ಹಾಲಿಗೆ ಇಂಗು ಹಾಕಿ ಕುಡಿದರೆ ಯಾವತ್ತು ಗ್ಯಾಸ್ಟ್ರಿಕ್ ಆಗಲ್ವಂತೆ!

04-02-23 07:32 pm Source: Vijayakarnataka ಡಾಕ್ಟರ್ಸ್ ನೋಟ್

ಹಾಲಿಗೆ ಸಕ್ಕರೆ ಹಾಕಿ ಕುಡಿಯುವ ಬದಲು ಇನ್ನು ಮುಂದೆ ಸ್ವಲ್ಪ ಇಂಗು ಹಾಕಿ ಕುಡಿದು ನೋಡಿ. ಆನಂತರದಲ್ಲಿ ನಿಮ್ಮಲ್ಲಾಗುವ ಬದಲಾವಣೆ ನಿಮಗೆ ಸಂತೋಷ ಕೊಡುತ್ತದೆ....

ನಮಗೆಲ್ಲ ಗೊತ್ತಿರುವ ಹಾಗೆ ಸಾಕಷ್ಟು ಜನರು ಜೀರ್ಣಾಂಗ ವ್ಯವಸ್ಥೆಯ ತೊಂದರೆಗಳಿಂದ ಮತ್ತು ಕರುಳು ಸಂಬಂಧಿ ಕಾಯಿಲೆಗಳಿಂದ ಬಳಲುತ್ತಿರುವ ಉದಾಹರಣೆಗಳಿವೆ. ಕೆಲವರಿಗೆ ಹೊಟ್ಟೆಯ ಭಾಗದಲ್ಲಿ ಸೋಂಕು ಉಂಟಾಗಿ ಅದು ಕರುಳಿನವರೆಗೂ ಹರಡಿರುತ್ತದೆ.

ಇದರಲ್ಲಿ ಇರಿಟೆಬಲ್ ಬೋವೆಲ್ ಸಿಂಡ್ರೋಮ್ ಸಮಸ್ಯೆ ಕೂಡ ಒಂದು. ಈ ತೊಂದರೆಯನ್ನು ಹೊಂದಿರುವ ಜನರು ಅಧಿಕ ರಕ್ತದ ಒತ್ತಡದ ಸಮಸ್ಯೆಯಿಂದ ಬಳಲುತ್ತಿರುತ್ತಾರೆ ಎಂದು ತಿಳಿಯ ಲಾಗಿದೆ. ಅವರಿಗೆ ದೇಹದಲ್ಲಿ ಕೊಲೆಸ್ಟ್ರಾಲ್ ಮತ್ತು ಲಿಪಿಡ್ಸ್ ತೊಂದರೆ ಇರುತ್ತದೆ. ಅಂತಹವರಿಗೆ ಇಂಗು ಪರಿಹಾರದಾಯಕವಾಗಿ ಕೆಲಸ ಮಾಡುತ್ತದೆ...

ರಕ್ತ ಶುದ್ಧೀಕರಣ ಇದರ ಕೆಲಸ

ನಮ್ಮ ದೇಹದಲ್ಲಿ ನಾವು ಆಹಾರ ತಿನ್ನುತ್ತಾ ಹೋದಂಗೆ ಹೆಚ್ಚು ಕೊಲೆಸ್ಟ್ರಾಲ್ ಅಂಶ ಮತ್ತು ಕೊಬ್ಬಿನ ಅಂಶ ಶೇಖರಣೆಯಾಗುತ್ತದೆ. ಇದು ನಮ್ಮ ರಕ್ತವನ್ನು ಮೊದಲಿಗಿಂತ ಗಟ್ಟಿ ಮಾಡುತ್ತದೆ.
ಹೀಗೆ ಮಾಡಿದಾಗ ಸರಾಗವಾಗಿ ನಮ್ಮ ಹೃದಯದ ಮೂಲಕ ರಕ್ತ ಸಂಚಾರ ಆಗಲು ಸಾಧ್ಯವಿರು ವುದಿಲ್ಲ. ಇಂತಹ ಸಂದರ್ಭದಲ್ಲಿ ನಮ್ಮ ದೇಹಕ್ಕೆ ಯಾವುದಾದರೂ ಒಂದು ರೂಪದಲ್ಲಿ ಇಂಗು ಸೇರಿದರೆ ಅದರಿಂದ ನಮ್ಮ ರಕ್ತ ಶುದ್ಧವಾಗುತ್ತದೆ ಮತ್ತು ತೆಳ್ಳಗೆ ಮೊದಲಿನಂತೆ ಆಗುತ್ತದೆ.

ಹಾಲಿನ ಜೊತೆ ಇಂಗು

10 Super Benefits of Drinking Milk at Night

ನಮ್ಮಲ್ಲಿ ಹಲವರಿಗೆ ರಾತ್ರಿ ಮಲಗುವ ಸಂದರ್ಭದಲ್ಲಿ ಒಂದು ಲೋಟ ಹಾಲು ಕುಡಿದು ಮಲಗುವ ಅಭ್ಯಾಸ ಇರುತ್ತದೆ. ಕೆಲವರು ಹಾಲಿಗೆ ಸಕ್ಕರೆ ಹಾಕಿ ಕುಡಿಯುತ್ತಾರೆ. ಇನ್ನು ಕೆಲವರು ಕೇಸರಿ ಬೆರೆಸಿ ಕುಡಿಯುತ್ತಾರೆ.
ಆದರೆ ಜೀರ್ಣಾಂಗ ವ್ಯವಸ್ಥೆಯ ತೊಂದರೆ ಇರುವವರು, ಆಗಾಗ ಗ್ಯಾಸ್ಟ್ರಿಕ್ ಎಂದು ಹೇಳುವವರು ಹಾಲಿಗೆ ಸ್ವಲ್ಪ ಇಂಗು ಹಾಕಿ ಕುಡಿಯಬೇಕು ಎಂದು ವೈದ್ಯರು ಹೇಳುತ್ತಾರೆ.
ಏಕೆಂದರೆ ಇದು ಹಲವು ಬಗೆಯ ಹೊಟ್ಟೆಗೆ ಸಂಬಂಧಪಟ್ಟ ಸಮಸ್ಯೆಗಳಿಗೆ ಪರಿಹಾರವಾಗಿ ಕೆಲಸ ಮಾಡುತ್ತದೆ. ಹಲವಾರು ಪುಸ್ತಕಗಳಲ್ಲಿ ಕೂಡ ಇದನ್ನು ಬರೆಯಲಾಗಿದೆ. ಉದಾಹರಣೆಗೆ ದ್ರವ್ಯ ಗುಣ ವಿಜ್ಞಾನ, ಭಾವ ಪ್ರಕಾಶ ನಿಘಂಟು, ವನೌಷಧಿ ಚಂದ್ರೋದಯ, ಆದರ್ಶ ನಿಘಂಟು ಇತ್ಯಾದಿಗಳು.

ವಯಸ್ಸಾದವರು ಕೂಡ ಇದನ್ನು ಅಭ್ಯಾಸ ಮಾಡಿಕೊಳ್ಳಬಹುದಾಗಿದೆ

ಹಾಲಿಗೆ ಇಂಗು ಹಾಕಿ ಕುಡಿಯುವವರಿಗೆ ಸಿಗುವ ಕೆಲವೊಂದು ಪ್ರಯೋಜನಗಳು
ಕರುಳಿನ ಭಾಗ ಶುದ್ದಿಯಾಗುತ್ತದೆ ಜೊತೆಗೆ ಕರುಳು ಒಣಗುವ ಸಾಧ್ಯತೆ ತಪ್ಪುತ್ತದೆ.
ಅಜೀರ್ಣತೆ, ಹೊಟ್ಟೆ ನೋವು, ವಾಂತಿ, ಬಿಕ್ಕಳಿಕೆ, ವಾಕರಿಕೆ ಬಂದಂತೆ ಆಗುವುದು ಇತ್ಯಾದಿ ಸಮಸ್ಯೆಗಳು ದೂರವಾಗುತ್ತವೆ.
ಆಮಶಂಕೆ, ಮಲಬದ್ಧತೆ ಸಮಸ್ಯೆಗಳು ಕೂಡ ಪರಿಹಾರವಾಗುತ್ತದೆ.
ಹೊಟ್ಟೆ ಕೆಟ್ಟು ಹೋಗಿರುವುದು, ಹೊಟ್ಟೆಯಲ್ಲಿ ಉರಿ ಇಂತಹ ತೊಂದರೆಗಳಿಗೆ ಪರಿಹಾರ ಸಿಗುತ್ತದೆ.
ಕರುಳಿನ ಚಲನೆ ಉತ್ತಮಗೊಳ್ಳುತ್ತದೆ.
ಮೂಲವ್ಯಾಧಿ ಸಮಸ್ಯೆಯಿಂದ ಮುಕ್ತಿ ಸಿಗುತ್ತದೆ.
ಲಿವರ್ ಭಾಗ ಸಕ್ರಿಯವಾಗಿ ಕೆಲಸ ಮಾಡುವುದು ಮಾತ್ರವಲ್ಲದೆ ದೇಹ ಭಾರ ಎನಿಸುವುದಿಲ್ಲ.

ಯಾವ ರೀತಿ ಸೇವನೆ ಒಳ್ಳೆಯದು

Giving Hing (Asafetida) to Babies: Is It Safe, Benefits & Precautions

ನೀವು ಇದಕ್ಕಾಗಿ ಅಪ್ಪಟ ಇಂಗು ತೆಗೆದುಕೊಳ್ಳುವುದು ಒಳ್ಳೆಯದು.
ಮೊದಲಿಗೆ ಇಂಗು ತೆಗೆದುಕೊಂಡು ಅದನ್ನು ಮಣ್ಣಿನ ಮಡಿಕೆಯಲ್ಲಿ ನೀರಿನಲ್ಲಿ ತೆಗೆದುಕೊಂಡು ಅದರಲ್ಲಿ 72 ಗಂಟೆಗಳ ಕಾಲ ಸಂಪೂರ್ಣವಾಗಿ ನೆನೆ ಹಾಕಿ.
ಇದು ಚೆನ್ನಾಗಿ ನೀರಿನಲ್ಲಿ ಮಿಕ್ಸ್ ಆದ ಮೇಲೆ ಆ ನೀರನ್ನು ಒಂದು ಟೇಬಲ್ ಚಮಚ ತೆಗೆದು ಕೊಂಡು ಅದನ್ನು ನೀವು ಕುಡಿಯುವ ಒಂದು ಲೋಟ ಬಿಸಿ ಹಾಲಿಗೆ ಮಿಶ್ರಣ ಮಾಡಿ ಖಾಲಿ ಹೊಟ್ಟೆಯಲ್ಲಿ ಅಥವಾ ರಾತ್ರಿ ಸಮಯದಲ್ಲಿ ಊಟ ಮಾಡಿದ ಒಂದು ಗಂಟೆ ಬಿಟ್ಟು ಕುಡಿಯುವ ಅಭ್ಯಾಸ ಮಾಡಿಕೊಳ್ಳಿ. ಇದೇ ರೀತಿ ಪ್ರತಿ ದಿನ ಮಾಡುತ್ತಾ ಬನ್ನಿ. ನಿಮ್ಮ ಸಮಸ್ಯೆ ಸಂಪೂರ್ಣವಾಗಿ ಪರಿಹಾರವಾಗುತ್ತದೆ.

ಈ ವಿಚಾರಗಳು ನೆನಪಿರಲಿ

ನೀವು ಈ ಮೇಲಿನ ಪ್ರಕ್ರಿಯೆ ಶುರು ಮಾಡಿದ ನಂತರದಲ್ಲಿ, ರಾತ್ರಿ ಸಮಯದಲ್ಲಿ ತೊಗರಿ ಬೇಳೆಯಿಂದ ಮಾಡಿದ ಸಾರು, ಪಲ್ಯ ಇತ್ಯಾದಿಗಳನ್ನು ತಿನ್ನಬಾರದು. ಬದನೆಕಾಯಿ ತಿನ್ನಬಾರದು.
ಜೊತೆಗೆ ಉಪ್ಪಿನಕಾಯಿ, ಮೊಸರು, ಸಲಾಡ್, ರೋಡ್ ಸೈಡ್ ಆಹಾರಗಳು, ಹಣ್ಣುಗಳು ಮತ್ತು ಹಣ್ಣಿನ ಜ್ಯೂಸ್ ಸೇವಿಸಬಾರದು.
ಬದಲಿಗೆ ಬೆಳಗಿನ ಸಮಯದಲ್ಲಿ ನಿಮ್ಮ ತಿಂಡಿ ತಿನ್ನುವ ಸಂದರ್ಭದಲ್ಲಿ ಸೀಬೆಹಣ್ಣು, ಮಜ್ಜಿಗೆ, ಪರಂಗಿ ಹಣ್ಣು ಇತ್ಯಾದಿಗಳನ್ನು ಸೇವಿಸಿ.