ಬ್ರೇಕಿಂಗ್ ನ್ಯೂಸ್
09-09-20 03:34 pm Headline Karnataka News Network ಕ್ರೈಂ
ಇಂದೋರ್, ಸೆಪ್ಟಂಬರ್ 8: ವಿಡಿಯೋ ಗೇಮ್ ಆಟ ಕೆಲವೊಮ್ಮೆ ಮಕ್ಕಳನ್ನು ಯಾವ ಕೃತ್ಯಕ್ಕೂ ಇಳಿಸಬಲ್ಲದು ಅನ್ನೋದಕ್ಕೆ ಈ ಘಟನೆಯೇ ಸಾಕ್ಷಿ. ಇದು ನಡೆದಿರೋದು ರಾಜಸ್ಥಾನದ ಇಂದೋರ್ ನಲ್ಲಿ. ಅಲ್ಲೊಬ್ಬ ಹನ್ನೊಂದು ವರ್ಷದ ಹುಡುಗ ಹತ್ತರ ಹರೆಯದ ಬಾಲಕಿಯನ್ನು ಕಲ್ಲು ಎತ್ತಿ ಹಾಕಿ ಕೊಂದು ಹಾಕಿದ್ದಾನೆ. ಕೃತ್ಯಕ್ಕೆ ಕಾರಣ ಆಗಿದ್ದು ಹುಡುಗ- ಹುಡುಗಿ ನಡುವಿನ ವಿಡಿಯೋ ಗೇಮ್ ಆಟದ ವೈರತ್ವ ಅಂದರೆ ಯಾರು ನಂಬಲಿಕ್ಕಿಲ್ಲ.
ಹೌದು... ಇತ್ತೀಚೆಗೆ ಮನೆಯಿಂದ ಹೂವು ತರಲೆಂದು ಅಂಗಡಿಗೆ ಹೋಗಿದ್ದ ಹುಡುಗಿ ಮನೆಗೆ ಬಂದಿರಲಿಲ್ಲ. ಸಂಜೆಯಾದ್ರೂ ಮಗಳು ಬಾರದ್ದನ್ನು ಕಂಡು ಮನೆಯವರು ಗಾಬರಿಯಿಂದ ಹುಡುಕಾಡಿದ್ದಾರೆ. ಆದರೆ, ಮನೆಯಿಂದ ತುಸು ತೂರದಲ್ಲಿ ಬಾಲಕಿಯ ಶವ ಪತ್ತೆಯಾಗಿತ್ತು. ಬಾಲಕಿಯ ಮುಖ ಜಜ್ಜಿಹೋಗಿದ್ದು, ರಕ್ತ ಸೋರಿಕೆಯಾಗಿ ಸಾವು ಕಂಡಿದ್ದಳು. ಅದರಂತೆ, ಬಾಲಕಿಯ ತಂದೆ ಪೊಲೀಸ್ ದೂರು ಕೊಟ್ಟಿದ್ದರು. ಸ್ಥಳಕ್ಕೆ ಬಂದ ಪೊಲೀಸರು ಮನೆಯ ಆವರಣದಲ್ಲಿನ ಸಿಸಿಟಿವಿ ಪರಿಶೀಲನೆ ನಡೆಸಿದ್ದಾರೆ. ಕೊನೆಯ ಬಾರಿಗೆ ಹುಡುಗಿಯ ಜೊತೆ ಆರೋಪಿ ಹುಡುಗ ಇದ್ದುದನ್ನು ಸಿಸಿಟಿವಿಯಲ್ಲಿ ಪೊಲೀಸರು ಗಮನಿಸಿದ್ದಾರೆ. ಅದರಂತೆ, ಆಸುಪಾಸಿನ ಮಕ್ಕಳನ್ನು ಕರೆದು ಪೊಲೀಸರು ವಿಚಾರಣೆ ನಡೆಸಿದ್ದಾರೆ. ಅದರಲ್ಲಿ ಒಬ್ಬಾತ, 11 ವರ್ಷದ ಹುಡುಗನೊಬ್ಬನ ಮೈಯಲ್ಲಿ ರಕ್ತದ ಕಲೆಗಳಿದ್ದುದನ್ನು ಕಂಡಿದ್ದಾಗಿ ಹೇಳಿದ್ದ. ಪೊಲೀಸರು ಸಂಶಯದಿಂದ ಸದ್ರಿ ಹುಡುಗನನ್ನು ಠಾಣೆಗೆ ಕರೆದೊಯ್ದು ಪ್ರಶ್ನೆ ಮಾಡಿದ್ದಾರೆ. ಪೊಲೀಸ್ ವಿಚಾರಣೆಯಲ್ಲಿ ಹುಡುಗ ಸತ್ಯ ಬಾಯಿಬಿಟ್ಟಿದ್ದಾನೆ.
5ನೇ ಕ್ಲಾಸ್ ಓದ್ತಿದ್ದ ಹುಡುಗಿ ಮತ್ತು 6ನೇ ತರಗತಿ ಓದುತ್ತಿದ್ದ ಬಾಲಕ ಇಬ್ಬರು ಆನ್ ಲೈನ್ ವಿಡಿಯೋ ಗೇಮ್ ಆಡುತ್ತಿದ್ದರು. ಫ್ರೀ ಫೈರ್ ಎನ್ನುವ ಆಟದಲ್ಲಿ ಪ್ರತಿ ಬಾರಿ ಹುಡುಗಿಯೇ ಗೆಲ್ಲುತ್ತಿದ್ದಳು. ಅಲ್ಲದೆ, ಹುಡುಗಿಯ ಸೋದರನ ಜೊತೆ ಆಡವಾಡಿದ್ರೂ ಆತನಿಗೆ ಸಹಾಯ ಮಾಡಿ ಈತನನ್ನು ಸೋಲುವಂತೆ ಮಾಡುತ್ತಿದ್ದಳು ಎಂಬ ಸಿಟ್ಟು ಹುಡುಗನಲ್ಲಿತ್ತು. ಇದೇ ಕಾರಣಕ್ಕೆ ಇವರಿಬ್ಬರೂ ಜಗಳ ಮಾಡಿಕೊಂಡಿದ್ದರು. ಅದಕ್ಕೂ ಮುನ್ನ ಆರೋಪಿ ಹುಡುಗನ ಬಳಿಯಿದ್ದ ಬಿಳಿ ಮೊಲವೊಂದು ಕಾಣೆಯಾಗಿತ್ತು. ಮೊಲ ಕಾಣೆಯಾದ ಬಳಿಕ ಅದೇ ಹುಡುಗಿ ಹೊತ್ತೊಯ್ದಿರಬೇಕು. ಅದನ್ನು ಕೊಂದಿರಬೇಕು ಎಂದು ಬಾಲಕ ಸಂಶಯ ಪಟ್ಟಿದ್ದ. ಆದರೆ, ಹುಡುಗಿ ಮಾತ್ರ ಮೊಲವನ್ನು ನಾನು ಕೊಂದಿಲ್ಲ. ಅದರ ಬಗ್ಗೆ ಗೊತ್ತೇ ಇಲ್ಲ ಎನ್ನುತ್ತಿದ್ದಳು. ಮೊಲ ಮತ್ತು ವಿಡಿಯೋ ಗೇಮ್ ಆಟದ ವಿಚಾರ ಇಬ್ಬರಲ್ಲೂ ದ್ವೇಷ ಮೂಡಿಸಿತ್ತು. ಒಂದು ದಿನ ಸಂಜೆ ಹೊತ್ತಿಗೆ ಮನೆಯಿಂದ ತುಸು ದೂರದಲ್ಲಿ ಒಬ್ಬಂಟಿಯಾಗಿ ನಡೆದು ಹೋಗುತ್ತಿದ್ದ ಹುಡುಗಿ ಕಂಡಿದ್ದಾಳೆ. ಅಲ್ಲಿ ಹೋಗಿ ಜಗಳವಾಡಿದ್ದ ಹುಡುಗ, ಬಾಲಕಿಯ ಮೇಲೆ ಕಲ್ಲು ಎಸೆದಿದ್ದಾನೆ. ಅಡ್ಡ ಬಿದ್ದ ಮೇಲೂ ಬಾಲಕಿಯ ಮುಖಕ್ಕೆ ಕಲ್ಲು ಎಸೆದು ಅಲ್ಲಿಂದ ಮನೆಗೆ ಓಡಿ ಹೋಗಿದ್ದ. ಆದರೆ, ನೆಲಕ್ಕೆ ಬಿದ್ದ ಹುಡುಗಿ ರಕ್ತ ಸೋರಿಕೆಯಾಗಿ ಅಲ್ಲಿಯೇ ಸಾವನ್ನಪ್ಪಿದ್ದಳು. ಪೊಲೀಸ್ ವಿಚಾರಣೆಯಲ್ಲಿ ಹುಡುಗ ಎಲ್ಲವನ್ನೂ ಬಾಯಿ ಬಿಟ್ಟಿದ್ದಾನೆ. ಆದರೆ, ಬಾಲಕಿಯ ಹೆತ್ತವರಿಗೆ ಮಾತ್ರ ಇದನ್ನು ಒಪ್ಪಲು ತಯಾರಿಲ್ಲ. ಈ ಕೃತ್ಯವನ್ನು ಸಣ್ಣ ಹುಡುಗ ಮಾಡಲು ಸಾಧ್ಯವಿಲ್ಲ. ದೊಡ್ಡವರ ಕೈವಾಡ ಇರಬಹುದು ಎಂದು ಶಂಕಿಸಿದ್ದಾರೆ. ಹತ್ತು ವರ್ಷದ ಸಣ್ಣ ಹುಡುಗಿಯಾಗಿದ್ದರಿಂದ ಕಲ್ಲು ತಲೆಗೆ ಬಿದ್ದುದರಿಂದ ಸ್ಥಳದಲ್ಲಿಯೇ ಸಾವು ಕಂಡಿದ್ದಳು ಎನ್ನೋದು ಪೊಲೀಸರ ಹೇಳಿಕೆ.
ಏನೇ ಆದ್ರೂ ವಿಡಿಯೋ ಗೇಮ್ ಆಟ ಮಕ್ಕಳನ್ನು ಯಾವ ಮಟ್ಟಕ್ಕೂ ಇಳಿಸುತ್ತೆ ಅನ್ನುವುದಕ್ಕೆ ಇದಕ್ಕಿಂತ ದೊಡ್ಡ ನಿದರ್ಶನ ಬೇಕಿಲ್ಲ. ಇನ್ನಾದ್ರೂ ಆನ್ಲೈನ್ ಆಟದಲ್ಲಿ ಲೀನವಾಗುವ ಮಕ್ಕಳ ಮೇಲೆ ಹೆತ್ತವರು ನಿಗಾ ಇಡಿ.
23-10-25 03:42 pm
HK News Desk
ಪಿಜಿಯಲ್ಲಿ ತಿಗಣೆ ಔಷಧಿ ದುರ್ವಾಸನೆಗೆ ವಿದ್ಯಾರ್ಥಿ ಬ...
23-10-25 12:46 pm
ಸಿಎಂ ಸ್ಥಾನಕ್ಕೆ ಸತೀಶ್ ಜಾರಕಿಹೊಳಿ ಅರ್ಹ ವ್ಯಕ್ತಿ ;...
22-10-25 08:12 pm
ರಾಜ್ಯದ ಸಂಪನ್ಮೂಲವನ್ನು ಹೈಕಮಾಂಡ್ ಸಮರ್ಪಣಾಮಸ್ತು ಮಾ...
21-10-25 11:01 pm
Dharmasthala Case, CM Siddaramaiah: ಧರ್ಮಸ್ಥಳ...
21-10-25 09:45 pm
23-10-25 03:39 pm
HK News Desk
ಶಬರಿಮಲೆಗೆ ಭೇಟಿಯಿತ್ತ ಮೊದಲ ಮಹಿಳಾ ರಾಷ್ಟ್ರಪತಿ ; ಪ...
22-10-25 10:56 pm
ರಾಷ್ಟ್ರಪತಿ ಮುರ್ಮು ಶಬರಿಮಲೆಗೆ ; ಹೆಲಿಪ್ಯಾಡ್ ನಲ್ಲ...
22-10-25 10:23 pm
ಜೈಶ್ ಮಹಿಳಾ ಉಗ್ರರಿಂದ ಆನ್ಲೈನ್ ತರಬೇತಿ ಕೋರ್ಸ್ ; ಜ...
22-10-25 05:45 pm
ಡ್ರೆಸ್ಸಿಂಗ್ ರೂಮಿನಲ್ಲಿ ಇಸ್ಲಾಂ ಪ್ರಚಾರ ಮಾಡಿದ್ದಕ...
21-10-25 03:11 pm
23-10-25 07:35 pm
Mangalore Correspondent
ಜಾನುವಾರು ಸಾಗಾಟಕ್ಕೆ ಪೊಲೀಸರ ತಡೆ ; ಲಾರಿಯಿಂದ ಹಗ್ಗ...
22-10-25 09:55 pm
ಗಟ್ಟಿಯವರ ಆಯುಷ್ಯ ಗಟ್ಟಿಯಿದೆ! ದೇರಳಕಟ್ಟೆ ವೈದ್ಯರು...
22-10-25 04:30 pm
ಮೋದಿ ಸರ್ಕಾರದ ಜಿಎಸ್ಟಿ ಸುಧಾರಣೆಗಳ ಬಗ್ಗೆ ಸಿದ್ದರಾಮ...
21-10-25 09:49 pm
Ashok Rai Puttur: 10 ಸಾವಿರ ಕುರ್ಚಿ ಹಾಕಿ ಒಂದು ಲ...
21-10-25 07:32 pm
23-10-25 06:53 pm
Mangalore Correspondent
Dj Halli Inspector Sunil, Rape: ಠಾಣೆಗೆ ಬಂದಿದ್...
23-10-25 05:20 pm
Puttur, Illegal cattle transport, Arrest: ಗೋಪ...
22-10-25 11:51 am
Mulki Fraud, Mangalore Police: ಹಣ ಡಬಲ್ ಆಮಿಷದಲ...
21-10-25 10:51 pm
ಅಭಿಷೇಕ್ ಹನಿಟ್ರ್ಯಾಪ್ ಕೇಸ್ ; ನ್ಯಾಯಕ್ಕಾಗಿ ಜಾಲತಾಣ...
21-10-25 08:24 pm