ಅಮೆರಿಕದಲ್ಲಿ 20 ವರ್ಷದ ಭಾರತೀಯ ಮೂಲದ ಮೆಡಿಕಲ್ ವಿದ್ಯಾರ್ಥಿನಿ ನಾಪತ್ತೆ ; ಬೀಚ್‌ನಲ್ಲಿ ಬಿಕಿನಿ ತೊಟ್ಟು ನಡೆದುಕೊಂಡು ಹೋಗುತ್ತಿದ್ದ ಸುದೀಕ್ಷಾ ಕೋಣಂಕಿ ದಿಢೀರ್ ಕಾಣೆ

ಬ್ರೇಕಿಂಗ್ ನ್ಯೂಸ್

ಕುಂಬಳೆಯಲ್ಲಿ ಡಿವೈಎಫ್ಐ ನಾಯಕಿ, ಯುವ ವಕೀಲೆ ಆತ್ಮಹತ್ಯೆ ; ಪ್ರಿಯಕರ ವಕೀಲ ತಿರುವನಂತಪುರದಲ್ಲಿ ಅರೆಸ್ಟ್ ! ಡೆತ್ ನೋಟ್ ಆಧರಿಸಿ ಪೊಲೀಸರ ಕಾರ್ಯಾಚರಣೆ | ಡೆಡ್ಲಿ ಸಿರಪ್‌ 'ಕೋಲ್ಡ್‌ರಿಫ್‌ 'ಶಿಫಾರಸು ಮಾಡಿದ್ದ ವೈದ್ಯನ ಬಂಧನ, ಮತ್ತೆ ಇಬ್ಬರು ಮಕ್ಕಳು ಸಾವು, ಔಷಧ ತಯಾರಿಕಾ ಸಂಸ್ಥೆ ವಿರುದ್ಧ FIR ! | Basavaraj Rayareddy, Mallikarjuna kharge, CM Siddaramaiah: ಖರ್ಗೆಯವರು ಪ್ರಧಾನಿ ಅಭ್ಯರ್ಥಿ, ಸಿಎಂ ಸ್ಥಾನಕ್ಕೆ ಸಿದ್ರಾಮಯ್ಯರೇ ಇರ್ತಾರೆ, ನವೆಂಬರ್ ಕ್ರಾಂತಿ ಓದಿಲ್ಲ, ಬೇರೆ ಬೇರೆ ಕ್ರಾಂತಿ ಓದಿದ್ದೀನಿ! ಸಂಪುಟ ವಿಸ್ತರಣೆ ಆಗ್ಬಹುದು, ರಾಯರೆಡ್ಡಿ ಭವಿಷ್ಯ |

ಅಮೆರಿಕದಲ್ಲಿ 20 ವರ್ಷದ ಭಾರತೀಯ ಮೂಲದ ಮೆಡಿಕಲ್ ವಿದ್ಯಾರ್ಥಿನಿ ನಾಪತ್ತೆ ; ಬೀಚ್‌ನಲ್ಲಿ ಬಿಕಿನಿ ತೊಟ್ಟು ನಡೆದುಕೊಂಡು ಹೋಗುತ್ತಿದ್ದ ಸುದೀಕ್ಷಾ ಕೋಣಂಕಿ ದಿಢೀರ್ ಕಾಣೆ

10-03-25 10:17 pm HK News Desk ದೇಶ - ವಿದೇಶ

ಅಮೆರಿಕದ ಪಿಟ್ಸ್‌ಬರ್ಗ್‌ ವಿಶ್ವವಿದ್ಯಾಲಯದ 20 ವರ್ಷದ ಭಾರತೀಯ ಮೂಲದ ವಿದ್ಯಾರ್ಥಿನಿಯೋರ್ವಳು, ಪುಂಟಾ ಕಾನಾ ಬೀಚ್‌ನಲ್ಲಿ ನಾಪತ್ತೆಯಾಗಿದ್ದಾಳೆ. ಸ್ಪ್ರಿಂಗ್‌ ಬ್ರೇಕ್‌ ಪ್ರವಾಸಕ್ಕೆ ತೆರಳಿದ್ದ ವರ್ಜಿನಿಯಾದ ಆಶ್‌ಬರ್ನ್‌ನ ಸುದೀಕ್ಷಾ ಕೋಣಂಕಿ, ಪುಂಟಾ ಕಾನಾದ ಬೀಚ್‌ನಲ್ಲಿ ಕೊನೆಯ ಬಾರಿಗೆ ಕಂದು ಬಣ್ಣದ ಬಿಕನಿ ತೊಟ್ಟು ನಡೆಯುತ್ತಿದ್ದುದನ್ನು ಸ್ಥಳೀಯರು ನೋಡಿದ್ದಾಗಿ ಮೂಲಗಳು ಖಚಿತಪಡಿಸಿವೆ.

ವಾಷಿಂಗ್ಟನ್, ಮಾ 10:‌ ಅಮೆರಿಕದ ಪಿಟ್ಸ್‌ಬರ್ಗ್‌ ವಿಶ್ವವಿದ್ಯಾಲಯದ 20 ವರ್ಷದ ಭಾರತೀಯ ಮೂಲದ ವಿದ್ಯಾರ್ಥಿನಿಯೋರ್ವಳು, ಪುಂಟಾ ಕಾನಾ ಬೀಚ್‌ನಲ್ಲಿ ನಾಪತ್ತೆಯಾಗಿದ್ದಾಳೆ. ಸ್ಪ್ರಿಂಗ್‌ ಬ್ರೇಕ್‌ ಪ್ರವಾಸಕ್ಕೆ ತೆರಳಿದ್ದ ವರ್ಜಿನಿಯಾದ ಆಶ್‌ಬರ್ನ್‌ನ ಸುದೀಕ್ಷಾ ಕೋಣಂಕಿ, ಪುಂಟಾ ಕಾನಾದ ಬೀಚ್‌ನಲ್ಲಿ ಕೊನೆಯ ಬಾರಿಗೆ ಕಂದು ಬಣ್ಣದ ಬಿಕನಿ ತೊಟ್ಟು ನಡೆಯುತ್ತಿದ್ದುದನ್ನು ಸ್ಥಳೀಯರು ನೋಡಿದ್ದಾಗಿ ಮೂಲಗಳು ಖಚಿತಪಡಿಸಿವೆ.

ಕಳೆದ ಮಾರ್ಚ್ 6 ಅಂದ್ರೆ ಗುರುವಾರ ಬೆಳಿಗ್ಗೆ 4:50ಕ್ಕೆ ರಿಯು ರಿಪಬ್ಲಿಕಾ ರೆಸಾರ್ಟ್ ಬೀಚ್‌ನಲ್ಲಿ, ಸುದೀಕ್ಷಾ ಕೊನೆಯದಾಗಿ ಕಾಣಿಸಿಕೊಂಡಿದ್ದಳು.ಆಕೆಯನ್ನು ಕಂದು ಬಣ್ಣದ ಬಿಕನಿ ತೊಟ್ಟು ಬೀಚ್‌ನಲ್ಲಿ ನಡೆದುಕೊಂಡು ಹೋಗಿದ್ದನ್ನು ಸ್ಥಳೀಯರು ನೋಡಿದ್ದರು. ಅದಾದ ಬಳಿಕ ಆಕೆ ನಾಪತ್ತೆಯಾಗಿದ್ದು, ಡೊಮಿನಿಕನ್ ರಿಪಬ್ಲಿಕ್ ಅಧಿಕಾರಿಗಳು ಸುದೀಕ್ಷಾಳಿಗಾಗಿ ಶೋಧ ಕಾರ್ಯಕ್ಕೆ ಚಾಲನೆ ನೀಡಿದ್ದಾರೆ

"ಸುದೀಕ್ಷಾ ಸ್ಪ್ರಿಂಗ್‌ ಬ್ರೇಕ್‌ ಪ್ರವಾಸಕ್ಕೆಂದು ಪುಂಟಾ ಕಾನಾ ಬೀಚ್‌ಗೆ ತಮ್ಮ ಗೆಳೆಯರೊಂದಿಗೆ ಬಂದಿದ್ದರು. ಆದರೆ ಆಕೆ ಅಷ್ಟು ಬೆಳಗಿನ ಜಾವ ಏಕಾಂಗಿಯಾಗಿ ಬೀಚ್‌ಗೆ ಬಂದಿದ್ದೇಕೆ ಎಂಬುದು ಅಸ್ಪಷ್ಟವಾಗಿದ್ದು, ಆಕೆ ಸಮುದ್ರದಲ್ಲಿ ಕೊಚ್ಚಿಕೊಂಡು ಹೋಗಿರಬಹುದೇ ಎಂಬ ಅನುಮಾನ ಕಾಡುತ್ತಿದೆ.." ಎಂದು ಡೊಮೊನಿಕನ್‌ ರಿಪಬ್ಲಿಕನ್‌ ಪೊಲೀಸ್‌ ಅಧಿಕಾರಿಗಳು ಹೇಳಿದ್ದಾರೆ.

ಸುದೀಕ್ಷಾಳನ್ನ ಹುಡುಕಲು ಮತ್ತು ಸುರಕ್ಷಿತವಾಗಿ ಮನೆಗೆ ಕರೆತರಲು ನಾವು ಸಾಧ್ಯವಾದ ಎಲ್ಲಾ ಪ್ರಯತ್ನಗಳನ್ನು ಮಾಡುತ್ತೇವೆ. ಆಕೆಯ ಇರುವಿಕೆಯ ಬಗ್ಗೆ ಯಾರಿಗಾದರೂ ಮಾಹಿತಿ ಲಭ್ಯವಾದರೆ, ಲೌಡೌನ್ ಕೌಂಟಿ ಶೆರಿಫ್ ಕಚೇರಿಯನ್ನ ಸಂಪರ್ಕಿಸುವಂತೆ ಪೊಲೀಸರು ಮನವಿ ಮಾಡಿದ್ದಾರೆ.

ಅಮೆರಿಕದ ಪ್ರತಿಷ್ಠಿತ ಪಿಟ್ಸ್‌ಬರ್ಗ್‌ ವಿಶ್ವವಿದ್ಯಾಲಯದಲ್ಲಿ ವೈದ್ಯಕೀಯ ಅಧ್ಯಯನ ಮಾಡುತ್ತಿದ್ದ ಸುದೀಕ್ಷಾ, ಪುಂಟಾ ಕಾನಾದ ರೆಸಾರ್ಟ್‌ ಬೀಚ್‌ನಲ್ಲಿ ಪರಿಚಿತರಾದ ಹೊಸ ಗೆಳೆಯರೊಂದಿಗೆ ಬೆಳಗಿನ ಜಾವ 4 ಗಂಟೆಗೆ ಪಾರ್ಟಿ ಮಾಡಲೆಂದು ಬೀಚ್‌ಗೆ ತೆರಳಿದ್ದಳು ಎನ್ನಲಾಗಿದೆ.

ಸದ್ಯ ಮಗಳು ಕಾಣೆಯಾಗಿರುವ ಬಗ್ಗೆ ಪ್ರತಿಕ್ರಿಯೆ ನೀಡಿರುವ ಸುದೀಕ್ಷಾಳ ತಂದೆ ಸುಬ್ಬರಾಯುಡು, "ವೈದ್ಯೆಯಾಗುವ ಕನಸು ಕಂಡಿದ್ದ ನನ್ನ ಮಗಳು ತುಂಬ ಒಳ್ಳೆಯವಳು. ಆಕೆ ಹೀಗೆ ದಿಢೀರ್‌ ನಾಪತ್ತೆಯಾಗಿರುವುದು ಕುಟುಂಬಸ್ಥರನ್ನು ನಲುಗಿಸಿದೆ. ಅಧಿಕಾರಿಗಳು ದಯವಿಟ್ಟು ನನ್ನ ಮಗಳನ್ನು ಹುಡುಕಿ ಕೊಡಬೇಕಾಗಿ ವಿನಂತಿಸುತ್ತೇನೆ.." ಎಂದು ಗದ್ಗದಿತರಾಗಿ ಹೇಳಿದ್ದಾರೆ.

A 20-year-old Indian-origin student, Sudiksha Konanki, has gone missing from a resort in the Dominican Republic. She was on a spring break trip with friends from the University of Pittsburgh, US, when she disappeared.