ಇರಾನ್ ಗೆ ಅಮೆರಿಕ ಮತ್ತೆ 48 ಗಂಟೆಗಳ ಗಡುವು ; ಒಂದು ನಿಮಿಷದ ಬೆನ್ನಲ್ಲೇ ರಿಯಾದ್ ರಾಯಭಾರ ಕಚೇರಿಗೆ ಡ್ರೋನ್ ದಾಳಿ, ಟ್ರಂಪ್ ಹೇಳಿಕೆಗೆ ತೀವ್ರ ತಿರುಗೇಟು

ಬ್ರೇಕಿಂಗ್ ನ್ಯೂಸ್

ಉಡುಪಿ ಲಯನ್ಸ್ ಸರ್ಕಲ್‌ ಬಳಿ ಭೀಕರ ಅಪಘಾತ ; ರಸ್ತೆ ಬದಿ ನಡೆದುಕೊಂಡು ಹೋಗುತ್ತಿದ್ದ ಮಹಿಳೆಗೆ ಬಸ್ ಡಿಕ್ಕಿ, ನಗರಸಭೆ ಮಾಜಿ ಉಪಾಧ್ಯಕ್ಷೆ ಸ್ಥಳದಲ್ಲೇ ಸಾವು ! | ಜಂಕ್‌ಫುಡ್‌ ವಿರುದ್ಧ ಖಾದರ್‌ ಸಮರ ; ಶಾಲಾ–ಕಾಲೇಜುಗಳ 50 ಮೀಟರ್ ಸುತ್ತ ಮಾರಾಟ ನಿಷೇದ, ನಿಯಮ ಉಲ್ಲಂಘಿಸಿದರೆ 3 ಲಕ್ಷದವರೆಗೂ ದಂಡ, ಯಾಕೆ ಈ ಆದೇಶ? | Mangaluru: ಪತ್ನಿಯ ಕಿರುಕುಳ ; ಅಕ್ಕನಿಗೆ ವಿಡಿಯೋ ಕಾಲ್ ಮಾಡಿ ಮಾತನಾಡುತ್ತಲೇ ನೇಣಿಗೆ ಶರಣಾದ ಮೂಡುಬಿದಿರೆಯ ಟೆಂಪೋ ಚಾಲಕ |

ಇರಾನ್ ಗೆ ಅಮೆರಿಕ ಮತ್ತೆ 48 ಗಂಟೆಗಳ ಗಡುವು ; ಒಂದು ನಿಮಿಷದ ಬೆನ್ನಲ್ಲೇ ರಿಯಾದ್ ರಾಯಭಾರ ಕಚೇರಿಗೆ ಡ್ರೋನ್ ದಾಳಿ, ಟ್ರಂಪ್ ಹೇಳಿಕೆಗೆ ತೀವ್ರ ತಿರುಗೇಟು

04-04-26 10:53 pm HK News Staffer ದೇಶ - ವಿದೇಶ

ಇರಾನ್- ಅಮೆರಿಕ ನಡುವೆ ಕದನ ವಿರಾಮದ ಯಾವುದೇ ಲಕ್ಷಣಗಳೂ ಕಾಣುತ್ತಿಲ್ಲ. ಇದರ ನಡುವೆಯೇ ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಇರಾನ್ ಗೆ ಷರತ್ತು ಒಪ್ಪಿಕೊಳ್ಳಲು 48 ಗಂಟೆಗಳ ಗಡುವು ವಿಧಿಸಿದ್ದಾರೆ. ಇದರ ಬೆನ್ನಲ್ಲೇ ಇರಾನ್, ಸೌದಿ ಅರೇಬಿಯಾದಲ್ಲಿರುವ ಅಮೆರಿಕದ ಸಿಐಎ ಸ್ಟೇಷನ್ ಗೆ ಡ್ರೋನ್ ಗಳನ್ನು ನುಗ್ಗಿಸಿ ಸ್ಫೋಟಗೊಳಿಸಿದೆ.

ಟೆಹ್ರಾನ್, ಎಪ್ರಿಲ್ 4: ಇರಾನ್- ಅಮೆರಿಕ ನಡುವೆ ಕದನ ವಿರಾಮದ ಯಾವುದೇ ಲಕ್ಷಣಗಳೂ ಕಾಣುತ್ತಿಲ್ಲ. ಇದರ ನಡುವೆಯೇ ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಇರಾನ್ ಗೆ ಷರತ್ತು ಒಪ್ಪಿಕೊಳ್ಳಲು 48 ಗಂಟೆಗಳ ಗಡುವು ವಿಧಿಸಿದ್ದಾರೆ. ಇದರ ಬೆನ್ನಲ್ಲೇ ಇರಾನ್, ಸೌದಿ ಅರೇಬಿಯಾದಲ್ಲಿರುವ ಅಮೆರಿಕದ ಸಿಐಎ ಸ್ಟೇಷನ್ ಗೆ ಡ್ರೋನ್ ಗಳನ್ನು ನುಗ್ಗಿಸಿ ಸ್ಫೋಟಗೊಳಿಸಿದೆ.

ಸೌದಿಯ ರಿಯಾದ್ ನಲ್ಲಿರುವ ಸಿಐಎ ಸ್ಟೇಷನ್ ಮೇಲೆ ಇರಾನ್ ದಾಳಿ ನಡೆಸಿದೆ. ಪ್ರಪಂಚದಾದ್ಯಂತದ ಹೆಚ್ಚಿನ ಅಮೆರಿಕನ್ ರಾಜತಾಂತ್ರಿಕ ಪೋಸ್ಟ್ ಗಳಂತೆ ರಿಯಾದ್‌ನಲ್ಲಿರುವ ಅಮೇರಿಕನ್ ರಾಯಭಾರ ಕಚೇರಿ ತನ್ನದೇ ಆದ ವಾಯು ರಕ್ಷಣಾ ವ್ಯವಸ್ಥೆಯನ್ನು ನಿರ್ವಹಿಸುವುದಿಲ್ಲ. ಹೀಗಾಗಿ ಟ್ರಂಪ್ ಘೋಷಣೆಯ ಒಂದೇ ನಿಮಿಷದ ಅಂತರದಲ್ಲಿ ಎರಡು ಡ್ರೋನ್ ದಾಳಿ ನಡೆಸಲಾಗಿದೆ. ಎರಡನೇ ಡ್ರೋನ್ ಮೊದಲ ದಾಳಿಯಿಂದ ಉಂಟಾದ ರಂಧ್ರದೊಳಗೆ ನೇರವಾಗಿ ನುಗ್ಗಿ ಸ್ಫೋಟಿಸಿದೆ. ದಾಳಿ ಮುಗಿಯುವಷ್ಟರಲ್ಲಿ ರಿಯಾದ್‌ನಲ್ಲಿರುವ ಅಮೆರಿಕದ ರಾಯಭಾರ ಕಚೇರಿಯ ಮೂರು ಮಹಡಿಗಳು ತೀವ್ರ ಹಾನಿಗೊಳಗಾಗಿದ್ದವು ಮತ್ತು ಅದರೊಳಗಿನ ಸಿಐಎ ಕಚೇರಿಗೂ ಹೊಡೆತ ಬಿದ್ದಿತ್ತು.

ಸೌದಿ ರಕ್ಷಣಾ ಸಚಿವಾಲಯವು ಈ ದಾಳಿಯಿಂದ ಉಂಟಾದ ಹಾನಿ ಸೀಮಿತವಾಗಿದ್ದು, ಸಣ್ಣ ಮಟ್ಟಿನ ಬೆಂಕಿ ಅವಘಡ ಮಾತ್ರ ಎಂದು ಹೇಳಿತು. ಆದರೆ ವಾಲ್ ಸ್ಟ್ರೀಟ್ ಜರ್ನಲ್ ಪತ್ರಿಕೆ ಅಮೆರಿಕದ ಅಧಿಕಾರಿಗಳನ್ನು ಉಲ್ಲೇಖಿಸಿ ನೀಡಿದ ವರದಿ ಬೇರೆ ಚಿತ್ರಣ ನೀಡುತ್ತದೆ.‌ ಅಮೆರಿಕನ್ ಮಾಧ್ಯಮದ ಪ್ರಕಾರ, ಬೆಂಕಿ ಅರ್ಧ ದಿನದ ವರೆಗೆ ಹೊತ್ತಿ ಉರಿದಿದ್ದು, ರಾಯಭಾರ ಕಚೇರಿಯ ಕೆಲವು ಭಾಗಗಳು ಸಂಪೂರ್ಣ ನಾಶವಾಗಿವೆ. ದಾಳಿ ಕಟ್ಟಡದ ಭದ್ರ ವಿಭಾಗವನ್ನು ಭೇದಿಸಿ ಸಿಐಎ ಕಚೇರಿಯನ್ನು ತಲುಪಿದೆ. ಇದು ಕೆಲಸದ ಸಮಯದಲ್ಲಿ ನಡೆದಿದ್ದರೆ ಪರಿಣಾಮಗಳು ಇನ್ನೂ ಭೀಕರವಾಗಿರುತ್ತಿತ್ತು ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.