ಭಾರತದ ಮೊಬೈಲ್ ಮಾರುಕಟ್ಟೆಯು ಬಹುನಿರೀಕ್ಷೆಯಿಂದ ಎದುರುನೋಡುತ್ತಿರುವ Vivo T2 5G ಮತ್ತು Vivo T2x 5G ಸ್ಮಾರ್ಟ್‌ಫೋನ್‌ಗಳು (ಏಪ್ರಿಲ್ 11) ದೇಶದ ಮಾರುಕಟ್ಟೆಯಲ್ಲಿಂದು ಭರ್ಜರಿಯಾಗಿ ಬಿಡುಗಡೆಯಾಗಿವೆ. ಕಳೆದ ಹಲವು ದಿನಗಳಿಂದ ದೇಶದ ಮಾರುಕಟ್ಟೆಗೆ Vivo T ಸರಣಿಯಲ್ಲಿ Vivo T2 5G ಮತ್ತು Vivo T2x 5G ಸ್ಮಾರ್ಟ್‌ಫೋನ್‌ಗಳು ಆಗಮನವಾಗುವ ಕುರಿತಂತೆ ಭಾರೀ ಸುದ್ದಿಗಳು ಹರಿದಾಡಿದ್ದವು. Vivo ಕಂಪೆನಿಯು Vivo T2 5G ಮತ್ತು Vivo T2x 5G ಸ್ಮಾರ್ಟ್‌ಫೋನ್‌ಗಳ ಕುರಿತು ರಿಲೀಸ್ ಮಾಡಿದ್ದ ಟೀಸರ್ ಚಿತ್ರಗಳು ಮತ್ತು ಸ್ಪೆಕ್ಸ್ ವೈಶಿಷ್ಟ್ಯಗಳು ಮೊಬೈಲ್ ಪ್ರಿಯರನ್ನು ಆಕರ್ಷಿಸಿದ್ದವು. ಇದೀಗ ಈ ಎಲ್ಲ ಕುತೂಹಲ ಅಂಶಗಳಿಗೆ ಅಧಿಕೃತವಾಗಿ ಬ್ರೇಕ್ ಬಿದ್ದಿದೆ. ಹಾಗಾದರೆ, ದೇಶದಲ್ಲಿ ಬಿಡುಗಡೆಯಾಗಿರುವ ನೂತನ Vivo T2 5G ಮತ್ತು Vivo T2x 5G ಎರಡೂ ಸ್ಮಾರ್ಟ್‌ಫೊನ್‌ಗಳು ಹೇಗಿದೆ?, ವೈಶಿಷ್ಟ್ಯಗಳು ಯಾವುವು ಮತ್ತು ಬೆಲೆಗಳು ಎಷ್ಟು ಎಂಬ ಸಂಪೂರ್ಣ ವಿವರಗಳನ್ನು ನೋಡೋಣ ಬನ್ನಿ.

Vivo T2 5G ಸ್ಮಾರ್ಟ್‌ಫೋನ್ ವೈಶಿಷ್ಟ್ಯಗಳು
ನೂತನ Vivo T2 5G ಸ್ಮಾರ್ಟ್‌ಫೋನ್ 6.38-ಇಂಚಿನ AMOLED (1,080x2,400 ಪಿಕ್ಸೆಲ್‌ಗಳು) ಡಿಸ್‌ಪ್ಲೇಯೊಂದಿಗೆ ಬಂದಿದೆ. ಈ ಡಿಸ್‌ಪ್ಲೇಯು 1300 nits ಗರಿಷ್ಠ ಬ್ರೈಟ್‌ನೆಸ್, 90Hz ದಿಂದ 360Hz ವರೆಗೆ ರಿಫ್ರೆಶ್ ರೇಟ್, 6000000: 1 ಕಾಂಟ್ರಾಸ್ಟ್ ಅನುಪಾತದ ವೈಶಿಷ್ಟ್ಯಗಳನ್ನು ಹೊಂದಿದೆ. ಕಾರ್ಯನಿರ್ವಹಣೆಯಲ್ಲಿ, 8GB RAM ಮತ್ತು 128GB ಮೆಮೊರಿಯೊಂದಿಗೆ ಸಂಯೋಜಿಸಲಾದ 6 nm-ಆಧಾರಿತ ಸ್ನಾಪ್‌ಡ್ರಾಗನ್ 695 SoC ನಿಂದ ಚಾಲಿತವಾಗಿರುವ ಈ ಡ್ಯುಯಲ್-ಸಿಮ್ (ನ್ಯಾನೊ-ಸಿಮ್) Vivo t2 5G ಆಂಡ್ರಾಯ್ಡ್ 13 ಆಧಾರಿತ Funtouch OS 13 ನಲ್ಲಿ ಕಾರ್ಯನಿರ್ವಹಿಸಲಿದೆ. ಈ ಸ್ಮಾರ್ಟ್‌ಫೋನಿನಲ್ಲಿ 8GB ವರೆಗೆ ವರ್ಚುವಲ್ RAM ಮತ್ತು ಮೈಕ್ರೋ SD ಕಾರ್ಡ್ ಮೂಲಕ 1TB ವರೆಗೆ ಮೆಮೊರಿ ವಿಸ್ತರಣೆಗೆ ಅವಕಾಶವಿದೆ.

ಕ್ಯಾಮೆರಾ ವಿಭಾಗದಲ್ಲಿ, ಈ Vivo T2 5G ಸ್ಮಾರ್ಟ್‌ಫೋನ್ 64-ಮೆಗಾಪಿಕ್ಸೆಲ್ ಪ್ರಾಥಮಿಕ ಲೆನ್ಸ್ ಮತ್ತು 2-ಮೆಗಾಪಿಕ್ಸೆಲ್ ಬೊಕೆ ಸೆನ್ಸಾರ್ ಇರುವ ಡ್ಯುಯಲ್ ಕ್ಯಾಮೆರಾ ಸೆಟಪ್ ಹೊಂದಿದ್ದು, ಇದು ಪೋರ್ಟ್ರೇಟ್, ಮೈಕ್ರೋ, ಪನೋರಮಾ, ಸ್ಲೋ ಮೋಷನ್, ಡ್ಯುಯಲ್ ವ್ಯೂ ವೀಡಿಯೋ ಮತ್ತು ಡಬಲ್ ಎಕ್ಸ್‌ಪೋಸರ್ ಸೇರಿದಂತೆ ವಿವಿಧ ಫೋಟೊಗ್ರಫಿ ವಿಧಾನಗಳನ್ನು ಬೆಂಬಲಿಸುತ್ತದೆ. ಸೆಲ್ಫಿ ಮತ್ತು ವೀಡಿಯೊ ಕರೆಗಳಿಗಾಗಿ, 16-ಮೆಗಾಪಿಕ್ಸೆಲ್ ಸೆಲ್ಫಿ ಕ್ಯಾಮೆರಾ ನೀಡಲಾಗಿದೆ. ಇನ್ನುಳಿದಂತೆ, 5G, Wi-Fi 6, ಬ್ಲೂಟೂತ್ 5.1, GPS, OTG, Beidu, Glonass ಮತ್ತು USB ಟೈಪ್-C ಪೋರ್ಟ್ ಕನೆಕ್ಟಿವಿಟಿ ಆಯ್ಕೆಗಳು, ಇನ್-ಡಿಸ್ಪ್ಲೇ ಫಿಂಗರ್‌ಪ್ರಿಂಟ್ ಮತ್ತು 44W ಪಾಸ್ಟಡ್ ಚಾರ್ಜಿಂಗ್ ಬೆಂಬಲಿಸುವ 4500mAh ಬ್ಯಾಟರಿ ನೀಡಲಾಗಿದೆ.

Vivo T2x 5G ಸ್ಮಾರ್ಟ್‌ಫೋನ್ ವೈಶಿಷ್ಟ್ಯಗಳು

ಇತ್ತ Vivo T2x 5G ಸ್ಮಾರ್ಟ್‌ಫೋನ್ ಕೂಡ Vivo T2 5G ಫೋನಿನಂತೆಯೇ ಅದೇ SIM ಮತ್ತು ಸಾಫ್ಟ್‌ವೇರ್ ವೈಶಿಷ್ಟ್ಯಗಳನ್ನು ಹೊಂದಿದೆ. ಆದರೆ, ಈ Vivo T2x 5G ಸ್ಮಾರ್ಟ್‌ಫೋನ್ 6.58-ಇಂಚಿನ ಫುಲ್-HD+ (1,080x2,408 ಪಿಕ್ಸೆಲ್‌ಗಳು) ಡಿಸ್‌ಪ್ಲೇ ಹೊಂದಿದೆ. ಕಾರ್ಯನಿರ್ವಹಣೆಯಲ್ಲಿ, 8GB RAM ಮತ್ತು 128GB ಮೆಮೊರಿಯೊಂದಿಗೆ ಸಂಯೋಜಿಸಲಾದ ಮೀಡಿಯಾ ಟೆಕ್ ಡೈಮೆನ್ಸಿಟಿ 6020 SoC ನಿಂದ ಚಾಲಿತವಾಗಿರುವ ಈ Vivo T2x 5G ಸ್ಮಾರ್ಟ್‌ಫೋನ್ RAM 3.0 ವೈಶಿಷ್ಟ್ಯದೊಂದಿಗೆ ಬಂದಿದೆ ಮತ್ತು ಮೈಕ್ರೋ SD ಕಾರ್ಡ್ ಮೂಲಕ 1TB ವರೆಗೆ ಮೆಮೊರಿ ವಿಸ್ತರಣೆಗೆ ಅವಕಾಶವಿದೆ.

ಕ್ಯಾಮೆರಾ ವಿಭಾಗದಲ್ಲಿ, ಈ Vivo T2x 5G ಸ್ಮಾರ್ಟ್‌ಫೋನ್ ಕೂಡ ಡ್ಯುಯಲ್ ಹಿಂಬದಿಯ ಕ್ಯಾಮೆರಾ ಸೆಟಪ್ ಹೊಂದಿದೆ, ಇದು 50-ಮೆಗಾಪಿಕ್ಸೆಲ್ ಪ್ರಾಥಮಿಕ ಮತ್ತು 2-ಮೆಗಾಪಿಕ್ಸೆಲ್ ಸಂವೇದಕ ಮ್ಯಾಕ್ರೊ ಲೆನ್ಸ್‌ಗಳನ್ನು ಒಳಗೊಂಡಿದೆ. ಸೆಲ್ಫಿಗಳು ಮತ್ತು ವೀಡಿಯೊ ಚಾಟ್‌ಗಳಿಗಾಗಿ, ಇದು f/2.0 ದ್ಯುತಿರಂಧ್ರದೊಂದಿಗೆ 8-ಮೆಗಾಪಿಕ್ಸೆಲ್ ಕ್ಯಾಮೆರಾ ಹೊಂದಿದೆ.ಕ ನೆಕ್ಟಿವಿಟಿ ಆಯ್ಕೆಗಳು ಮತ್ತು ಸಂವೇದಕಗಳು Vivo T2 5G ಸ್ಮಾರ್ಟ್‌ಫೋನಿಗೆ ಹೋಲುತ್ತವೆ. ಆದರೆ, ಈ Vivo T2x 5G ಸ್ಮಾರ್ಟ್‌ಪೋನ್ 18W ಫಾಸ್ಟ್ ಚಾರ್ಜಿಂಗ್ ಬೆಂಬಲದೊಂದಿಗೆ 5,000mAh ಬ್ಯಾಟರಿ ಹೊಂದಿದೆ.

ಭಾರತದಲ್ಲಿ Vivo T2 5G ಮತ್ತು Vivo T2x 5G ಬೆಲೆ, ಲಭ್ಯತೆ
ಭಾರತದಲ್ಲಿ Vivo T2 5G ಸ್ಮಾರ್ಟ್‌ಫೋನ್ 6GB RAM + 128GB ಮತ್ತು 8GB + 128GB ಎರಡು ಮಾದರಿಗಳಲ್ಲಿ ಕ್ರಮವಾಗಿ 18,999 ರೂ. ಮತ್ತು 20,999 ರೂ. ಬೆಲೆಗಳಲ್ಲಿ ಹಾಗೂ ನೈಟ್ರೋ ಬ್ಲೇಜ್ ಮತ್ತು ವೆಲಾಸಿಟಿ ವೇವ್ ಶೇಡ್ ಬಣ್ಣಗಳಲ್ಲಿ ಬಿಡುಗಡೆಯಾಗಿದೆ. ಮತ್ತೊಂದೆಡೆ, Vivo T2x 5G ಸ್ಮಾರ್ಟ್‌ಫೋನ್ 4GB RAM + 128GB ಮತ್ತು 6GB + 128GBಎ ರಡು ಮಾದರಿಗಳಲ್ಲಿ ಕ್ರಮವಾಗಿ 12,999 ರೂ. ಮತ್ತು 13,999 ರೂ. ಬೆಲೆಗಳಲ್ಲಿ ಹಾಗೂ ಅರೋರಾ ಗೋಲ್ಡ್, ಗ್ಲಿಮ್ಮರ್ ಬ್ಲ್ಯಾಕ್ ಮತ್ತು ಮೆರೈನ್ ಬ್ಲೂ ಬಣ್ಣದ ಆಯ್ಕೆಗಳಲ್ಲಿ ಮಾರುಕಟ್ಟೆಗೆ ಬಂದಿದೆ. ಇವುಗಳಲ್ಲಿ Vivo T2 5G ಸ್ಮಾರ್ಟ್‌ಫೋನ್ ಇದೇ ಏಪ್ರಿಲ್ 18 ರಿಂದ ಮತ್ತು Vivo T2x 5G ಸ್ಮಾರ್ಟ್‌ಫೋನ್ ಏಪ್ರಿಲ್ 21 ರಿಂದ ಫ್ಲಿಪ್‌ಕಾರ್ಟ್ ಮತ್ತು ಕಂಪೆನಿಯ ಎಲ್ಲಾ ಸ್ಟೋರ್‌ಗಳ ಮೂಲಕ ಖರೀದಿಸಲು ಲಭ್ಯವಿರುತ್ತವೆ.

• Join our WhatsApp group
• Follow us on Facebook 
• Follow us on Twitter

vivo t2 and vivo t2x 5g smartphones launched in india price, specifications.