ಜೂನ್ 8 ರಂದು ಭಾರತಕ್ಕೆ ಎಂಟ್ರಿ ನೀಡುತ್ತಿದೆ Oppo K10 5G ಸ್ಮಾರ್ಟ್‌ಫೋನ್!

ಬ್ರೇಕಿಂಗ್ ನ್ಯೂಸ್

Siddaramaiah,Ibrahim: ಸಿದ್ದರಾಮಯ್ಯ ಎರಡು ಬಾರಿ ಮುಖ್ಯಮಂತ್ರಿಯಾಗಿದ್ದು ಸಾಕು, ಇನ್ನು ದಲಿತರನ್ನು ಸಿಎಂ ಮಾಡಿ ; ಬಾದಾಮಿಯಲ್ಲಿ ಸಿದ್ದು ಸೋಲ್ತಿದ್ರು, ನಾನು 3000 ಮತ ಸಾಲ ಮಾಡಿ ಖರೀದಿಸಿದ್ದರಿಂದ ಗೆದ್ರು, ಹೊಸ ಬಾಂಬ್ ಸಿಡಿಸಿದ ಇಬ್ರಾಹಿಂ | ಭದ್ರತಾ ಸಲಹೆಗಾರ ಅಜಿತ್ ದೋವಲ್ - ರಷ್ಯಾ ಉಪ ಪ್ರಧಾನಿ ಭೇಟಿ ; ವ್ಯೂಹಾತ್ಮಕ ವಿಷಯಗಳ ಚರ್ಚೆ, ಅಮೇರಿಕಾ ಸುಂಕ ನೀತಿಗೆ ಸೆಡ್ಡು ಹೊಡೆಯಲು ತಂತ್ರ | Dharmasthala,16th Spot at Bahubali Hill: ಧರ್ಮಸ್ಥಳ ಬುರುಡೆ ರಹಸ್ಯದಲ್ಲಿ ಟ್ವಿಸ್ಟ್ ಮೇಲೆ ಟ್ವಿಸ್ಟ್ ; ಬಾಹುಬಲಿ ಬೆಟ್ಟದಲ್ಲಿ 16 ನೇ ಪಾಯಿಂಟ್ ಗುರುತಿಸಿದ ಅನಾಮಿಕ |

ಜೂನ್ 8 ರಂದು ಭಾರತಕ್ಕೆ ಎಂಟ್ರಿ ನೀಡುತ್ತಿದೆ Oppo K10 5G ಸ್ಮಾರ್ಟ್‌ಫೋನ್!

06-06-22 10:03 pm Source: Vijayakarnataka ಡಿಜಿಟಲ್ ಟೆಕ್

ಚೀನಾದಲ್ಲಿ ಇತ್ತೀಚಿಗಷ್ಟೇ ಬಿಡುಗಡೆಗೊಂಡಿದ್ದ Oppo K10 5G ಸ್ಮಾರ್ಟ್‌ಫೋನನ್ನು ಮೀಡಿಯಾ ಟೆಕ್ ಡೈಮೆನ್ಸಿಟಿ 8000-ಮ್ಯಾಕ್ಸ್ SoC ಪ್ರೊಸೆಸರ್ ಅನ್ನು ಅಳವಡಿಸಲಾಗಿತ್ತು. ಆದರೆ, ಭಾರತದಲ್ಲಿ...

ಭಾರತದಲ್ಲಿ ಇದೇ ಜೂನ್ 8 ರಂದು Oppo K10 5G ಸ್ಮಾರ್ಟ್‌ಫೋನನ್ನು ಬಿಡುಗಡೆಗೊಳಿಸುವ ಭರ್ಜರಿ ಸಿಹಿಸುದ್ದಿಯನ್ನು ಜನಪ್ರಿಯ ಮೊಬೈಲ್ ಬ್ರ್ಯಾಂಡ್ Oppo ಪ್ರಕಟಿಸಿದೆ. ಜೂನ್ 8 ರಂದು ಮಧ್ಯಾಹ್ನ 12 ಗಂಟೆಗೆ ದೇಶದಲ್ಲಿ ತನ್ನ ವಿನೂತನ Oppo K10 5G ಬಿಡುಗಡೆ ಮಾಡಲಾಗುತ್ತಿದ್ದು, ಈ ಸಾಧನವು MediaTek ಡೈಮೆನ್ಸಿಟಿ 810 SoC ಪ್ರೊಸೆಸರ್ ನಿಂದ ಚಾಲಿತವಾಗಿರಲಿದೆ ಎಂದು ಕಂಪೆನಿ ದೃಢಪಡಿಸಿದೆ. ಚೀನಾದಲ್ಲಿ ಇತ್ತೀಚಿಗಷ್ಟೇ ಬಿಡುಗಡೆಗೊಂಡಿದ್ದ Oppo K10 5G ಸ್ಮಾರ್ಟ್‌ಫೋನನ್ನು ಮೀಡಿಯಾ ಟೆಕ್ ಡೈಮೆನ್ಸಿಟಿ 8000-ಮ್ಯಾಕ್ಸ್ SoC ಪ್ರೊಸೆಸರ್ ಅನ್ನು ಅಳವಡಿಸಲಾಗಿತ್ತು. ಆದರೆ, ಭಾರತದಲ್ಲಿ Oppo K10 5G ಸ್ಮಾರ್ಟ್ಫೋನಿನ ಬೆಲೆಯನ್ನು ಕೈಗೆಟುಕುವ ವ್ಯಾಪ್ತಿಯಲ್ಲಿ ಇರಿಸುವ ಸಲುವಾಗಿ ಈ ಬದಲಾವಣೆಯನ್ನು ಮಾಡಲಾಗಿದೆ ಎಂದು ಹೇಳಲಾಗುತ್ತಿದೆ. ಆದರೆ, ಮತ್ತೊಂದು ವರದಿಯು ಚೀನಾದಲ್ಲಿ ಬಿಡುಗಡೆಯಾಗಿರುವ Oppo K10 Pro 5G ಸ್ಮಾರ್ಟ್‌ಫೋನನ್ನು ದೇಶದಲ್ಲಿ Oppo K10 5G ಎಂದು ಮರುಬ್ರ್ಯಾಂಡ್ ಮಾಡಲಾಗುತ್ತಿದೆ ಎಂದು ಹೇಳಿದೆ.

ಚೀನಾದಲ್ಲಿ ಕಳೆದ ತಿಂಗಳಷ್ಟೇ Oppoತನ್ನ ವಿನೂತನ Oppo K10 5G ಸರಣಿ ಸ್ಮಾರ್ಟ್‌ಫೋನ್‌ಗಳನ್ನು ಅನಾವರಣಗೊಳಿಸಲಾಗಿತ್ತು. Oppo K10 5G ಸರಣಿಯಲ್ಲಿ Oppo K10 5G ಮತ್ತು Oppo K10 Pro 5G ಎಂಬ ಎರಡು ಸ್ಮಾರ್ಟ್‌ಫೋನ್‌ಗಳಳನ್ನು ಬಿಡುಗಡೆ ಮಾಡಲಾಗಿದ್ದು, ಇವುಗಳಲ್ಲಿ Oppo K10 5G ಸ್ಮಾರ್ಟ್‌ಫೋನ್ ಮೀಡಿಯಾ ಟೆಕ್ ಡೈಮೆನ್ಸಿಟಿ 8000-ಮ್ಯಾಕ್ಸ್ SoC ಪ್ರೊಸೆಸರ್ ಅನ್ನು ಹೊಂದಿದ್ದರೆ, Oppo K10 Pro 5G ಸ್ಮಾರ್ಟ್‌ಪೋನಿನಲ್ಲಿ ಸ್ನಾಪ್‌ಡ್ರಾಗನ್ 888 ಪ್ರೊಸೆಸರ್ ಅನ್ನು ಅಳವಡಿಸಲಾಗಿದೆ. ಭಾರತದಲ್ಲಿ ಬಿಡುಗಡೆಯಾಗಲಿರುವ Oppo K10 5G ಸ್ಮಾರ್ಟ್‌ಫೋನ್ MediaTek ಡೈಮೆನ್ಸಿಟಿ 810 SoC ಪ್ರೊಸೆಸರ್ ನಿಂದ ಚಾಲಿತವಾಗಿರಲಿದೆ ಎಂದು ಕಂಪೆನಿ ದೃಢಪಡಿಸಿದೆ. ಒಟ್ಟಿನಲ್ಲಿ Oppo K10 5G ಸ್ಮಾರ್ಟ್‌ಫೋನ್ ಭಾರತದಲ್ಲಿ 5G ತಂತ್ರಜ್ಞಾನವನ್ನು ಹೊತ್ತು ಬರುತ್ತಿದ್ದು, ವಿಭಿನ್ನ ಅತ್ಯಾಕರ್ಷಕ ವೈಶಿಷ್ಟ್ಯಗಳನ್ನು ಹೊತ್ತು ಬಂದಿರುವ Oppo K10 5G ಸರಣಿಯ ಎರಡೂ ಸ್ಮಾರ್ಟ್‌ಫೋನ್‌ಗಳು ಹೇಗಿವೆ ಎಂಬುದನ್ನು ನೋಡೋಣ ಬನ್ನಿ.

Oppo K10 5G India launch on June 8; to be slimmest 5G phone in its segment | The Financial Express

ಚೀನಾದಲ್ಲಿ ಬಿಡುಗಡೆಯಾಗಿದ್ದ ನೂತನ Oppo K10 5G ಸ್ಮಾರ್ಟ್‌ಫೋನ್ ಮೀಡಿಯಾ ಟೆಕ್ ಡೈಮೆನ್ಸಿಟಿ 8000 MAX SoC ನಿಂದ ಚಾಲಿತವಾಗಿದ್ದು, 12GB ವರೆಗಿನ LPDDR5 RAM ಮತ್ತು 256GB ವರೆಗಿನ UFS 3.1 ಸಂಗ್ರಹಣೆಯೊಂದಿಗೆ ಜೋಡಿಸಲಾಗಿದೆ. ಈ ಫೋನ್ 6.59-ಇಂಚಿನ FHD+ IPS LCD ಪ್ಯಾನೆಲ್ ಅನ್ನು ಹೊಂದಿದ್ದು, 120Hz ರಿಫ್ರೆಶ್ ರೇಟ್ ಮತ್ತು 240Hz ಟಚ್ ಸ್ಯಾಂಪ್ಲಿಂಗ್ ದರವನ್ನು ಹೊಂದಿದೆ. 67W ಸೂಪರ್ ಫ್ಲ್ಯಾಶ್ ಚಾರ್ಜಿಂಗ್‌ನೊಂದಿಗೆ 5,000 mAh ಬ್ಯಾಟರಿ, ಹೊಸ ಮತ್ತು ಸುಧಾರಿತ ಕೂಲಿಂಗ್ ವ್ಯವಸ್ಥೆ, 64 MP ಪ್ರಾಥಮಿಕ ಸಂವೇದಕ, 8 MP ಅಲ್ಟ್ರಾವೈಡ್ ಶೂಟರ್ ಮತ್ತು 2 MP ಮ್ಯಾಕ್ರೋ ಘಟಕದೊಂದಿಗೆ ಟ್ರಿಪಲ್-ಕ್ಯಾಮೆರಾ ಸೆಟಪ್ ಮತ್ತು ಮುಂಭಾಗದಲ್ಲಿ 16 MP ಸೆಲ್ಫಿ ಕ್ಯಾಮೆರಾ ಹೊಂದಿರುವ ವೈಶಿಷ್ಟ್ಯಗಳಲ್ಲಿ ಸ್ಮಾರ್ಟ್‌ಫೋನನ್ನು ಬಿಡುಗಡೆ ಮಾಡಲಾಗಿದೆ.

Oppo K10 Pro 5G ವೈಶಿಷ್ಟ್ಯಗಳು Oppo K10 Pro 5G ಸ್ಮಾರ್ಟ್‌ಫೋನ್ ಸ್ನಾಪ್‌ಡ್ರಾಗನ್ 888 SoC ನಿಂದ ಚಾಲಿತವಾಗಿದೆ. 12GB ಯ LPDDR5 RAM ಮತ್ತು 256GB ವರೆಗಿನ UFS 3.1 ಸಂಗ್ರಹಣೆಯೊಂದಿಗೆ ಜೋಡಿಸಲಾಗಿದೆ. ಈ ಫೋನ್ 6.62-ಇಂಚಿನ FHD+ E4 AMOLED ಪ್ಯಾನೆಲ್ ಅನ್ನು ಹೊಂದಿದ್ದು, 120Hz ರಿಫ್ರೆಶ್ ರೇಡ್ ಮತ್ತು 720Hz ಟಚ್ ಸ್ಯಾಂಪ್ಲಿಂಗ್ ದರವನ್ನು ಹೊಂದಿದೆ. ಇದು 80W ಸೂಪರ್ ಫ್ಲ್ಯಾಶ್ ಚಾರ್ಜಿಂಗ್‌ನೊಂದಿಗೆ 5,000 mAh ಬ್ಯಾಟರಿ, ಹೊಸ ಮತ್ತು ಸುಧಾರಿತ ಕೂಲಿಂಗ್ ವ್ಯವಸ್ಥೆ, 50 MP Sony IMX766 ಪ್ರಾಥಮಿಕ ಸಂವೇದಕ, 8 MP ಅಲ್ಟ್ರಾವೈಡ್ ಶೂಟರ್ ಮತ್ತು 2 MP ಮ್ಯಾಕ್ರೋ ಘಟಕದೊಂದಿಗೆ ಟ್ರಿಪಲ್-ಕ್ಯಾಮೆರಾ ಸೆಟಪ್ ಮತ್ತು 16 MP ಸೆಲ್ಫಿ ಕ್ಯಾಮೆರಾ ಹೊಂದಿರುವ ವೈಶಿಷ್ಟ್ಯಗಳಲ್ಲಿ ಸ್ಮಾರ್ಟ್‌ಫೋನನ್ನು ಬಿಡುಗಡೆ ಮಾಡಲಾಗಿದೆ.

Oppo K10 5G Specifications, Image Leaked Ahead of Alleged India Launch | Technology News

Oppo K10 5G ಮತ್ತು K10 Pro 5G ಫೋನ್ ಬೆಲೆಗಳು! ಚೀನಾದಲ್ಲಿ Oppo K10 5G ಬೇಸ್ 8GB/128GB ಮಾದರಿಯು CNY 1,999 (ಸುಮಾರು ರೂ 23,350) ಗಳ ಆರಂಭಿಕ ಬೆಲೆಯಲ್ಲಿ ಬಿಡುಗಡೆಗೊಂಡಿತ್ತು. ಇದೇ ಫೋನ್ 8GB/256GB ಮತ್ತು 12GB/256GB ರೂಪಾಂತರಗಳಲ್ಲಿ ಕ್ರಮವಾಗಿ CNY 2,199 (ಸರಿಸುಮಾರು ರೂ 25,700) ಮತ್ತು CNY 2,499 (ಸುಮಾರು ರೂ 29,200) ಗಳಲ್ಲಿ ಲಭ್ಯವಾಗಿತ್ತು. ಇತ್ತ Oppo K10 Pro 5G ಸ್ಮಾರ್ಟ್‌ಫೋನಿನ ಬೇಸ್ 8GB/128GB ಮಾದರಿ ಬೆಲೆ CNY 2,499 (ಸರಿಸುಮಾರು ರೂ 29,200) ಗಳಿಗೆ ಹಾಗೂ 8GB/256GB ಮತ್ತು 12GB/256GB ರೂಪಾಂತರಗಳು ಕ್ರಮವಾಗಿ CNY 2,799 (ಸರಿಸುಮಾರು ರೂ 32,650) ಮತ್ತು CNY 3,199 (ಸುಮಾರು ರೂ 37,350) ಗಳಲ್ಲಿ ಬಿಡುಗಡೆಯಾಗಿದ್ದವು. ಇದೀಗ ದೇಶದಲ್ಲಿ ಈ ಎರಡೂ ಸ್ಮಾರ್ಟ್‌ಫೋನ್‌ಗಳ ಬೆಲೆ ಎಷ್ಟು ಎಂಬುದನ್ನು ತಿಳಿಯಲು ನಾವೂ ಕೂಡ ಕಾತಯರರಾಗಿದ್ದೇವೆ.