ಮೂಡುಶೆಡ್ಡೆ ವ್ಯಾಪ್ತಿಯಲ್ಲಿ 68 ಮತ ಅಳಿಸಿಹಾಕಲು ಅರ್ಜಿ ; ಕಾವೂರು ಠಾಣೆಯಲ್ಲಿ ನಾಲ್ವರ ವಿರುದ್ಧ ಎಫ್ಐಆರ್ ದಾಖಲು

ಬ್ರೇಕಿಂಗ್ ನ್ಯೂಸ್

ಉಡುಪಿ ಲಯನ್ಸ್ ಸರ್ಕಲ್‌ ಬಳಿ ಭೀಕರ ಅಪಘಾತ ; ರಸ್ತೆ ಬದಿ ನಡೆದುಕೊಂಡು ಹೋಗುತ್ತಿದ್ದ ಮಹಿಳೆಗೆ ಬಸ್ ಡಿಕ್ಕಿ, ನಗರಸಭೆ ಮಾಜಿ ಉಪಾಧ್ಯಕ್ಷೆ ಸ್ಥಳದಲ್ಲೇ ಸಾವು ! | ಜಂಕ್‌ಫುಡ್‌ ವಿರುದ್ಧ ಖಾದರ್‌ ಸಮರ ; ಶಾಲಾ–ಕಾಲೇಜುಗಳ 50 ಮೀಟರ್ ಸುತ್ತ ಮಾರಾಟ ನಿಷೇದ, ನಿಯಮ ಉಲ್ಲಂಘಿಸಿದರೆ 3 ಲಕ್ಷದವರೆಗೂ ದಂಡ, ಯಾಕೆ ಈ ಆದೇಶ? | Mangaluru: ಪತ್ನಿಯ ಕಿರುಕುಳ ; ಅಕ್ಕನಿಗೆ ವಿಡಿಯೋ ಕಾಲ್ ಮಾಡಿ ಮಾತನಾಡುತ್ತಲೇ ನೇಣಿಗೆ ಶರಣಾದ ಮೂಡುಬಿದಿರೆಯ ಟೆಂಪೋ ಚಾಲಕ |

ಮೂಡುಶೆಡ್ಡೆ ವ್ಯಾಪ್ತಿಯಲ್ಲಿ 68 ಮತ ಅಳಿಸಿಹಾಕಲು ಅರ್ಜಿ ; ಕಾವೂರು ಠಾಣೆಯಲ್ಲಿ ನಾಲ್ವರ ವಿರುದ್ಧ ಎಫ್ಐಆರ್ ದಾಖಲು

07-10-26 04:45 pm HK News Staffer ಕ್ರೈಂ

ಮೂಡುಶೆಡ್ಡೆ ವ್ಯಾಪ್ತಿಯಲ್ಲಿ ತನ್ನ ಹಾಗೂ ಇನ್ನಿತರ 60ಕ್ಕೂ ಹೆಚ್ಚು ಮಂದಿಯ ಹೆಸರನ್ನು ಮತದಾರ ಪಟ್ಟಿಯಿಂದ ತೆಗೆದುಹಾಕುವಂತೆ ಸುಳ್ಳು ಅರ್ಜಿ ಕೊಟ್ಟಿದ್ದಾರೆಂದು ಅನಿಶಾ ಎಂಬವರು ಕಾವೂರು ಠಾಣೆಗೆ ದೂರು ಕೊಟ್ಟಿದ್ದು, ನಾಲ್ವರ ವಿರುದ್ಧ ಎಫ್ಐಆರ್ ದಾಖಲಾಗಿದೆ.

ಮಂಗಳೂರು, ಅ.7: ಮೂಡುಶೆಡ್ಡೆ ವ್ಯಾಪ್ತಿಯಲ್ಲಿ ತನ್ನ ಹಾಗೂ ಇನ್ನಿತರ 60ಕ್ಕೂ ಹೆಚ್ಚು ಮಂದಿಯ ಹೆಸರನ್ನು ಮತದಾರ ಪಟ್ಟಿಯಿಂದ ತೆಗೆದುಹಾಕುವಂತೆ ಸುಳ್ಳು ಅರ್ಜಿ ಕೊಟ್ಟಿದ್ದಾರೆಂದು ಅನಿಶಾ ಎಂಬವರು ಕಾವೂರು ಠಾಣೆಗೆ ದೂರು ಕೊಟ್ಟಿದ್ದು, ನಾಲ್ವರ ವಿರುದ್ಧ ಎಫ್ಐಆರ್ ದಾಖಲಾಗಿದೆ.

ಅನಿಶಾ ಅವರು 2021ರಲ್ಲಿ ಕಾವೂರಿನ ಅಬ್ದುಲ್ ಇಮ್ತಿಯಾಜ್ ಎಂಬವರನ್ನು ಮದುವೆಯಾಗಿದ್ದು, ಗಂಡ ನಾಲ್ಕು ವರ್ಷಗಳಿಂದ ಉದ್ಯೋಗ ನಿಮಿತ್ತ ಸೌದಿಯಲ್ಲಿರುವುದರಿಂದ ತನ್ನ ತಾಯಿ ಮನೆಯಾದ ಮೂಡುಶೆಡ್ಡೆಯ ಎದುರುಪದವಿನಲ್ಲಿ ವಾಸವಿದ್ದೇನೆ. ಮೂಡುಶೆಡ್ಡೆಯಲ್ಲೇ ತನ್ನ ಮತ ಚಲಾಯಿಸುತ್ತಿದ್ದು, ಐಡಿ ಕಾರ್ಡ್ ಹೊಂದಿದ್ದೇನೆ. ತಾನು ಅಲ್ಲಿಂದ ಬೇರೆಲ್ಲೂ ವಲಸೆ ಹೋಗಿಲ್ಲ. ಕಳೆದ 2023ರ ಮೂಲ್ಕಿ ಮೂಡುಬಿದ್ರೆ ವಿಧಾನಸಭಾ ಕ್ಷೇತ್ರದ ಚುನಾವಣೆಯಲ್ಲು ಮತ ಚಲಾಯಿಸಿದ್ದೇನೆ.

ಇತ್ತೀಚೆಗೆ ನಡೆದ ಎಸ್ಐಆರ್ ಮ್ಯಾಪಿಂಗ್ ಪ್ರಕ್ರಿಯೆ ವೇಳೆ ತನ್ನ ಹೆಸರು ಮ್ಯಾಪಿಂಗ್ ಆಗಿದ್ದು ಕರಡು ಮತದಾರ ಪಟ್ಟಿಯಲ್ಲಿ ಹೆಸರು ಉಲ್ಲೇಖ ಆಗಿದೆ. ಆದರೆ ಮೂಡುಶೆಡ್ಡೆಯ ಕಿಶನ್ ಎಂಬವರು ತನ್ನ ಹೆಸರನ್ನು ಮತದಾರ ಪಟ್ಟಿಯಿಂದ ಅಳಿಸಿ ಹಾಕುವಂತೆ ಫಾರಮ್ ನಂಬರ್ 7 ಮೂಲಕ ಚುನಾವಣಾಧಿಕಾರಿಗೆ ಸುಳ್ಳು ಅರ್ಜಿ ಕೊಟ್ಟಿದ್ದಾರೆ. ಇದಲ್ಲದೆ, ತನ್ನ ತಂಗಿ ಆಯಿಷಾ ಭಾನು ಮತ್ತು ಶಿವನಗರ, ಎದುರುಪದವು ಬೂತುಗಳಲ್ಲಿ ಇತರ 68 ಮಂದಿ ನೈಜ ಮತದಾರರ ಹೆಸರು ಅಳಿಸಿ ಹಾಕುವಂತೆ ಅರ್ಜಿ ಕೊಟ್ಟಿದ್ದಾರೆ. ಸುಳ್ಳು ಮಾಹಿತಿ ಕೊಟ್ಟು ಚುನಾವಣಾ ಆಯೋಗವನ್ನು ತಪ್ಪು ದಾರಿಗೆಳೆಯಲು ಪ್ರಯತ್ನಿಸಿದ ಕಿಶನ್, ರಿತೇಶ್, ಯುವರಾಜ್, ಶಶಿಕಲಾ ಎಂಬವರ ವಿರುದ್ಧ ಕ್ರಮ ಕೈಗೊಳ್ಳುವಂತೆ ದೂರು ನೀಡಿದ್ದಾರೆ. ಕೋರ್ಟ್ ಮೂಲಕ ಕೇಸು ದಾಖಲಿಸಿ ತನಿಖೆ ನಡೆಸುವಂತೆ ಸೂಚನೆ ಬಂದಿರುವ ಕಾರಣ ಕಾವೂರು ಠಾಣೆಯಲ್ಲಿ ಎಫ್ಐಆರ್ ದಾಖಲಾಗಿದೆ.