ಪಾಕಿಸ್ತಾನ ಆಲ್ ರೌಂಡರ್ ಶೊಯೇಬ್ ಮಲಿಕ್ ಕಾರು ಅಪಘಾತ

ಬ್ರೇಕಿಂಗ್ ನ್ಯೂಸ್

Fake Currency Racket, Shivamogga: ಖೋಟಾ ನೋಟು ಚಲಾವಣೆ ; ಶಿವಮೊಗ್ಗದಲ್ಲಿ ರಿಯಲ್ ಎಸ್ಟೇಟ್ ಉದ್ಯಮಿ ಅರೆಸ್ಟ್ | Judge Heart Attack, Kalaburagi Court: ನ್ಯಾಯಾಲಯದಲ್ಲೇ ಜಡ್ಜ್ ಕುಸಿದು ಬಿದ್ದು ಸಾವು ; ಕಲಬುರಗಿ ಜಿಲ್ಲಾ ಕೋರ್ಟಿನಲ್ಲಿ ಘಟನೆ | Iran-Israel War: ಇಸ್ರೇಲ್- ಇರಾನ್ ಸಂಘರ್ಷ ; ಇರಾನ್ ಅಣ್ವಸ್ತ್ರ ಸಂಗ್ರಹ ನಿಲ್ಲಿಸದ ಹೊರತು ದಾಳಿ ನಿಲ್ಲಲ್ಲ..! ಇತಿಹಾಸದಿಂದ ಪಾಠ ಕಲಿತುಕೊಳ್ಳದಿದ್ದರೆ ನಾವೇ ಖಾಲಿಯಾಗುತ್ತೇವೆ ; ಇಸ್ರೇಲ್ ನಾಯಕರ ಘರ್ಜನೆ |

ಪಾಕಿಸ್ತಾನ ಆಲ್ ರೌಂಡರ್ ಶೊಯೇಬ್ ಮಲಿಕ್ ಕಾರು ಅಪಘಾತ

11-01-21 01:47 pm Source: MYKHEL Sadashiva ಕ್ರೀಡೆ

ಪಾಕಿಸ್ತಾನದ ಆಲ್ ರೌಂಡರ್ ಶೋಯೆಬ್ ಮಲಿಕ್ ಅವರ ಕಾರು ಭಾನುವಾರ ಲಾಹೋರ್‌ನಲ್ಲಿ ಅಪಘಾತಕ್ಕೀಡಾಗಿದೆ.

ಕರಾಚಿ, ಜ.11 :ಪಾಕಿಸ್ತಾನದ ಆಲ್ ರೌಂಡರ್ ಶೋಯೆಬ್ ಮಲಿಕ್ ಅವರ ಕಾರು ಭಾನುವಾರ (ಜನವರಿ 10) ಲಾಹೋರ್‌ನಲ್ಲಿ ಅಪಘಾತಕ್ಕೀಡಾಗಿದೆ. 2021ರ ಪಾಕಿಸ್ತಾನ್ ಸೂಪರ್ ಲೀಗ್‌ನಲ್ಲಿ ತಂಡಕ್ಕೆ ಸೇರ್ಪಡೆಯಾದ ಬಳಿಕ ಮಲಿಕ್ ಅವರು ಕ್ರಿಕೆಟ್‌ ಬೋರ್ಡ್‌ನ ರಾಷ್ಟ್ರೀಯ ಉನ್ನತ ಕಾರ್ಯಕ್ಷಮತೆ ಕೇಂದ್ರದಿಂದ ವಾಪಸ್ಸಾಗುತ್ತಿದ್ದಾಗ ಕಾರು ಅಪಘಾತ ಸಂಭವಿಸಿದೆ.

ಅಪಘಾತದಲ್ಲಿ ಶೋಯೆಬ್ ಮಲಿಕ್ ಗಂಭೀರ ಗಾಯದಿಂದ ಪಾರಾಗಿದ್ದಾರೆ. ತಾನು ಸಂಪೂರ್ಣ ಚೆನ್ನಾಗಿದ್ದೇನೆ ಎಂದು ಅನುಭವಿ ಆಟಗಾರ ಮಲಿಕ್ ಹೇಳಿದ್ದಾರೆ. ಮಲಿಕ್ ಅವರು ಭಾರತದ ಸ್ಟಾರ್ ಟೆನಿಸ್ ಆಟಗಾರ್ತಿ ಸಾನಿಯಾ ಮಿರ್ಝಾ ಅವರ ಪತಿ. 'ನಾನು ಸಂಪೂರ್ಣ ಚೆನ್ನಾಗಿದ್ದೇನೆ. ಇದೊಂದು ಸಂಭವನೀಯ ಅಪಘಾತ. ದೇವರು ಕಾಪಾಡಿದ್ದಾನೆ. ಘಟನೆಗೆ ಸಂಬಂಧಿಸಿ ಪ್ರತಿಕ್ರಿಯಿಸಿದ ಎಲ್ಲರಿಗೂ ಧನ್ಯವಾದ. ನಿಮ್ಮೆಲ್ಲಾ ಪ್ರೀತಿ ಮತ್ತು ಕಾಳಜಿಗೆ ನಾನು ಆಭಾರಿಯಾಗಿದ್ದೇನೆ,' ಎಂದು ಮಲಿಕ್ ಟ್ವೀಟ್ ಮಾಡಿದ್ದಾರೆ.

ವರದಿಯ ಪ್ರಕಾರ, ಪಾಕ್ ಮಾಜಿ ನಾಯಕ ಮಲಿಕ್ ವೇಗವಾಗಿ ಸ್ಪೋರ್ಟ್ಸ್ ಕಾರು ಓಡಿಸುತ್ತಿದ್ದರು. ಹೀಗಾಗಿ ಅವರಿಗೆ ನಿಯಂತ್ರಿಸಲಾಗದೆ ಕಾರು ಸ್ಕಿಡ್‌ ಆಗಿ ಬಿದ್ದಿತ್ತು. ಮಲಿಕ್ 35 ಟೆಸ್ಟ್ ಪಂದ್ಯಗಳಲ್ಲಿ 1898 ರನ್, 32 ವಿಕೆಟ್, 287 ಏಕದಿನ ಪಂದ್ಯಗಳಲ್ಲಿ 7534 ರನ್, 158 ವಿಕೆಟ್‌, 116 ಟಿ20ಐ ಪಂದ್ಯಗಳಲ್ಲಿ 2335 ರನ್, 28 ವಿಕೆಟ್ ಪಡೆದಿದ್ದಾರೆ.

This News Article is a Copy of MYKHEL