ಆರೋಗ್ಯವಾಗಿ ಇರಬೇಕೆಂದ್ರೆ ಜಾಸ್ತಿ ಹಣ್ಣು ಹಣ್ಣಾದ ಬಾಳೆಹಣ್ಣು ತಿನ್ನಬೇಕಂತೆ!

ಬ್ರೇಕಿಂಗ್ ನ್ಯೂಸ್

Karkala Mla Sunil Kumar, Parameshwar: ಆ್ಯಂಟಿ ಕಮ್ಯುನಲ್ ಪೋರ್ಸ್ ರಚನೆಯ ಉದ್ದೇಶ ಸ್ಪಷ್ಟವಾಗಿದೆ ; ಮುಸ್ಲಿಂ ಮುಖಂಡರು ಮೇಜು ಗುದ್ದಿ ಸರಕಾರಕ್ಕೆ ಧಮಕಿ ಹಾಕಿದ್ದಾರೆ, ಗೃಹ ಸಚಿವರು ಹಂತಕರ ರಾಗಕ್ಕೆ ತಾಳ ಹಾಕಲು ಹೊರಟಿದ್ದಾರೆ, ಶಾಸಕ ಸುನೀಲ್ ಕಿಡಿ | Mangalore, Stabbing, Suhas Shetty Murder, Arrest: ಮಂಗಳೂರಿನಲ್ಲಿ ಮೂರು ಕಡೆ ಚಾಕು ಇರಿತ ಪ್ರಕರಣ ; ಏಳು ಮಂದಿ ಆರೋಪಿಗಳ ಸೆರೆ, ಉಳ್ಳಾಲ- ಅಡ್ಯಾರ್ ನಲ್ಲಿ ಒಂದೇ ತಂಡದ ಕೃತ್ಯ | Mangalore, Animal Welfare: ಪ್ರಾಣಿ ಸಂರಕ್ಷಣೆ ಜಾಗೃತಿಗಾಗಿ ಕಾಲ್ನಡಿಗೆಯಲ್ಲೇ ದೇಶ ಪರ್ಯಟನೆ ; ವೀಲ್ ಚೇರಲ್ಲಿ ಬೀದಿ ಶ್ವಾನವನ್ನ ಹೊತ್ತು 29 ರಾಜ್ಯ ಸುತ್ತಲು ಹೊರಟ ಬೆಂಗಳೂರಿನ ಯುವಕ, ಪ್ರಾಣಿಗಳಿಗೆ ಒಂದು ಲಕ್ಷ ರೇಡಿಯಂ ಕೊರಳ ಪಟ್ಟಿ ಗುರಿ |

ಆರೋಗ್ಯವಾಗಿ ಇರಬೇಕೆಂದ್ರೆ ಜಾಸ್ತಿ ಹಣ್ಣು ಹಣ್ಣಾದ ಬಾಳೆಹಣ್ಣು ತಿನ್ನಬೇಕಂತೆ!

19-08-22 06:44 pm Source: Vijayakarnataka ಡಾಕ್ಟರ್ಸ್ ನೋಟ್

ಬಾಳೆಹಣ್ಣು ಹಣ್ಣಾಗಿದೆ ಎಂದು ಬಿಸಾಡಬೇಡಿ. ನಿಮಗೆ ಶುಗರ್ ಇಲ್ಲದಿದ್ದರೆ, ಇದಕ್ಕಿಂತ ಪೌಷ್ಟಿಕಾಂಶಭರಿತ ಆಹಾರ ಪದಾರ್ಥ ಮತ್ತೊಂದಿಲ್ಲ.

ಬಾಳೆಹಣ್ಣು ಹೆಚ್ಚು ಹಣ್ಣಾದರೆ ಅವುಗಳ ಮೇಲೆ ಚುಕ್ಕೆ ಚುಕ್ಕೆ ಬಂದುಬಿಡುತ್ತದೆ. ಆಗ ಅವುಗಳನ್ನು ತಿನ್ನಲು ಮನಸ್ಸು ಬರುವುದಿಲ್ಲ. ಬಹುಶಃ ಇದು ಕೊಳೆತು ಹೋಗಿರಬಹುದು ಎಂದುಕೊಂಡು ಹೊರಗಡೆ ಬಿಸಾಡುತ್ತೇವೆ. ಆದರೆ ಇದು ತಪ್ಪು. ಬಾಳೆಹಣ್ಣಿನಿಂದ ಅದರಲ್ಲೂ ಹಣ್ಣಾದ ಬಾಳೆಹಣ್ಣಿನಿಂದ ನಮಗೆ ಹೆಚ್ಚು ಪ್ರಯೋಜನಗಳು ಸಿಗುತ್ತವೆ. ಇಲ್ಲಿ ಅವುಗಳ ಬಗ್ಗೆ ತಿಳಿದುಕೊಳ್ಳಬಹುದು.

ಕಾರ್ಬೋಹೈಡ್ರೇಟ್ ಅಂಶಗಳು ಸಿಗುತ್ತವೆ

Ripe Bananas- bunch of 10 – GRAWAN GROCERIES

ಬಾಳೆಹಣ್ಣು ಮಾಗಿದಷ್ಟು ತಿನ್ನಲು ಚೆಂದ. ಬಾಳೆಹಣ್ಣಿನಲ್ಲಿ ಸ್ಟಾರ್ಚ್ ಅಂಶ ಇರುತ್ತದೆ ಎನ್ನುವುದು ಎಲ್ಲರಿಗೂ ಗೊತ್ತು. ಆದರೆ ಹಣ್ಣಾಗದೆ ಅರ್ಧಂಬರ್ಧ ಕಾಯಿ ಬಾಳೆಹಣ್ಣಿನಲ್ಲಿ ಕಾಂಪ್ಲೆಕ್ಸ್ ಕಾರ್ಬೋ ಹೈಡ್ರೇಟ್ ಗಳು ಜಾಸ್ತಿ ಇರುತ್ತವೆ.
ಆದರೆ ಬಾಳೆಹಣ್ಣು ಮಾಗಿದರೆ ಅದರಲ್ಲಿರುವ ಸ್ಟಾರ್ಚ್ ಸಿಂಪಲ್ ಶುಗರ್ ಆಗಿ ಬದಲಾಗುತ್ತದೆ. ಮಾಗಿದ ಬಾಳೆಹಣ್ಣು ಮಧುಮೇಹಿಗಳಿಗೆ ಅಷ್ಟು ಒಳ್ಳೆಯದಲ್ಲ ಎಂದು ಹೇಳುತ್ತಾರೆ. ಏಕೆಂದರೆ ಅದನ್ನು ತಿಂದು ನಂತರ ರಕ್ತದಲ್ಲಿ ಸಕ್ಕರೆ ಪ್ರಮಾಣ ಇದ್ದಕ್ಕಿದ್ದಂತೆ ಏರಿಕೆಯಾಗುತ್ತದೆ.

ಕ್ಯಾಲೋರಿಗಳ ಬಗ್ಗೆ ನೋಡುವುದಾದರೆ

Fresh Banana - 1 Dozen - Patnakart Agro Farms Private Limited |

ಬಾಳೆಹಣ್ಣು ಹಣ್ಣಾಗಿದ್ದರೂ ಅಥವಾ ಕಾಯಿ ರೂಪದಲ್ಲಿದ್ದರೂ ಅದರಲ್ಲಿನ ಕ್ಯಾಲೋರಿಗಳು ಮಾತ್ರ ಬದಲಾಗುವುದಿಲ್ಲ. ಆದರೆ ಒಂದು ಅಚ್ಚರಿಯ ವಿಷಯ ಎಂದರೆ ಬೇರೆ ಹಣ್ಣುಗಳಿಗೆ ಹೋಲಿಸಿದರೆ ಬಾಳೆಹಣ್ಣಿನಲ್ಲಿ ಕ್ಯಾಲೋರಿಗಳು ಯಾವಾಗಲೂ ಅಪಾರ ಪ್ರಮಾಣದಲ್ಲಿ ಕಂಡುಬರುತ್ತವೆ.

ಆಂಟಿಆಕ್ಸಿಡೆಂಟ್ ಅಂಶಗಳು

ಹಣ್ಣಾದ ಬಾಳೆ ಮೇಲೆ ಅಲ್ಲಲ್ಲಿ ಕಂದು ಬಣ್ಣದ ಚುಕ್ಕೆಗಳು ಬಂದಿರುತ್ತವೆ ನೀವು ಅದನ್ನು ಗಮನಿಸಿರಬಹುದು. ಇದರ ಸೀಕ್ರೆಟ್ ಏನು ಗೊತ್ತಾ? ಕ್ಲೋರೋಫಿಲ್ ಅಂಶಗಳು ಆಂಟಿಆಕ್ಸಿಡೆಂಟ್ ಗಳಾಗಿ ಬದಲಾಗುತ್ತವೆ.
ನಿಮ್ಮ ಸ್ಮೂತಿ ಇತ್ಯಾದಿಗಳಲ್ಲಿ ಕಿವುಚಿದ ಬಾಳೆ ಹಣ್ಣನ್ನು ಹಾಕಿ ಕುಡಿದರೆ ನಿಮಗೆ ಹೆಚ್ಚಿನ ಪ್ರಮಾಣ ದಲ್ಲಿ ಆಂಟಿಆಕ್ಸಿಡೆಂಟ್ ಅಂಶಗಳು ಸಿಗುತ್ತವೆ. ಇದಕ್ಕೆ ಹೆಚ್ಚುವರಿ ಸಕ್ಕರೆ ಹಾಕುವ ಅವಶ್ಯಕತೆ ಇರುವುದಿಲ್ಲ. ಏಕೆಂದರೆ ಬಾಳೆಹಣ್ಣು ಮೊದಲೇ ಸಿಹಿ ಇರುತ್ತದೆ.

ವಿಟಮಿನ್ ಮತ್ತು ಖನಿಜಾಂಶಗಳು

How 'Dawn Phenomenon' Raises Blood Sugar – Cleveland Clinic

ಚೆನ್ನಾಗಿ ಮಾಗಿದ ಬಾಳೆಹಣ್ಣು ತನ್ನಲ್ಲಿ ಮೈಕ್ರೋನ್ಯೂಟ್ರಿಯಂಟ್ ಗಳನ್ನು ಕಡಿಮೆ ಹೊಂದಿರುತ್ತದೆ. ಇದರಲ್ಲಿ ನೀರಿನಲ್ಲಿ ಕರಗುವ ವಿಟಮಿನ್ ಅಂಶಗಳು ಎನ್ನಲಾದ ಫೋಲಿಕ್ ಆಮ್ಲ, ವಿಟಮಿನ್ ಸಿ ಮತ್ತು ಥಯಾಮಿನ್ ಹಣ್ಣಾದಂತೆ ಕಡಿಮೆಯಾಗುತ್ತಾ ಬರುತ್ತದೆ.
ಆದರೆ ಪ್ರತಿಯೊಂದು ಬಾಳೆಹಣ್ಣು ತನ್ನಲ್ಲಿ ಹೆಚ್ಚಿನ ಪ್ರಮಾಣದ ಪೊಟ್ಯಾಷಿಯಂ ಅಂಶವನ್ನು ಒಳಗೊಂಡಿರುತ್ತದೆ. ಇದರಿಂದ ಒಂದು ವಿಚಾರವನ್ನು ಎಲ್ಲರೂ ಅರ್ಥಮಾಡಿಕೊಳ್ಳಬಹುದು. ಚೆನ್ನಾಗಿ ಮಾಗಿದ ಬಾಳೆಹಣ್ಣನ್ನು ಯಾರು ಬೇಕಾದರೂ ತಿನ್ನಬಹುದು ಆದರೆ ನಿಮಗೆ ಶುಗರ್ ಇರಬಾರದು. ಒಳ್ಳೆಯ ಪ್ರಮಾಣದಲ್ಲಿ ನಿಮಗೆ ವಿಟಮಿನ್ ಮತ್ತು ಖನಿಜಾಂಶಗಳು ಸಹ ಸಿಗುತ್ತವೆ.

ಗಮನಿಸಬೇಕಾದ ಅಂಶ

ನಿಮ್ಮ ಮನೆಯಲ್ಲಿ ಒಂದು ವೇಳೆ ಹಣ್ಣಾದ ಬಾಳೆ ಹಣ್ಣುಗಳು ಜಾಸ್ತಿ ಉಳಿದಿದ್ದರೆ, ಅವುಗಳನ್ನು ರೆಫ್ರಿಜರೇಟರ್ ನಲ್ಲಿ ಇರಿಸಿ. ಹೀಗೆ ಮಾಡುವುದರಿಂದ ಅವುಗಳಲ್ಲಿರುವ ಪೌಷ್ಟಿಕ ಸತ್ವಗಳು ಜಾಸ್ತಿ ದಿನ ಉಳಿಯುತ್ತವೆ.