ಕೋಟೆಪುರ ಕಡಲ ತೀರದಲ್ಲಿ ಮಿಡ್ ನೈಟ್ ದಂಧೆ ; ಪೊಲೀಸರ ದಾಳಿ, ಒಬ್ಬನ ಬಂಧನ, ನಾಲ್ಕು ಲಾರಿ ವಶಕ್ಕೆ

ಬ್ರೇಕಿಂಗ್ ನ್ಯೂಸ್

ನೂರಾರು ಕೊಲೆ ಮಾಡಿಸಲು ಧರ್ಮಸ್ಥಳದ ಧರ್ಮಾಧಿಕಾರಿ ದಾವೂದ್ ಇಬ್ರಾಹಿಮ್ಮಾ..? ಆರೋಪಿಯನ್ನು ಮೊದಲೇ ನಿರ್ಧರಿಸಿ ಸರ್ಕಾರ ಸಾಕ್ಷಿ ಹುಡುಕ್ತಿದೆ ; ಪ್ರತಾಪಸಿಂಹ | ಧರ್ಮಸ್ಥಳ ಸ್ನಾನಘಟ್ಟದ ಬಳಿಕ ಹೊಸ ಜಾಗ ಗುರುತಿಸಿದ ದೂರುದಾರ ; ಕಲ್ಲೇರಿ- ಬೋಳಿಯಾರ್ ದಟ್ಟ ಕಾಡಿಗೆ ಎಸ್ಐಟಿ ತಂಡ ಎಂಟ್ರಿ, 13ನೇ ಪಾಯಿಂಟ್ ಶೋಧ ಮುಂದಕ್ಕೆ | Full Powers, Dharmasthala SIT, Police: ಧರ್ಮಸ್ಥಳ ಎಸ್ಐಟಿ ತಂಡಕ್ಕೆ ಫುಲ್ ಪವರ್ ; ಪೊಲೀಸ್ ಠಾಣೆಯ ಅಧಿಕಾರ ನೀಡಿ ಆದೇಶ, ಎಫ್ಐಆರ್ ದಾಖಲಿಸಲು, ಬಂಧಿಸಿದರೆ ಸ್ಥಳೀಯ ಠಾಣೆಗೆ ತಿಳಿಸಬೇಕಿಲ್ಲ! ಕೋರ್ಟಿಗೆ ಚಾರ್ಜ್ ಶೀಟ್ ಸಲ್ಲಿಕೆಗೂ ಅಧಿಕಾರ |

ಕೋಟೆಪುರ ಕಡಲ ತೀರದಲ್ಲಿ ಮಿಡ್ ನೈಟ್ ದಂಧೆ ; ಪೊಲೀಸರ ದಾಳಿ, ಒಬ್ಬನ ಬಂಧನ, ನಾಲ್ಕು ಲಾರಿ ವಶಕ್ಕೆ

07-07-21 03:56 pm Mangalore Correspondent ಕರಾವಳಿ

ಉಳ್ಳಾಲ ಕೋಟೆಪುರ ಕಡಲ ತೀರದಲ್ಲಿ ಮಿಡ್ ನೈಟ್ ಮರಳುಗಾರಿಕೆ ಅವ್ಯಾಹತವಾಗಿದ್ದು ಉಳ್ಳಾಲ ಪೊಲೀಸರು ಸ್ಥಳಕ್ಕೆ ದಾಳಿ ನಡೆಸಿದ್ದಾರೆ.

ಉಳ್ಳಾಲ, ಜು.7: ಉಳ್ಳಾಲ ಕೋಟೆಪುರ ಕಡಲ ತೀರದಲ್ಲಿ ಮಿಡ್ ನೈಟ್ ಮರಳುಗಾರಿಕೆ ಅವ್ಯಾಹತವಾಗಿದ್ದು ಉಳ್ಳಾಲ ಪೊಲೀಸರು ಸ್ಥಳಕ್ಕೆ ದಾಳಿ ನಡೆಸಿ ಐದು ಲೋಡ್ ಮರಳು ವಶಕ್ಕೆ ಪಡೆದು ಒಬ್ಬನನ್ನು ಬಂಧಿಸಿದ್ದಾರೆ.

ಕೋಟೆಪುರ ಕಡಲ ತೀರದಿಂದ ನಿತ್ಯವೂ ರಾತ್ರಿ 11 ಗಂಟೆಯಿಂದ ಮುಂಜಾನೆ 4 ಗಂಟೆ ತನಕ ಅಕ್ರಮ ಮರಳುಗಾರಿಕೆ ನಡೆಯುತ್ತಿರುವುದರ ಬಗ್ಗೆ ಹೆಡ್ ಲೈನ್ ಕರ್ನಾಟಕ ಇತ್ತೀಚೆಗೆ ವಿಡಿಯೋ ಸಹಿತ ವರದಿ ಮಾಡಿತ್ತು. ಇದರಿಂದ ಸ್ವಲ್ಪ ಕಾಲ ಮರಳುಗಾರಿಕೆ ದಂಧೆಗೆ ಬ್ರೇಕ್ ಬಿದ್ದಿತ್ತು. ಆನಂತರ ಎಂದಿನಂತೆ ಮರಳುಗಾರಿಕೆ ಎಗ್ಗಿಲ್ಲದೆ ನಡೆಯುತ್ತಲೇ ಇತ್ತು.

ಕೋಟೆಪುರದ ಮಸೀದಿ ಕಮಿಟಿಯ ಪ್ರಮುಖನೊಬ್ಬ ಅಕ್ರಮ ಮರಳುಗಾರಿಕೆಯ ಬ್ರೋಕರ್ ಆಗಿ ಕೆಲಸ ಮಾಡುತ್ತಿದ್ದಾಗಿ ಸ್ಥಳೀಯರು ಆರೋಪ ಮಾಡಿದ್ದರು. ಉಳ್ಳಾಲ ಠಾಣೆಯ ಕೂಗಳತೆ ದೂರದಲ್ಲಿ ನಡೆಯುವ ಅಕ್ರಮಗಳ ಬಗ್ಗೆ ಇಲ್ಲಿನ ಪೊಲೀಸರಿಗೆ ಗೊತ್ತಿಲ್ಲದೇ ಏನೂ ಇಲ್ಲ. ಆದರೂ ಪೊಲೀಸರು ಮಗುಮ್ಮಾಗಿ ಕುಳಿತಿದ್ದರು.

ಆದರೆ, ಎರಡು ದಿನಗಳ ಹಿಂದೆ ಕೋಟೆಪುರದ ಅಕ್ರಮದ ಬಗ್ಗೆ ಮೇಲಧಿಕಾರಿಗಳಿಗೆ ಒತ್ತಡ ಬಂದಿತ್ತು ಎನ್ನಲಾಗುತ್ತಿದ್ದು ಇದರ ಪರಿಣಾಮ ಇಂದು ಮುಂಜಾನೆ ಉಳ್ಳಾಲ ಪೊಲೀಸರು ದಾಳಿ ಮಾಡಿದ್ದಾರೆ. ಈ ವೇಳೆ, ಎರಡು ಈಚರ್ ಲಾರಿಯಲ್ಲಿ ಲೋಡ್ ಮಾಡಿದ್ದ ಮರಳು, ಎರಡು 407 ಟೆಂಪೋದಲ್ಲಿ ಲೋಡ್ ಮಾಡಿದ್ದ ಮರಳು ಹಾಗೂ ಕಡಲ ತೀರದಲ್ಲಿ ರಾಶಿ ಹಾಕಿದ್ದ ಮೂರು ಲೋಡ್ ಮರಳನ್ನು ವಶಕ್ಕೆ ಪಡೆಯಲಾಗಿದೆ. ಅಲ್ಲದೆ ಇವುಗಳಿಗೆ ಎಸ್ಕಾರ್ಟ್ ಆಗಿ ಹೋಗುತ್ತಿದ್ದ ನಾಲ್ಕು ದ್ವಿಚಕ್ರ ವಾಹನಗಳನ್ನು ಪೊಲೀಸರು ವಶಕ್ಕೆ ಪಡೆದಿದ್ದಾರೆ. ಮರಳುಗಾರಿಕೆ ವೇಳೆ ಸ್ಥಳದಲ್ಲಿದ್ದ ಕೋಟೆಪುರದ ಶಾರುಕ್ ಎಂಬಾತನನ್ನು ಬಂಧಿಸಿದ್ದಾರೆ.

Kotepura seaside sand illegal sand mining Ullal police raid spot one arrested four trucks seized. Sand smugglers were constantly mining sand illegally for the sea and based on information ACP Ranjith Kumar and the team has raided the spot.