Venezuelan President Maduro: ವೆನಿಜುವೆಲಾ ಅಧ್ಯಕ್ಷ ದಂಪತಿಯನ್ನು ಸೆರೆಯಲ್ಲಿಟ್ಟ ಅಮೆರಿಕ ; ರಾತ್ರೋರಾತ್ರಿ ದೇಶಕ್ಕೆ ನುಗ್ಗಿ ಅಧ್ಯಕ್ಷನ ಕಿಡ್ನಾಪ್, ಅಂತಾರಾಷ್ಟ್ರೀಯ ಕಾನೂನು ಉಲ್ಲಂಘನೆಯೆಂದು ಚೀನಾ ಸೇರಿ ವಿಶ್ವ ರಾಷ್ಟ್ರಗಳ ಖಂಡನೆ

ಬ್ರೇಕಿಂಗ್ ನ್ಯೂಸ್

ಉಡುಪಿ ಲಯನ್ಸ್ ಸರ್ಕಲ್‌ ಬಳಿ ಭೀಕರ ಅಪಘಾತ ; ರಸ್ತೆ ಬದಿ ನಡೆದುಕೊಂಡು ಹೋಗುತ್ತಿದ್ದ ಮಹಿಳೆಗೆ ಬಸ್ ಡಿಕ್ಕಿ, ನಗರಸಭೆ ಮಾಜಿ ಉಪಾಧ್ಯಕ್ಷೆ ಸ್ಥಳದಲ್ಲೇ ಸಾವು ! | ಜಂಕ್‌ಫುಡ್‌ ವಿರುದ್ಧ ಖಾದರ್‌ ಸಮರ ; ಶಾಲಾ–ಕಾಲೇಜುಗಳ 50 ಮೀಟರ್ ಸುತ್ತ ಮಾರಾಟ ನಿಷೇದ, ನಿಯಮ ಉಲ್ಲಂಘಿಸಿದರೆ 3 ಲಕ್ಷದವರೆಗೂ ದಂಡ, ಯಾಕೆ ಈ ಆದೇಶ? | Mangaluru: ಪತ್ನಿಯ ಕಿರುಕುಳ ; ಅಕ್ಕನಿಗೆ ವಿಡಿಯೋ ಕಾಲ್ ಮಾಡಿ ಮಾತನಾಡುತ್ತಲೇ ನೇಣಿಗೆ ಶರಣಾದ ಮೂಡುಬಿದಿರೆಯ ಟೆಂಪೋ ಚಾಲಕ |

Venezuelan President Maduro: ವೆನಿಜುವೆಲಾ ಅಧ್ಯಕ್ಷ ದಂಪತಿಯನ್ನು ಸೆರೆಯಲ್ಲಿಟ್ಟ ಅಮೆರಿಕ ; ರಾತ್ರೋರಾತ್ರಿ ದೇಶಕ್ಕೆ ನುಗ್ಗಿ ಅಧ್ಯಕ್ಷನ ಕಿಡ್ನಾಪ್, ಅಂತಾರಾಷ್ಟ್ರೀಯ ಕಾನೂನು ಉಲ್ಲಂಘನೆಯೆಂದು ಚೀನಾ ಸೇರಿ ವಿಶ್ವ ರಾಷ್ಟ್ರಗಳ ಖಂಡನೆ

04-01-26 06:38 pm Mangalore Correspondent ದೇಶ - ವಿದೇಶ

ದಿಢೀರ್ ಬೆಳವಣಿಗೆಯಲ್ಲಿ ವೆನೆಜುವೆಲಾದ ಅಧ್ಯಕ್ಷ ನಿಕೋಲಸ್ ಮಡುರೊ ಮತ್ತು ಅವರ ಪತ್ನಿಯನ್ನು ಅಮೆರಿಕಾ ಭದ್ರತಾ ಪಡೆಗಳು ಕಿಡ್ನಾಪ್ ಮಾಡಿ, ನ್ಯೂಯಾರ್ಕ್‌ಗೆ ಕರೆತಂದು ಜೈಲಿಗೆ ತಳ್ಳಿದೆ.

ವಾಷಿಂಗ್ಟನ್, ಜ.4: ದಿಢೀರ್ ಬೆಳವಣಿಗೆಯಲ್ಲಿ ವೆನೆಜುವೆಲಾದ ಅಧ್ಯಕ್ಷ ನಿಕೋಲಸ್ ಮಡುರೊ ಮತ್ತು ಅವರ ಪತ್ನಿಯನ್ನು ಅಮೆರಿಕಾ ಭದ್ರತಾ ಪಡೆಗಳು ಕಿಡ್ನಾಪ್ ಮಾಡಿ, ನ್ಯೂಯಾರ್ಕ್‌ಗೆ ಕರೆತಂದು ಜೈಲಿಗೆ ತಳ್ಳಿದೆ. ತನ್ನ ಬಗಲಲ್ಲೇ ನಿಂತುಕೊಂಡು ಅಮೆರಿಕಾ ವಿರುದ್ಧ ಕೆಂಡ ಕಾರುತ್ತಿದ್ದ ವೆನಿಜುವೆಲಾ ಅಧ್ಯಕ್ಷನ ವಿರುದ್ಧ ಡೊನಾಲ್ಡ್ ಟ್ರಂಪ್ ಪ್ರತೀಕಾರದ ಕ್ರಮ ತೆಗೆದುಕೊಂಡಿದ್ದು ಈ ಕ್ರಮವನ್ನು ಚೀನಾ ಸೇರಿದಂತೆ ವಿಶ್ವ ರಾಷ್ಟ್ರಗಳು ತೀವ್ರವಾಗಿ ಖಂಡಿಸಿವೆ.

ಮಡುರೊ ಅವರನ್ನು ತಕ್ಷಣವೇ ಬಿಡುಗಡೆಗೊಳಿಸಬೇಕು, ಮಾತುಕತೆ ಮೂಲಕ ಸಮಸ್ಯೆ ಬಗೆಹರಿಸಿಕೊಳ್ಳುವಂತೆ ಚೀನಾ ಒತ್ತಾಯಿಸಿದೆ. ಶನಿವಾರ ರಾತ್ರಿ 12 ಹೆಲಿಕಾಪ್ಟರ್ ಗಳಲ್ಲಿ ಬಂದಿದ್ದ ಅಮೆರಿಕದ ಭದ್ರತಾ ಪಡೆಗಳು ನೇರವಾಗಿ ಕಾರ್ಯಾಚರಣೆ ನಡೆಸಿದ್ದು ಮಡುರೋ ಅವರ ನೆಲೆಯನ್ನು ಪತ್ತೆ ಮಾಡಿ ಬಂಧನ ಮಾಡಿವೆ.‌ ವೆನಿಜುವೆಲಾ ಭದ್ರತಾ ಪಡೆಗಳು ಏನಾಗುತ್ತಿದೆ ಎಂದು ಊಹಿಸುವಷ್ಟರಲ್ಲಿ ಮಡುರೋ ಅವರನ್ನು ಅಮೆರಿಕಾ ವಶಕ್ಕೆ ಪಡೆದು ಹೊತ್ತೊಯ್ದಿತ್ತು.

ಇತ್ತ ವೆನಿಜುವೆಲಾದ ಹಂಗಾಮಿ ಅಧ್ಯಕ್ಷರಾಗಿ ಡೆಲ್ಸಿ ರೊಡ್ರಿಗಸ್ ನೇಮಕವಾಗಿದ್ದಾರೆ. ಶನಿವಾರ ರಾತ್ರಿ ವೆನುಜುವೆಲಾದ ರಾಜಧಾನಿ ಕ್ಯಾರಕಸ್‌ ಮೇಲೆ ದಾಳಿ ನಡೆಸಿದ ಕೆಲವೇ ಗಂಟೆಗಳಲ್ಲಿ ತನ್ನ ಮನೆಯಲ್ಲಿದ್ದ ಅಧ್ಯಕ್ಷ ನಿಕೋಲಸ್‌ ಮಡುರೊ ಅವರನ್ನು ವಶಕ್ಕೆ ಪಡೆಯಲಾಗಿತ್ತು.

ಅಮೆರಿಕಾದ ಕ್ರಮ ಅಂತರಾಷ್ಟ್ರೀಯ ಕಾನೂನನ್ನು ಗಂಭೀರವಾಗಿ ಉಲ್ಲಂಘಿಸುತ್ತದೆ. ವೆನಿಜುವೆಲಾದ ಸಾರ್ವಭೌಮತ್ವಕ್ಕೆ ಧಕ್ಕೆ ತರುತ್ತದೆ. ಅಲ್ಲದೆ, ಲ್ಯಾಟಿನ್ ಅಮೆರಿಕಾ ಮತ್ತು ಕೆರಿಬಿಯನ್ ಪ್ರದೇಶದಲ್ಲಿ ಶಾಂತಿ ಮತ್ತು ಭದ್ರತೆಗೆ ಬೆದರಿಕೆ ಒಡ್ಡುತ್ತದೆ. ಅಮೆರಿಕವು ವಿಶ್ವಸಂಸ್ಥೆಯ ಧ್ಯೇಯ ಮತ್ತು ತತ್ವಗಳಿಗೆ ಬದ್ಧವಾಗಿರಬೇಕು. ಇತರ ದೇಶಗಳ ಸಾರ್ವಭೌಮತ್ವ ಉಲ್ಲಂಘಿಸುವುದನ್ನು ನಿಲ್ಲಿಸಬೇಕು" ಎಂದು ಚೀನಾ ಒತ್ತಾಯಿಸಿದೆ.

ಮಡುರೊ ಮಾದಕ ವಸ್ತು ಕಳ್ಳಸಾಗಣೆ ಜಾಲದ ಮುಖ್ಯಸ್ಥರಾಗಿ ನಾರ್ಕೋ ಟೆರರಿಸಂನಲ್ಲಿ ತೊಡಗಿಕೊಂಡಿದ್ದಾರೆ ಎಂದು ಆರೋಪಿಸಿರುವ ಅಮೆರಿಕಾ ಅಧ್ಯಕ್ಷ ಟ್ರಂಪ್, ಅಮೆರಿಕಕ್ಕೆ ಅಕ್ರಮ ವಲಸೆ ಹೆಚ್ಚಾಗಲು ಇವರೇ ಕಾರಣ. ಮಡುರೊ ಅಧಿಕಾರದಲ್ಲಿ ಇರುವುದೇ ಅಕ್ರಮ ಎಂದು ಆರೋಪಿಸಿದ್ದು ಮಡುರೊ ಅವರನ್ನು ಅಪರಾಧಿಯಂತೆ ಕೈಗೆ ಕೋಳ ಹಾಕಿ ಬಂಧಿಸಿಟ್ಟಿದೆ.

In a dramatic overnight operation, US security forces allegedly entered Venezuela, detained President Nicolás Maduro and his wife, and transported them to New York, sparking international condemnation. China and several world nations denounced the move as a blatant violation of international law and Venezuelan sovereignty, demanding Maduro’s immediate release and urging dialogue. Following the incident, Delsy Rodríguez has been named interim president, while Washington accuses Maduro of leading a major narco-terrorism network and fueling illegal migration into the US.