ಯುವ ಗ್ರಾಹಕರಿಗಾಗಿ ಹೊಸ Fire-Boltt Ninja Pro Plus ಸ್ಮಾರ್ಟ್‌ವಾಚ್ ಲಾಂಚ್!

ಬ್ರೇಕಿಂಗ್ ನ್ಯೂಸ್

ಕಾರವಾರ ರಿಶೇಲ್ ಡಿಸೋಜಾ ಆತ್ಮಹತ್ಯೆ ; ಕೊನೆಗೂ JDS ನಾಯಕಿ ಚೈತ್ರಾ ಕೋಠಾರಕರ್ ಪುತ್ರ ಚೆನ್ನೈನಲ್ಲಿ ಅರೆಸ್ಟ್, ಪೊಲೀಸರ ಬಂಧನದ ನಾಟಕಕ್ಕೆ ಬಿತ್ತು ತೆರೆ ! | ಕೇರಳದಲ್ಲಿ ಹೈಸ್ಪೀಡ್ ರೈಲು ಯೋಜನೆ ; ತಿರುವನಂತಪುರ- ಕಾಸರಗೋಡು ಮಧ್ಯೆ ಪ್ರತ್ಯೇಕ ರೈಲು ಸಂಪರ್ಕಕ್ಕೆ ಸಂಪುಟ ಅಸ್ತು | ಚೀಟಿ ವ್ಯವಹಾರ ಇತ್ಯರ್ಥಕ್ಕೆ 4 ಲಕ್ಷ ರೂ. ಲಂಚಕ್ಕೆ ಬೇಡಿಕೆ ; ಹಣ ಸಮೇತ ಲೋಕಾಯುಕ್ತ ಬಲೆಗೆ ಬಿದ್ದ ಕೆ.ಪಿ.ಅಗ್ರಹಾರ ಠಾಣೆ ಇನ್ಸ್‌ಪೆಕ್ಟರ್ ಗೋವಿಂದರಾಜು, ವಿಡಿಯೋ ವೈರಲ್ ! |

ಯುವ ಗ್ರಾಹಕರಿಗಾಗಿ ಹೊಸ Fire-Boltt Ninja Pro Plus ಸ್ಮಾರ್ಟ್‌ವಾಚ್ ಲಾಂಚ್!

07-01-23 07:00 pm Source: Vijayakarnataka ಡಿಜಿಟಲ್ ಟೆಕ್

ಈ Fire-Boltt Ninja Pro Plus ಸ್ಮಾರ್ಟ್‌ವಾಚ್ ಸಾಧನದ ಹೆಲ್ತ್ ಫೀಚರ್‌ಗಳಲ್ಲಿ Spo2 ಮಾನಿಟರಿಂಗ್, ಹೃದಯ ಬಡಿತ ಟ್ರ್ಯಾಕಿಂಗ್, ಸ್ಲೀಪ್ ಮಾನಿಟರಿಂಗ್‌ ವೈಶಿಷ್ಟ್ಯಗಳನ್ನು ಹೊಂದಿದೆ.

ಭಾರತದ ಮಾರುಕಟ್ಟೆಗೆ ಇತ್ತೀಚಿಗಷ್ಟೇ Fire-Boltt rocket ಎಂಬ ಸ್ಮಾರ್ಟ್‌ವಾಚ್ ಸಾಧನವನ್ನು ಪರಿಚಯಿಸಿದ್ದ ಜನಪ್ರಿಯ ವೇರಿಯಬಲ್ ಟೆಕ್ ಕಂಪೆನಿ Fire-Boltt ಇದೀಗ ಮತ್ತೊಂದು ಬಜೆಟ್ ಬೆಲೆಯ ಸ್ಮಾರ್ಟ್‌ವಾಚ್ ಒಂದನ್ನು ಪರಿಚಯಸಿದೆ. ಬಜೆಟ್ ಬೆಲೆಯಲ್ಲಿ ಅತ್ಯುತ್ತಮ ಸ್ಮಾರ್ಟ್‌ವಾಚ್ ಒಂದನ್ನು ಹುಡುಕುತ್ತಿರುವ ಯುವ ಗ್ರಾಹಕರಿಗಾಗಿ Fire-Boltt Ninja Pro Plus ಎಂಬ ಹೆಸರಿನಲ್ಲಿ ಈ ಹೊಸ ಸ್ಮಾರ್ಟ್‌ವಾಚ್ ಸಾಧನವನ್ನು ಬಿಡುಗಡೆಗೊಳಿಸಲಾಗಿದ್ದು, ಇದು ಬ್ಲೂಟೂತ್‌ ಕಾಲಿಂಗ್ ಫೀಚರ್ ಮತ್ತು 120 ಸ್ಪೋರ್ಟ್ಸ್ ಮೋಡ್‌ಗಳನ್ನು ಒಳಗೊಂಡಿರುವ ಹಲವಾರು ಪ್ರಮುಖ ವೈಶಿಷ್ಟ್ಯಗಳನ್ನು ಹೊತ್ತು ಬಂದಿದೆ. ಹಾಗಾದರೆ, ನೂತನ Fire-Boltt Ninja Pro Plus ಸ್ಮಾರ್ಟ್‌ವಾಚ್ ಸಾಧನ ಹೇಗಿದೆ ಮತ್ತು ಬೆಲೆ ಎಷ್ಟು ಎಂಬ ಸಂಪೂರ್ಣ ವಿವರಗಳನ್ನು ನೋಡೋಣ ಬನ್ನಿ.

Fire-Boltt Ninja Pro Plus ಸ್ಮಾರ್ಟ್‌ವಾಚ್ ವೈಶಿಷ್ಟ್ಯಗಳು.
ನೂತನ Fire-Boltt Ninja Pro Plus ಸ್ಮಾರ್ಟ್‌ವಾಚ್ ಸಾಧನವು 240 x 286 ಪಿಕ್ಸೆಲ್‌ಗಳ ರೆಸಲ್ಯೂಶನ್ ಸಾಮರ್ಥ್ಯದ 1.83-ಇಂಚಿನ ಡಿಸ್‌ಪ್ಲೇಯನ್ನು ಹೊಂದಿದೆ ಹಾಗೂ IP67-ಪ್ರಮಾಣೀಕೃತ ನೀರು ಮತ್ತು ಧೂಳು ನಿರೋಧಕ ಶಕ್ತಿಯೊಂದಿಗೆ ಬಂದಿದೆ. ಡ್ಯುಯಲ್ ಥೀಮ್‌ಗಳು ಮತ್ತು ಬಹು ವಾಚ್ ಫೇಸ್‌ಗಳೊಂದಿಗೆ ಬಂದಿರುವ ಈ ಸ್ಮಾರ್ಟ್‌ವಾಚ್ ಸಾಧನವು ಬಳಕೆದಾರರ ಆಯ್ಕೆ ಮತ್ತು ಉಡುಪಿಗೆ ಅನುಗುಣವಾಗಿ ಕಸ್ಟಮೈಸ್ ಮಾಡಲು ಅನುಮತಿಸುತ್ತದೆ ಮತ್ತು ಸ್ಪಷ್ಟ ದೃಶ್ಯಗಳನ್ನು ನೀಡುತ್ತದೆ ಎಂದು ಕಂಪೆನಿ ಹೇಳಿಕೊಂಡಿದೆ. ಇಷ್ಟೇ ಅಲ್ಲದೇ, ಈ ಸ್ಮಾರ್ಟ್‌ವಾಚ್ ಸಾಧನವು ಬಳಕೆದಾರರಿಗೆ ವಾಯ್ಸ್‌ ಆಕ್ಟಿವ್‌ ಅಸಿಸ್ಟೆಂಟ್ ಸಹಾಯದಿಂದ ಹಲವಾರು ವೈಶಿಷ್ಟ್ಯಗಳನ್ನು ಸರ್ಚ್ ಮಾಡಲು, ಲಿಸ್ಟ್‌ಗಳನ್ನು ಮಾಡಲು, ರಿಮೈಂಡರ್‌ಗಳನ್ನು ಸೆಟ್‌ ಮಾಡುವುದಕ್ಕೆ ಅವಕಾಶ ನೀಡಲಿದೆ ಎಂದು ಕಂಪೆನಿ ತಿಳಿಸಿದೆ. .

Fire Boltt Ninja Pro Plus is company's latest smartwatch to offer Bluetooth calling at just Rs 1,799

ಇನ್ನು ಈ Fire-Boltt Ninja Pro Plus ಸ್ಮಾರ್ಟ್‌ವಾಚ್ ಸಾಧನದ ಹೆಲ್ತ್ ಫೀಚರ್‌ಗಳಲ್ಲಿ Spo2 ಮಾನಿಟರಿಂಗ್, ಹೃದಯ ಬಡಿತ ಟ್ರ್ಯಾಕಿಂಗ್, ಸ್ಲೀಪ್ ಮಾನಿಟರಿಂಗ್‌ ವೈಶಿಷ್ಟ್ಯಗಳನ್ನು ಹೊಂದಿದೆ. ಬಳಕೆದಾರರಿಗೆ ಕ್ಯಾಮರಾ, ಸಂಗೀತ, ಹವಾಮಾನ ನವೀಕರಣಗಳು ಮತ್ತು ಹೆಚ್ಚಿನದನ್ನು ನಿಯಂತ್ರಿಸಲು ಅನುಮತಿಸುತ್ತದೆ. ಬ್ಲೂಟೂತ್ ಕರೆಗಳನ್ನು ಬೆಂಬಲವನ್ನು ಹೊಂದಿರುವ ಈ ಸ್ಮಾರ್ಟ್‌ವಾಚ್ ಕಾಲ್‌ಗಳನ್ನು ರಿಸಿವ್ ಮಾಡುವುದಕ್ಕೆ ಮತ್ತು ಕಾಲ್‌ ಮಾಡುವುದಕ್ಕೆ ಅನುಮತಿಸಲಿದೆ. ಉಳಿದಂತೆ, ಟೈಮ್‌ಪೀಸ್ ಕ್ಯಾಮೆರಾ ಕಂಟ್ರೋಲ್‌, ಮ್ಯೂಸಿಕ್‌ ಕಂಟ್ರೋಲ್‌ ಮತ್ತು ವೆದರ್ ಅಪ್‌ಡೇಟ್‌ಗಳನ್ನು ಸಹ ನೀಡಲಿರುವ ಈ ಸ್ಮಾರ್ಟ್‌ವಾಚ್ ಸಾಧನವು ಸುಲಭವಾಗಿ ಕಾಲ್ ಮಾಡುವಂತಹ ಡಯಲ್ ಪ್ಯಾಡ್, ಕಾಲ್‌ ಹಿಸ್ಟರಿ ಮತ್ತು ಕಂಟ್ಯಾಕ್ಟ್‌ಗಳನ್ನು ಸಿಂಕ್‌ ಮಾಡುವ ಫೀಚರ್ಸ್‌ಗಳನ್ನು ಸಹ ಹೊಂದಿದೆ.

Fire-Boltt Ninja Pro Plus ಸ್ಮಾರ್ಟ್‌ವಾಚ್
ಮೊದಲೇ ಹೇಳಿದಂತೆ, ನೂತನ Fire-Boltt Ninja Pro Plus ಸ್ಮಾರ್ಟ್‌ವಾಚ್ ಸಾಧನವು ಬಜೆಟ್ ಬೆಲೆಯಲ್ಲಿ ಬಿಡುಗಡೆಯಾಗಿದ್ದು, 1,799 ರೂ. ಬೆಲೆಯಲ್ಲಿ ಮಾರುಕಟ್ಟೆಗೆ ಪರಿಚಯಿಸಲಾಗಿದೆ. ಕಪ್ಪು, ನೀಲಿ, ಹಸಿರು, ಗೋಲ್ಡ್ ಬ್ಲಾಕ್, ಪಿಂಕ್, ಸಿಲ್ವರ್ ಮತ್ತು ಡಾರ್ಕ್ ಗ್ರೇ ಸೇರಿದಂತೆ ಹಲವಾರು ಬಣ್ಣಗಳಲ್ಲಿ ಲಭ್ಯವಿರುವ ಈ ಸ್ಮಾರ್ಟ್‌ವಾಚ್ ಸಾಧನವನ್ನು ಅಮೆಜಾನ್ ಇ-ಕಾಮರ್ಸ್ ತಾಣ ಮತ್ತು ಕಂಪೆನಿಯ ಅಧಿಕೃತ ವೆಬ್‌ಸೈಟ್ ಮೂಲಕ ಖರೀದಿಸಬಹುದು.