ತನ್ನದೇ ಓಟವನ್ನು ನೋಡಿ ಸಂಭ್ರಮಿಸಿದ ಕಂಬಳ ಕೋಣ !

ಬ್ರೇಕಿಂಗ್ ನ್ಯೂಸ್

1954 ರಿಂದ ಪಾಕಿಸ್ತಾನಕ್ಕೆ 2 ಬಿಲಿಯನ್ ಡಾಲರ್ ಮೌಲ್ಯದ ಅಮೆರಿಕ ಶಸ್ತ್ರಾಸ್ತ್ರ ; ಗೊಡ್ಡು ಬೆದರಿಕೆಗೆ ಭಾರತೀಯ ಸೇನೆ ಸೆಡ್ಡು, ರಷ್ಯಾ ಕಚ್ಛಾ ತೈಲ ಕಡಿತಕ್ಕೆ ತೀಕ್ಷ್ಣ ಪ್ರತಿಕ್ರಿಯೆ | Bangalore Cyber Fraud: Bangalore Cyber Fraud: 1.5 ಕೋಟಿ ರೂ. ಸೈಬರ್ ವಂಚನೆಗೊಳಗಾದ ಉದ್ಯಮಿಗೆ ಮತ್ತೆ ವಂಚನೆ ; ಕಾನೂನು ಸೇವೆ ಒದಗಿಸುವುದಾಗಿ ನಂಬಿಸಿ 12.5 ಲಕ್ಷ ಟೋಪಿ, ಪೊಲೀಸರ ಬಲೆಗೆ ಬಿದ್ದ ಟೆಕ್ಕಿ | Puttur Doctor Dr Keerthana Joshi, Suicide, Mangalore: ಪುತ್ತೂರು ಮೂಲದ ಪಶು ವೈದ್ಯೆ ಡಾ.ಕೀರ್ತನಾ ಜೋಶಿ ಮಂಗಳೂರಿನಲ್ಲಿ ನೇಣು ಬಿಗಿದು ಆತ್ಮಹತ್ಯೆ |

ತನ್ನದೇ ಓಟವನ್ನು ನೋಡಿ ಸಂಭ್ರಮಿಸಿದ ಕಂಬಳ ಕೋಣ !

15-10-20 04:01 pm Mangalore Correspondent ಕರಾವಳಿ

ಕಳೆದ ಬಾರಿ ಕಂಬಳದಲ್ಲಿ ಓಡಿದ ಕೋಣವೊಂದು ತನ್ನ ಓಟದ ಸ್ಪರ್ಧೆಯನ್ನು ಮೊಬೈಲಿನಲ್ಲಿ ನೋಡಿ ಅತೀವ ಸಂಭ್ರಮಪಟ್ಟಿದೆ.

ಮಂಗಳೂರು, ಅಕ್ಟೋಬರ್ 15: ಕಂಬಳಕ್ಕಾಗಿ ಕುಟುಂಬದ ಸದಸ್ಯನಂತೆ ಆರೈಕೆ ಮಾಡಿ ಬೆಳೆಸುವ ಕೋಣದ ಬಗ್ಗೆ ಕರಾವಳಿಯಲ್ಲಿ ತುಂಬಾನೇ ಕತೆಗಳಿವೆ. ಮನೆ ಮಾಲೀಕನ ಜೊತೆ ಕೋಣಗಳು ಎಷ್ಟರಮಟ್ಟಿಗೆ ಅವಿನಾಭಾವ ಸಂಬಂಧ ಹೊಂದಿರುತ್ತೆ ಅಂದರೆ ಮನೆಯಲ್ಲೇನಾದ್ರೂ ಅಪಶಕುನಗಳಾದರೆ ಆಹಾರ ಸ್ವೀಕರಿಸದೆ ಉಪವಾಸ ಬೀಳುತ್ತವೆ. ಅಂಥ ಕೋಣಗಳಿಗೂ ಮನುಷ್ಯನ ರೀತಿ ಸಂವೇದನೆಗಳಿರುತ್ತವೆ. ಸಂತಸ, ಸಂಭ್ರಮ, ವೇದನೆಯನ್ನು ಹಂಚಿಕೊಳ್ಳುತ್ತದೆ ಎಂದರೆ ನೀವು ನಂಬುತ್ತೀರಾ..‌.

ಹೌದು.. ನೀವು ನಂಬಲೇಬೇಕು. ಈ ವಿಡಿಯೋ ನೋಡಿದರೆ ಕೋಣಗಳಿಗೆ ಇಂಥ ಸಂವೇದನೆಗಳಿಲ್ಲ ಎನ್ನಲು ಸಾಧ್ಯನೇ ಇಲ್ಲ. ಕಳೆದ ಬಾರಿ ಕಂಬಳದಲ್ಲಿ ಓಡಿದ ಕೋಣವೊಂದು ತನ್ನ ಓಟದ ಸ್ಪರ್ಧೆಯನ್ನು ಮೊಬೈಲಿನಲ್ಲಿ ನೋಡಿ ಅತೀವ ಸಂಭ್ರಮಪಟ್ಟಿದೆ. ಮಂಗಳೂರು ಹೊರವಲಯದ ತಲಪಾಡಿಯ ರವೀಂದ್ರ ಪಕಳ ಎಂಬವರ ಕಂಬಳದ ಕೋಣಕ್ಕೆ ಮನೆಯ ಹುಡುಗನೊಬ್ಬ ಹಳೆಯ ವಿಡಿಯೋ ತೋರಿಸಿದ್ದಾನೆ. ವಿಡಿಯೋ ನೋಡಿದ ಕೋಣ ಅಲ್ಲಿಂದಲೇ ಗುರುಗುಟ್ಟುತ್ತಾ ಮುಂದೆ ಬಂದಿದ್ದಲ್ಲದೆ, ತನ್ನದೇ ಓಟವನ್ನು ನೋಡಿ ಸಂಭ್ರಮಿಸಿದೆ.

ಮನೆಯಲ್ಲಿ ಕುಟ್ಟಿ ಎಂಬ ಹೆಸರಿನಲ್ಲಿ ಕರೆಯಲ್ಪಡುವ ಈ ಕೋಣ ಮೊಬೈಲ್ ನಲ್ಲಿ ಚಿತ್ರೀಕರಿಸಿದ್ದ ಕಂಬಳದ ದೃಶ್ಯವನ್ನು ನೋಡಿ ಕರಾವಳಿಯಲ್ಲೀಗ ವಿಡಿಯೋ ವೈರಲ್ ಆಗುವಂತಾಗಿದೆ. ಮನುಷ್ಯರಂತೆ ಪ್ರಾಣಿಗಳು ಕೂಡ ಸೂಕ್ಷ್ಮ ಸಂವೇದನೆ ಹೊಂದಿರುತ್ತವೆ ಎಂಬುದಕ್ಕೆ ಈ ವಿಡಿಯೋ ಸಾಕ್ಷಿ.

Video:

A video of Buffalo in Talapady enjoying by watching it's own video goes viral on social media. The video was shot while the buffalo was racing in a Kambla sport in Mangaluru.