ಬಿಕಿನಿ, ಟಾಪ್ ಗಳಲ್ಲಿ ಮತ್ತೆ ಹಿಂದು ದೇವರ ಚಿತ್ರ ! ಸಹರಾ ರೇ ಸ್ವಿಮ್ ಹೆಸರಲ್ಲಿ ಅಮೆಜಾನ್ ಮಾರುಕಟ್ಟೆಗೆ ಬಿಡುಗಡೆ, ಜಾಲತಾಣದಲ್ಲಿ ತೀವ್ರ ಆಕ್ರೋಶ

ಬ್ರೇಕಿಂಗ್ ನ್ಯೂಸ್

ಉಡುಪಿ ಲಯನ್ಸ್ ಸರ್ಕಲ್‌ ಬಳಿ ಭೀಕರ ಅಪಘಾತ ; ರಸ್ತೆ ಬದಿ ನಡೆದುಕೊಂಡು ಹೋಗುತ್ತಿದ್ದ ಮಹಿಳೆಗೆ ಬಸ್ ಡಿಕ್ಕಿ, ನಗರಸಭೆ ಮಾಜಿ ಉಪಾಧ್ಯಕ್ಷೆ ಸ್ಥಳದಲ್ಲೇ ಸಾವು ! | ಜಂಕ್‌ಫುಡ್‌ ವಿರುದ್ಧ ಖಾದರ್‌ ಸಮರ ; ಶಾಲಾ–ಕಾಲೇಜುಗಳ 50 ಮೀಟರ್ ಸುತ್ತ ಮಾರಾಟ ನಿಷೇದ, ನಿಯಮ ಉಲ್ಲಂಘಿಸಿದರೆ 3 ಲಕ್ಷದವರೆಗೂ ದಂಡ, ಯಾಕೆ ಈ ಆದೇಶ? | Mangaluru: ಪತ್ನಿಯ ಕಿರುಕುಳ ; ಅಕ್ಕನಿಗೆ ವಿಡಿಯೋ ಕಾಲ್ ಮಾಡಿ ಮಾತನಾಡುತ್ತಲೇ ನೇಣಿಗೆ ಶರಣಾದ ಮೂಡುಬಿದಿರೆಯ ಟೆಂಪೋ ಚಾಲಕ |

ಬಿಕಿನಿ, ಟಾಪ್ ಗಳಲ್ಲಿ ಮತ್ತೆ ಹಿಂದು ದೇವರ ಚಿತ್ರ ! ಸಹರಾ ರೇ ಸ್ವಿಮ್ ಹೆಸರಲ್ಲಿ ಅಮೆಜಾನ್ ಮಾರುಕಟ್ಟೆಗೆ ಬಿಡುಗಡೆ, ಜಾಲತಾಣದಲ್ಲಿ ತೀವ್ರ ಆಕ್ರೋಶ

25-04-22 11:09 am HK Desk news ದೇಶ - ವಿದೇಶ

'ಸಹಾರಾ ರೇ ಸ್ವಿಮ್' ಹೆಸರಿನ ಬಿಕಿನಿ ಬಟ್ಟೆಗಳ ಬ್ರಾಂಡ್ ಕಂಪನಿಯೊಂದು ಹಿಂದು ದೇವರನ್ನು ಬಿಕಿನಿಗಳಲ್ಲಿ ಮುದ್ರಿಸಿ ಹಿಂದುಗಳ ಭಾವನೆಗಳಿಗೆ ಘಾಸಿ ಮಾಡಿದೆ.

ನವದೆಹಲಿ, ಎ.25: 'ಸಹಾರಾ ರೇ ಸ್ವಿಮ್' ಹೆಸರಿನ ಬಿಕಿನಿ ಬಟ್ಟೆಗಳ ಬ್ರಾಂಡ್ ಕಂಪನಿಯೊಂದು ಹಿಂದು ದೇವರನ್ನು ಬಿಕಿನಿಗಳಲ್ಲಿ ಮುದ್ರಿಸಿ ಹಿಂದುಗಳ ಭಾವನೆಗಳಿಗೆ ಘಾಸಿ ಮಾಡಿದೆ. ಹೊಸದಾಗಿ ಲಾಂಚ್‌ ಮಾಡಿರೋ ಈಜುಡುಗೆಗಳ ಮೇಲೆ ಹಿಂದೂ ದೇವತೆಗಳ ಚಿತ್ರಗಳನ್ನು ಮುದ್ರಿಸಿದ್ದು ಅಮೆಜಾನ್ ಇನ್ನಿತರ ಆನ್ಲೈನ್ ಮಾರುಕಟ್ಟೆಯಲ್ಲಿ ಬಿಡುಗಡೆಗೊಳಿಸಿದೆ.

ಸಹಾರಾ ರೇ ಎಂಬ ಕಂಪನಿಯ ಒಡೆತನದಲ್ಲಿರುವ ಬ್ರಾಂಡ್‌ ಇದಾಗಿದ್ದು 'ಔರಾ ಕಲೆಕ್ಷನ್ 2022' ಹೆಸರಿನಲ್ಲಿ ಸ್ವಿಮ್‌ ಸೂಟ್‌ಗಳನ್ನು ಬಿಡುಗಡೆ ಮಾಡಲಾಗಿದೆ. ಥಾಂಗ್ಸ್ ಮತ್ತು ಮೈಕ್ರೋ ಸ್ಟ್ರಿಂಗ್ ಟಾಪ್‌ಗಳಲ್ಲಿ ಹಿಂದೂ ದೇವತೆಗಳ ಚಿತ್ರಗಳನ್ನು ಮುದ್ರಿಸಿ ಅಣಕಿಸಲಾಗಿದೆ. ವಿವಾದಾತ್ಮಕ ಸ್ವಿಮ್‌ ಸೂಟ್‌ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದ್ದು ಜಾಲತಾಣದಲ್ಲಿ ಭಾರೀ ಆಕ್ರೋಶವೂ ವ್ಯಕ್ತವಾಗಿದೆ.

ಇದು ಸಹಜವಾಗಿ ಮುದ್ರಿಸಿರುವುದಲ್ಲ. ಹಾಗೆ ದೇವರ ಚಿತ್ರ ಮುದ್ರಿಸಲೇಬೇಕೆಂಬ ಉದ್ದೇಶ ಕಂಪನಿಗಿದ್ದರೆ, ಯಾಕೆ ಜೀಸಸ್‌ ಚಿತ್ರವನ್ನು ಮುದ್ರಿಸಿಲ್ಲ. ಅದನ್ನೂ ಮುದ್ರಿಸಬೇಕಿತ್ತಲ್ಲಾ ಎಂದು ಟ್ವಿಟ್ಟರ್‌ ಬಳಕೆದಾರರು ಪ್ರಶ್ನಿಸಿದ್ದಾರೆ. ಹಿಂದುತ್ವ ಅನ್ನೋದು ಜೋಕ್‌ ಅಲ್ಲ, ಅಥವಾ ಕಂಪನಿಗಳಿಗೆ ಹಣ ಮಾಡಿಕೊಳ್ಳುವ ಮಾರ್ಗವೂ ಅಲ್ಲವೆಂದು ಮತ್ತೋರ್ವ ಯುವತಿ ಆಕ್ರೋಶ ಹೊರಹಾಕಿದ್ದಾರೆ.

ಸಹರಾ ರೇ ಕಂಪನಿ ಈ ರೀತಿ ಮಾಡಿರೋದು ಇದೇ ಮೊದಲೇನಲ್ಲ. 2019ರಲ್ಲಿ ಫ್ಲೋರ್‌ ಮ್ಯಾಟ್‌ ಹಾಗೂ ಟಾಯ್ಲೆಟ್‌ ಕವರ್‌ಗಳ ಮೇಲೆ ಹಿಂದು ದೇವತೆಗಳ ಚಿತ್ರವನ್ನು ಮುದ್ರಿಸಿತ್ತು. ಅದನ್ನು ಅಮೇಜಾನ್‌ನಲ್ಲಿ ಮಾರಾಟಕ್ಕಿಡಲಾಗಿತ್ತು. ಕೆಲವು ಕಂಪನಿಗಳು ಹಿಂದು ದೇವತೆಗಳ ಫೋಟೊ ಬಳಸಿದ ಶೂ, ಟಾಯ್ಲೆಟ್ ಮಾದರಿಗಳನ್ನೂ ಮಾರುಕಟ್ಟೆಗೆ ಬಿಡುಗಡೆ ಮಾಡಿದ್ದನ್ನೂ ನೆಟ್ಟಿಗರು ಟ್ವಿಟರ್ ನಲ್ಲಿ ಅಪ್ಲೋಡ್ ಮಾಡಿದ್ದು ಆಕ್ರೋಶ ವ್ಯಕ್ತಪಡಿಸಿದ್ದಾರೆ. ಬ್ಯಾನ್ ಅಮೆಜಾನ್ ಎಂದು ಬಿಕಿನಿ ಮಾರಾಟಕ್ಕಿಟ್ಟಿರುವ ಪೋಸ್ಟ್ ಲಿಂಕ್ ಹಾಕಿ ಹಲವರು ಟ್ವೀಟ್ ಮಾಡಿದ್ದಾರೆ.

A clothing brand named ‘Sahara Ray Swim‘ has courted controversy by printing images of Hindu deities on its new collection of swimwear. The brand is owned by Sahara Ray, a young surfer turned Only Fans model.