ಹೈಕೋರ್ಟ್ ಮೆಟ್ಟಿಲೇರಿದ ಭಂಡಾರ್ಕಾರ್ಸ್ ವಿದ್ಯಾರ್ಥಿನಿಯರು ; ಶಾಸಕ ಹಾಲಾಡಿಯೇ ಟಾರ್ಗೆಟ್ ! ಕಾಲೇಜಿನ ಆಡಳಿತಕ್ಕೆ ಮೂಗು ತೂರಿಸಿದ್ದು ಹೇಗೆಂದು ಪ್ರಶ್ನೆ

ಬ್ರೇಕಿಂಗ್ ನ್ಯೂಸ್

Hassan Accident, 9 killed, Update: ಗಣೇಶ ಮೆರವಣಿಗೆ ಮೇಲೆ ಕ್ಯಾಂಟರ್ ಹರಿದು ದುರಂತ ; ಮೃತರ ಸಂಖ್ಯೆ 9ಕ್ಕೇರಿಕೆ, ಮೃತರಲ್ಲಿ ಮೂವರು ಇಂಜಿನಿಯರಿಂಗ್ ವಿದ್ಯಾರ್ಥಿಗಳು, ತಾಯಿಗೆ ಒಬ್ಬನೇ ಮಗ, ಕಿತ್ತು ತಿನ್ನುವ ಬಡತನ ಮಧ್ಯೆಯೂ ಓದಿಸುತ್ತಿದ್ದ ತಾಯಿ ! | Mangalore Fake Aadhar, RTC Scam, Police: ಆರೋಪಿಗಳಿಗೆ ಜಾಮೀನು ಕೊಡಿಸಲು ನಕಲಿ ಆಧಾರ್, ಆರ್ಟಿಸಿ ; ಮತ್ತೆ ಮೂವರ ಸೆರೆ, ಹಣಕ್ಕಾಗಿ ನಕಲಿ ದಾಖಲೆ, ನಕಲಿ ವ್ಯಕ್ತಿಗಳನ್ನೇ ಕೋರ್ಟಿಗೆ ಸಲ್ಲಿಸುತ್ತಿದ್ದ ಖದೀಮರು, ಹಿಂದಿನಿಂದಲೂ ನಡೀತಿದ್ದ ಅಕ್ರಮ ವಹಿವಾಟು | Hassan truck Accident: ಅರಕಲಗೂಡು ; ಗಣೇಶ ಮೆರವಣಿಗೆ ಮೇಲೆ ಲಾರಿ ನುಗ್ಗಿ ಎಂಟು ಮಂದಿ ದುರ್ಮರಣ! ಡಿಜೆ ಸದ್ದಿನಲ್ಲಿ ಮೈಮರೆತಿದ್ದ ಯುವಕರ ಮೇಲೆ ಹರಿದ ಯಮದೂತ ಲಾರಿ! ಭೀಕರ ದುರಂತಕ್ಕೆ ಬೆಚ್ಚಿಬಿದ್ದ ಹಾಸನ ಜನತೆ |

ಹೈಕೋರ್ಟ್ ಮೆಟ್ಟಿಲೇರಿದ ಭಂಡಾರ್ಕಾರ್ಸ್ ವಿದ್ಯಾರ್ಥಿನಿಯರು ; ಶಾಸಕ ಹಾಲಾಡಿಯೇ ಟಾರ್ಗೆಟ್ ! ಕಾಲೇಜಿನ ಆಡಳಿತಕ್ಕೆ ಮೂಗು ತೂರಿಸಿದ್ದು ಹೇಗೆಂದು ಪ್ರಶ್ನೆ

08-02-22 01:43 pm HK Desk news ಕರಾವಳಿ

ಕುಂದಾಪುರದ ಭಂಡಾರ್ಕಾರ್ಸ್ ಕಾಲೇಜಿನಲ್ಲಿ ಹಿಜಾಬ್ ಹಾಕಿದವರನ್ನು ತಡೆದು ನಿಲ್ಲಿಸಿದ ಘಟನೆ ಬಗ್ಗೆ ವಿದ್ಯಾರ್ಥಿನಿಯರು ಹೈಕೋರ್ಟ್ ಮೆಟ್ಟಿಲೇರಿದ್ದಾರೆ.

ಕುಂದಾಪುರ, ಫೆ.8 : ಕುಂದಾಪುರದ ಭಂಡಾರ್ಕಾರ್ಸ್ ಕಾಲೇಜಿನಲ್ಲಿ ಹಿಜಾಬ್ ಹಾಕಿದವರನ್ನು ತಡೆದು ನಿಲ್ಲಿಸಿದ ಘಟನೆ ಬಗ್ಗೆ ವಿದ್ಯಾರ್ಥಿನಿಯರು ಹೈಕೋರ್ಟ್ ಮೆಟ್ಟಿಲೇರಿದ್ದಾರೆ. ಶಾಸಕ ಹಾಲಾಡಿ ಶ್ರೀನಿವಾಸ ಶೆಟ್ಟಿಯವರ ಒತ್ತಡದಿಂದಾಗಿ ಕಾಲೇಜು ಆಡಳಿತ ಹಿಜಾಬ್ ವಿಚಾರದಲ್ಲಿ ತಡೆ ಒಡ್ಡಿತ್ತು ಎಂದು ಶಾಸಕರನ್ನು ಪ್ರತಿವಾದಿಯಾಗಿಸಿ ಕೋರ್ಟಿನಲ್ಲಿ ಪ್ರಕರಣ ದಾಖಲಿಸಲಾಗಿದೆ.

ಕಾಲೇಜಿನ ಮೂರನೇ ವರ್ಷದ ಬಿಬಿಎ ವಿದ್ಯಾರ್ಥಿನಿ ಸೂಹಾ ಮೌಲಾನ, ಮೊದಲ ವರ್ಷದ ಬಿಬಿಎ ವಿದ್ಯಾರ್ಥಿನಿ ಆಯೆಷಾ ಅಲೀಫಾ ಕೌಸರ್ ಹೈಕೋರ್ಟ್ ನಲ್ಲಿ ರಿಟ್ ಅರ್ಜಿ ಸಲ್ಲಿಸಿದ್ದಾರೆ. ಶಾಸಕ ಹಾಲಾಡಿ ಶ್ರೀನಿವಾಸ ಶೆಟ್ಟಿ, ಮಂಗಳೂರು ವಿಶ್ವವಿದ್ಯಾನಿಲಯದ ರಿಜಿಸ್ಟ್ರಾರ್, ಭಂಡಾರ್ಕಾರ್ಸ್ ಕಾಲೇಜಿನ ಪ್ರಿನ್ಸಿಪಾಲ್ ಅವರನ್ನು ದೂರಿನಲ್ಲಿ ಪ್ರತಿವಾದಿಯಾಗಿ ಮಾಡಲಾಗಿದೆ.

ಯಾವುದೇ ನಿರ್ಬಂಧ ಇಲ್ಲದೆ ನಮಗೆ ಕಾಲೇಜು‌ ಪ್ರವೇಶಕ್ಕೆ ಅನುಮತಿ ನೀಡಬೇಕು ಮತ್ತು ಈ ಬಗ್ಗೆ ಮಂಗಳೂರು ವಿಶ್ವವಿದ್ಯಾನಿಲಯದ ರಿಜಿಸ್ಟ್ರಾರ್ ಅವರಿಗೆ ಸೂಕ್ತ ನಿರ್ದೇಶನ ನೀಡಬೇಕು ಎಂದು ಅರ್ಜಿಯಲ್ಲಿ ಕೇಳಿಕೊಂಡಿದ್ದಾರೆ. ಇದಲ್ಲದೆ, ಶಾಸಕ ಹಾಲಾಡಿ ಯಾವ ಕಾನೂನಿನಡಿ ಕಾಲೇಜಿನ ಆಡಳಿತದ ವಿಚಾರದಲ್ಲಿ ಮೂಗು ತೂರಿಸಿದ್ದಾರೆ. ತಮ್ಮ ರಾಜಕೀಯ ಉದ್ದೇಶವನ್ನು ಇಟ್ಟುಕೊಂಡು ಕಾಲೇಜು ಪ್ರವೇಶ ಮಾಡಿದ್ದು ಹೇಗೆ ಎಂದು ಪ್ರಶ್ನೆ ಮಾಡಿದ್ದಾರೆ.

ಇಷ್ಟೆಲ್ಲಾ ಬೆಳವಣಿಗೆ ಆಗಲು ಮತ್ತು ಹಿಜಾಬ್ ವಿಚಾರ ಹೊತ್ತಿಕೊಳ್ಳಲು ಕಾರಣವಾದ ಅಂಶಗಳ ಬಗ್ಗೆ ಪರಿಗಣಿಸಿ ಸರ್ಕಾರದ ಆದೇಶಕ್ಕೆ ತಡೆ ನೀಡಬೇಕೆಂದು ಅರ್ಜಿಯಲ್ಲಿ ಕೇಳಿಕೊಂಡಿದ್ದಾರೆ. ಮಧ್ಯಂತರ ತಡೆ ನೀಡುವ ಮೂಲಕ ಹಿಜಾಬ್ ಧರಿಸಿ ಬರುವ ವಿದ್ಯಾರ್ಥಿನಿಯರಿಗೆ ಯಾವುದೇ ತಾರತಮ್ಯ ಇಲ್ಲದೆ ಒಳಗೆ ಬಿಡುವಂತೆ ಆದೇಶ ನೀಡಬೇಕೆಂದು ವಿನಂತಿಸಿದ್ದಾರೆ.

ಶೈಕ್ಷಣಿಕ ವರ್ಷದ ಆರಂಭದಲ್ಲಿ ಈ ಬಗ್ಗೆ ಯಾವುದೇ ನಿರ್ಬಂಧ ಇರಲಿಲ್ಲ. ಫೆ.3 ರಂದು ಸಡನ್ನಾಗಿ ಬಂದು ಹಿಜಾಬ್ ಧರಿಸಿದವರಿಗೆ ಪ್ರವೇಶ ಇಲ್ಲವೆಂದು ಹೇಳಿದ್ದಾರೆ. ಈ ಬಗ್ಗೆ ಸರಕಾರದ ಆದೇಶ ಇದೆಯೆಂದು ಹೇಳಿದ್ದರು. ಆದರೆ ನಮ್ಮ ಪೋಷಕರು ಪ್ರಾಂಶುಪಾಲರನ್ನು ಭೇಟಿಯಾಗಿ ಪ್ರಶ್ನೆ ಮಾಡಿದ ಸಂದರ್ಭದಲ್ಲಿ ಶಾಸಕರ ಒತ್ತಡದಿಂದ ನಾವು ಆ ರೀತಿಯ ನಿರ್ಧಾರಕ್ಕೆ ಬರಬೇಕಾಯಿತು ಎಂದು ಹೇಳಿದ್ದರು ಎಂಬುದಾಗಿ ಅರ್ಜಿಯಲ್ಲಿ ಉಲ್ಲೇಖಿಸಿದ್ದಾರೆ.

The controversy over the issue of wearing of Hijabs by some girl students, and the male students registering their opposition by wearing saffron shawls, has been spreading to new territories with each passing day. In the middle of this, two girl students of Bhandarkar’s Arts and Science College here have approached the high court (HC), naming local MLA Halady Srinivas Shetty as the defendant. These students have alleged that the college has restricted their entry with Hijabs into the college premises at the instance of the MLA.