಬಿದಿರೆಯ ಟೆಂಪೋ ಚಾಲಕ |

ಬ್ರೆಡ್‌ ಪ್ರಿಯರಿಗೆ ಖುಷಿ ಸುದ್ದಿ: ಈ ವಿಶೇಷವಾದ ಬ್ರೆಡ್‌ಗಳು ತೂಕ ಇಳಿಕೆಗೆ ಮತ್ತು ಮಧುಮೇಹಕ್ಕೆ ಒಳ್ಳೆಯದಂತೆ…!

09-05-22 09:06 pm Source: Vijayakarnataka ಡಾಕ್ಟರ್ಸ್ ನೋಟ್

ಬ್ರೆಡ್ ಸಂಜೆಯ ಅತ್ಯುತ್ತಮವಾದ ಸ್ನಾಕ್ಸ್ ಆಗಿದೆ. ಕೆಲವು ಬ್ರೆಡ್‌ಗಳು ನಿಮ್ಮ ತೂಕ ಮತ್ತು ಮಧುಮೇಹದ ಮೇಲೆ ಯಾವುದೇ ರೀತಿಯ ಪರಿಣಾಮವನ್ನು ಬೀರುವುದಿಲ್ಲ. ಅವುಗಳು ಈ ಕೆಳಗಿನಂತಿವೆ…

ತೂಕ ಇಳಿಕೆ ಮಾಡಿಕೊಳ್ಳಲು ಬಯಸುವವರು ಯಾವುದೇ ಕಾರಣಕ್ಕೂ ಪಿಷ್ಟ ಆಹಾರಗಳನ್ನು ಸೇವನೆ ಮಾಡಲು ಪೌಷ್ಟಿಕ ತಜ್ಞರು ಶಿಫಾರಸು ಮಾಡಲಾಗುವುದಿಲ್ಲ. ಈ ಕಾರಣದಿಂದಲೇ ಬ್ರೆಡ್‌ ಟೋಸ್ಟ್‌ಗಳನ್ನು ಕೈ ಬೀಡುತ್ತಾರೆ.

ಇನ್ನು ಮಧುಮೇಹ ಹೊಂದಿರುವವರು ಕೂಡ ಬ್ರೆಡ್‌, ಬನ್, ಮೈದಾದಿಂದ ತಯಾರಿಸಿದ ಆಹಾರಗಳಿಂದ ದೂರ ಉಳಿಯುತ್ತಾರೆ. ಬಹುತೇಕರು ಇಂತಹ ಆಹಾರಗಳು ತೂಕ ಮತ್ತು ಮಧುಮೇಹದ ಮೇಲೆ ಪರಿಣಾಮ ಬೀರುವುದರಿಂದ ಸಂಪೂರ್ಣವಾಗಿ ದೂರ ಉಳಿಯವುದೇ ಲೇಸು ಎಂದು ಅಭಿಪ್ರಾಯ ಪಡುತ್ತಾರೆ.

ಆದರೆ ನಿಮಗಿದು ತಿಳಿದಿರಲಿ, ಕೆಲವು ವಿಶೇಷವಾದ ಬ್ರೆಡ್‌ಗಳು ನಿಮ್ಮ ತೂಕ ಮತ್ತು ಮಧುಮೇಹದ ಮೇಲೆ ಯಾವುದೇ ರೀತಿಯ ಬದಲಾವಣೆಗಳನ್ನು ತರುವುದಿಲ್ಲ. ಹಾಗಾದರೆ ಆ ಬ್ರೆಡ್‌ಗಳು ಯಾವುವು ಎಂಬುದನ್ನು ಇಲ್ಲಿ ತಿಳಿಯಿರಿ.

ಗೋಧಿ ಬ್ರೆಡ್‌

Whole-Wheat Might Not Be Healthier than White Bread | Kitchn

ಮಧುಮೇಹಕ್ಕೆ ಮತ್ತು ತೂಕ ಇಳಿಕೆಗೆ ಮೈದಾದಿಂದ ತಯಾರಿಸಿದ ಬ್ರೆಡ್‌ಗಳಿಗೆ ಪಯಾರ್ಯವಾಗಿ ಗೋಧಿಯ ಬ್ರೆಡ್‌ಗಳನ್ನು ಆಯ್ಕೆ ಮಾಡಿಕೊಳ್ಳುವುದು ಬಹಳ ಒಳ್ಳೆಯದು.
ಇದು ಕೇವಲ ಪೌಷ್ಟಿಕಾಂಶಭರಿತವಾಗಿರುವುದು ಮಾತ್ರವಲ್ಲ, ಆರೋಗ್ಯಕರವಾದ ಕುರುಕಲು ತಿಂಡಿಯಾಗಿದೆ.
ವಿಶೇಷವಾಗಿ ಈ ಗೋಧಿ ಬ್ರೆಡ್‌ ನಿಮ್ಮ ಹೃದಯದ ಆರೋಗ್ಯವನ್ನು ಹೆಚ್ಚಿಸುವ ಮೂಲಕ ಟೈಪ್‌ 2 ಮಧುಮೇಹದ ಅಪಾಯವನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ.
ಗೋಧಿಯಲ್ಲಿ ನಾರಿನಂಶ ಹೆಚ್ಚಾಗಿದ್ದು, ಪದೇ ಪದೇ ಹಸಿವಾಗುವುದನ್ನು ತಪ್ಪಿಸುತ್ತದೆ.

ಧಾನ್ಯದ ಬ್ರೆಡ್‌

Hartig en zoet catering - Google Play ನಲ್ಲಿ ಅಪ್ಲಿಕೇಶನ್‌ಗಳು

ಮಾರುಕಟ್ಟೆಯಲ್ಲಿ ವಿಶೇಷವಾಗಿ ಧಾನ್ಯದಿಂದಲೇ ತಯಾರಿಸಿದ ಬ್ರೆಡ್‌ ಅನ್ನು ನೀವು ಆಯ್ಕೆ ಮಾಡಿಕೊಳ್ಳಬಹುದು.
ಇಂತಹ ಬ್ರೆಡ್‌ಗಳು ಸಂಪೂರ್ಣವಾಗಿ ಧಾನ್ಯದಿಂದಲೇ ತಯಾರಿಸಲಾಗುತ್ತದೆ.
ಸಾಮಾನ್ಯ ಮೈದಾದಿಂದ ತಯಾರಿಸಿದ ಬ್ರೆಡ್‌ಗಳಿಗಿಂತ ಈ ಬ್ರೆಡ್‌ಗಳಲ್ಲಿ ಪೌಷ್ಟಿಕಾಂಶದ ಮೌಲ್ಯ ಅಧಿಕವಾಗಿರುತ್ತದೆ.
ಇನ್ನು ಮೈದಾ ಬ್ರೆಡ್‌ಗಳು ಗ್ಲೈಸೆಮಿಕ್‌ ಸೂಚಿಯನ್ನು ಕಡಿಮೆ ಮಾಡುವ ಮೂಲಕ ತಿಂದ ನಂತರ ರಕ್ತದಲ್ಲಿನ ಸಕ್ಕರೆಯು ತ್ವರಿತವಾಗಿ ಏರುತ್ತದೆ.
ಇದಕ್ಕೆ ತದ್ವಿರುದ್ಧವಾಗಿ ಧಾನ್ಯದ ಬ್ರೆಡ್‌ಗಳಲ್ಲಿ ಬಾರ್ಲಿ, ಓಟ್, ಅಮರಂಥ್ ಮತ್ತು ರಾಗಿ ಸೇರಿರುತ್ತವೆ.
ಇಂತಹ ಬ್ರೆಡ್‌ಗಳಲ್ಲಿ ವಿಟಮಿನ್‌ಗಳು, ಖನಿಜಗಳು, ಫೈಬರ್‌ ಮತ್ತು ಪ್ರೋಟೀನ್‌ಗಳಿಂದ ತುಂಬಿರುತ್ತದೆ.

ಹುಳಿ ಬ್ರೆಡ್‌

El mejor pan de masa madre keto - ¿Es keto esto?

ಹುಳಿ ಬ್ರೆಡ್‌ಗಳ ಬಗ್ಗೆ ಪ್ರಾಯಶಃ ನಿಮಗೆ ಮಾಹಿತಿ ಇಲ್ಲದಿರಬಹುದು.
ಇದೊಂದು ಸಾಂಪ್ರದಾಯಿಕ ಹುಳಿ ಬ್ರೆಡ್‌ ಆಗಿದ್ದು, ನಿಧಾನವಾಗಿ ನೀರು ಮತ್ತು ಹಿಟ್ಟನ್ನು ಹುದುಗಿಸುವ ಮೂಲಕ ತಯಾರಿಸಲಾಗುತ್ತದೆ.
ಈ ಪ್ರಕ್ರಿಯೆಯಲ್ಲಿ ಹಿಟ್ಟಿನಲ್ಲಿರುವ ಕೆಲವು ಪಿಷ್ಟವು ಹೊಡೆಯುವ ಮೂಲಕ ಗ್ಲೈಸೆಮಿಕ್‌ ಸೂಚಿಯನ್ನು ಕಡಿಮೆ ಮಾಡುತ್ತದೆ.
ಹಾಗೆಯೇ ನೈಸರ್ಗಿಕ ಪ್ರೋಬಯಾಟಿಕ್‌ಗಳನ್ನು ಕೂಡ ಸೇರಿಸುತ್ತದೆ.
ಇಂತಹ ಬ್ರೆಡ್‌ಗಳು ನಿಮ್ಮ ಮಧುಮೇಹ ಮತ್ತು ತೂಕದ ಮೇಲೆ ಮಾತ್ರ ಪ್ರಯೋಜನವನ್ನು ಬೀರುವುದಿಲ್ಲ ಬದಲಾಗಿ, ಕರುಳಿಗೆ ಒಳ್ಳೆಯ ಬ್ಯಾಕ್ಟೀರಿಯಾ ಸೇರ್ಪಡೆಯಾಗಿ, ಉರಿಯೂತ ಮತ್ತು ಅಲರ್ಜಿಯಂತಹ ಅಪಾಯವನ್ನು ಕಡಿಮೆ ಮಾಡುವ ಮೂಲಕ ಇಮ್ಯೂನಿಟಿಯನ್ನು ಹೆಚ್ಚಿಸುತ್ತದೆ.

ಮೊಳಕೆ ಕಾಳುಗಳ ಬ್ರೆಡ್‌

ಇದೇನಪ್ಪಾ ಮೊಳಕೆ ಕಾಳಿನ ಬ್ರೆಡ್‌ ಎಂದು ಆಶ್ಚರ್ಯ ಪಡುತ್ತಿದ್ದೀರಾ? ಹೌದು, ಈ ಬ್ರೆಡ್‌ ನಿಮ್ಮ ಮಧುಮೇಹ ಮತ್ತು ತೂಕ ನಿರ್ವಹಣೆಗೆ ಅತ್ಯುತ್ತಮವಾಗಿದೆ.
ಮುಖ್ಯವಾಗಿ, ಇದು ಧಾನ್ಯಗಳು, ಬೀನ್ಸ್‌ಗಳು ಮತ್ತು ಬೀಜಗಳನ್ನು ನೀರಿನಲ್ಲಿ ನೆನಸಿ ಮೊಳಕೆಯೊಡೆದ ನಂತರ ತಯಾರಿಸಲಾಗುತ್ತದೆ.
ಈ ಕಾಳುಗಳನ್ನು ಹಿಟ್ಟಿನಲ್ಲಿ ಬೆರೆಸಿ, ನಿಧಾನವಾಗಿ ಬ್ರೆಡ್‌ನಲ್ಲಿ ಬೇಯಿಸಲಾಗುತ್ತದೆ.
ಮೊಳಕೆ ಕಾಳಿನ ಬ್ರೆಡ್‌ಗಳು ನಿಮ್ಮ ತೂಕ ಮತ್ತು ಮಧುಮೇಹವನ್ನು ಪರಿಣಾಮಕಾರಿ ನಿರ್ವಹಿಸುತ್ತದೆ.