ನಕಲಿ ಇ-ಮೇಲ್ ಸಂದೇಶ ಕಳಿಸಿ, ಮೆಡಿಕಲ್ ಕಾಲೇಜು ಪ್ರಿನ್ಸಿಪಾಲರನ್ನೇ ಯಾಮಾರಿಸಿದ ಉಪನ್ಯಾಸಕ ಬಂಧನ

ಬ್ರೇಕಿಂಗ್ ನ್ಯೂಸ್

ತಾಯಿ ದುಡುಕುತನಕ್ಕೆ ಮೂರು ಕಂದಮ್ಮಗಳು ಬಲಿ ! ಅತ್ತೆ ಕಿರುಕುಳ- ಗಂಡನ ಮೇಲಿನ ಕೋಪದಲ್ಲಿ ಮಕ್ಕಳಿಗೆ ನೇಣು, ಡೀಸೆಲ್ ಕುಡಿದು ಆತ್ಮಹತ್ಯೆಗೆ ಯತ್ನಿಸಿದ ಮಹಿಳೆ | ಉಡುಪಿಯಲ್ಲಿ ಕಾಂಗ್ರೆಸ್ ಮುಖಂಡನ ಮೇಲೆ ತಲ್ವಾರು ದಾಳಿ ; ಕ್ಷುಲ್ಲಕ ಕಾರಣಕ್ಕೆ ಜಗಳ, 5-6 ಮಂದಿ ಸೇರಿ ಕೊಲೆಯತ್ನ | ಎಪ್ರಿಲ್ 1ರಿಂದ ಹೊಸ ಆದಾಯ ತೆರಿಗೆ ಕಾಯ್ದೆ ಜಾರಿ ; ಐಟಿಆರ್ ಸಲ್ಲಿಕೆ ಸರಳ, ಸ್ಲ್ಯಾಬ್‌ಗಳಲ್ಲಿ ಬದಲಾವಣೆ ಇಲ್ಲ, ಜಟಿಲ ಸೆಕ್ಷನ್ ರದ್ದು, ತಪ್ಪಿಗೆ ಶಿಕ್ಷೆ ಬದಲು ದಂಡ ! |

ನಕಲಿ ಇ-ಮೇಲ್ ಸಂದೇಶ ಕಳಿಸಿ, ಮೆಡಿಕಲ್ ಕಾಲೇಜು ಪ್ರಿನ್ಸಿಪಾಲರನ್ನೇ ಯಾಮಾರಿಸಿದ ಉಪನ್ಯಾಸಕ ಬಂಧನ

01-12-21 01:42 pm HK Desk news ಕ್ರೈಂ

ಉಪನ್ಯಾಸಕನೊಬ್ಬ ನಕಲಿ ಇ-ಮೇಲ್ ಸೃಷ್ಟಿಸಿ ಮೆಡಿಕಲ್ ಕಾಲೇಜಿನ ಆಡಳಿತ ಮತ್ತು ಪ್ರಿನ್ಸಿಪಾಲರನ್ನೇ ಯಾಮಾರಿಸಿದ ಘಟನೆ ನಡೆದಿದ್ದು, ಆರೋಪಿ ಉಪನ್ಯಾಸಕನನ್ನು ಸೈಬರ್ ಠಾಣೆ ಪೊಲೀಸರು ಬಂಧಿಸಿದ್ದಾರೆ.

ಮಂಗಳೂರು, ಡಿ.1: ಉಪನ್ಯಾಸಕನೊಬ್ಬ ನಕಲಿ ಇ-ಮೇಲ್ ಸೃಷ್ಟಿಸಿ ಮೆಡಿಕಲ್ ಕಾಲೇಜಿನ ಆಡಳಿತ ಮತ್ತು ಪ್ರಿನ್ಸಿಪಾಲರನ್ನೇ ಯಾಮಾರಿಸಿದ ಘಟನೆ ನಡೆದಿದ್ದು, ಆರೋಪಿ ಉಪನ್ಯಾಸಕನನ್ನು ಸೈಬರ್ ಠಾಣೆ ಪೊಲೀಸರು ಬಂಧಿಸಿದ್ದಾರೆ.

ದೇರಳಕಟ್ಟೆಯ ಮೆಡಿಕಲ್ ಕಾಲೇಜು ಒಂದರಲ್ಲಿ ಘಟನೆ ನಡೆದಿದ್ದು ಉಳಿಯ ರಾಣಿಪುರ ನಿವಾಸಿ ಆರೋಪಿ ಡೇವಿಡ್ ರಾಕೇಶ್ ಡಿಸೋಜ(36) ಬಂಧಿತ. ನಕಲಿ ಇ-ಮೇಲ್ ಖಾತೆಯನ್ನು ಸೃಷ್ಟಿಸಿ, ಅದರ ಮೂಲಕ ಕಾಲೇಜಿನ ಡೈರೆಕ್ಟರ್ ಹುದ್ದೆಯಲ್ಲಿದ್ದವರಿಗೆ ಪ್ರಿನ್ಸಿಪಾಲ್ ಬಗ್ಗೆ ಆರೋಪಗಳನ್ನು ಹೊರಿಸಿ ಮೇಲ್ ಸಂದೇಶಗಳನ್ನು ಕಳಿಸಲಾಗಿತ್ತು. ಪ್ರಿನ್ಸಿಪಾಲ್ ಪ್ರಶ್ನೆ ಪತ್ರಿಕೆಯನ್ನು ಲೀಕ್ ಮಾಡಿದ್ದಾರೆಂಬ ಗಂಭೀರ ಆರೋಪಗಳಲ್ಲದೆ, ಕಾಲೇಜು ಆಡಳಿತ ಮತ್ತು ಸಿಬಂದಿ ನಡುವಿನ ವಿಚಾರವನ್ನು ಅದರಲ್ಲಿ ಬರೆಯಲಾಗಿತ್ತು.

ಈ ಬಗ್ಗೆ ಕಾಲೇಜಿನ ಆಂತರಿಕ ತನಿಖಾ ಸಮಿತಿ ತನಿಖೆ ಕೈಗೊಂಡಿದ್ದು, ಯಾವುದೇ ರೀತಿಯಲ್ಲೂ ಆರೋಪಿಯನ್ನು ಪತ್ತೆ ಮಾಡಲು ಸಾಧ್ಯವಾಗಿರಲಿಲ್ಲ. ನಕಲಿ ಇ-ಮೇಲ್ ಐಡಿಯಾಗಿದ್ದರಿಂದ ಅದನ್ನು ಪತ್ತೆ ಹಚ್ಚುವುದು ಸಾಧ್ಯವಾಗದೆ ಕಾಲೇಜಿನ ಆಡಳಿತಕ್ಕೆ ತಲೆನೋವಾಗಿತ್ತು. ಇದರಿಂದ ಕಾಲೇಜಿನ ಪ್ರಿನ್ಸಿಪಾಲ್ ಕೂಡ ತುಂಬ ಚಿಂತೆಗೆ ಒಳಗಾಗಿದ್ದರು. ಆದರೆ, ಆರೋಪಿಯಾಗಿದ್ದ ಡೇವಿಡ್ ಎಂದಿನಂತೆ ತನ್ನ ಕರ್ತವ್ಯದಲ್ಲಿದ್ದು ಆತ ನಕಲಿ ಖಾತೆ ಸೃಷ್ಟಿಸಿದ್ದಾನೆಂಬ ಬಗ್ಗೆ ಯಾವುದೇ ಸಾಕ್ಷ್ಯಗಳು ಸಿಕ್ಕಿರಲಿಲ್ಲ.

ಕಳೆದ ಸೆಪ್ಟಂಬರ್ ತಿಂಗಳಲ್ಲಿ ಈ ಬಗ್ಗೆ ಕಾಲೇಜು ಪ್ರಿನ್ಸಿಪಾಲ್ ಮಂಗಳೂರಿನ ಸಿಇಎನ್ ಪೊಲೀಸ್ ಠಾಣೆಗೆ ದೂರು ನೀಡಿದ್ದರು. ಯಾರೋ ಒಬ್ಬ ತನ್ನ ಬಗ್ಗೆ ಆರೋಪ ಹೊರಿಸಿ, ಫೇಕ್ ಇ-ಮೇಲ್ ಐಡಿ ಮೂಲಕ ಕಾಲೇಜಿನ ಆಡಳಿತಕ್ಕೆ ಸಂದೇಶಗಳನ್ನು ಕಳಿಸುತ್ತಿದ್ದಾನೆ. ಈ ಬಗ್ಗೆ ಆರೋಪಿಯನ್ನು ಪತ್ತೆ ಮಾಡಿ, ಕ್ರಮ ಜರುಗಿಸಬೇಕು ಎಂದು ಕೋರಿದ್ದರು. ಪೊಲೀಸರು ಇ-ಮೇಲ್ ಸಂದೇಶಗಳನ್ನು ತಾಂತ್ರಿಕ ಪರಿಣತರಿಂದ ಪರಿಶೀಲನೆ ನಡೆಸಿದ್ದು, ಅದರ ಹಿಂದಿರುವ ಐಪಿ ವಿಳಾಸವನ್ನು ಪತ್ತೆ ಮಾಡಿದ್ದಾರೆ. ಐಪಿ ವಿಳಾಸ ಯಾವ ಕಂಪ್ಯೂಟರ್ ನಿಂದ ಕ್ರಿಯೇಟ್ ಆಗಿರುತ್ತದೆ, ಅದನ್ನು ಯಾರು ಬಳಸುತ್ತಿದ್ದಾರೆ ಅನ್ನೋದು ತಿಳಿಸುತ್ತದೆ. ಆಮೂಲಕ ಆರೋಪಿಯನ್ನು ಪತ್ತೆ ಮಾಡಿದ್ದಾರೆ.

ಡೇವಿಡ್ ರಾಕೇಶ್ ಡಿಸೋಜ ಅದೇ ಮೆಡಿಕಲ್ ಕಾಲೇಜಿನಲ್ಲಿ ಉಪನ್ಯಾಸಕನಾಗಿದ್ದು, ಪ್ರಾಂಶುಪಾಲರ ಹುದ್ದೆಯ ಮೇಲೆ ಕಣ್ಣಿಟ್ಟಿದ್ದ ಎನ್ನಲಾಗುತ್ತಿದೆ. ಈ ಕಾರಣದಿಂದ ನಕಲಿ ಸಂದೇಶಗಳ ಮೂಲಕ ಹಾಲಿ ಪ್ರಿನ್ಸಿಪಾಲ್ ವಿರುದ್ಧ ಆರೋಪಗಳನ್ನು ಹೊರಿಸಿ, ಕಾಲೇಜಿನ ಆಡಳಿತಕ್ಕೆ ಕಳಿಸಿದ್ದ ಎನ್ನುವ ಮಾಹಿತಿಗಳಿವೆ. ಪೊಲೀಸರು ಆರೋಪಿಯನ್ನು ಬಂಧಿಸಿ, ಕೋರ್ಟಿಗೆ ಹಾಜರು ಪಡಿಸಿದ್ದು, ನ್ಯಾಯಾಂಗ ಬಂಧನ ವಿಧಿಸಲಾಗಿದೆ.

The personnel of the cyber crime, economic offences and narcotics police station here have arrested David Rakesh D'Souza (36), a resident of Uliya Ranipura. He has been accused of creating a fake email ID and using that ID to level baseless allegations against the principal of his college and sending the mails to the medical college director.