Idli Guru, Franchise Fraud, Owner Karthik Shetty Arrest: ‘ಇಡ್ಲಿ ಗುರು’ ಮೇಲೆ ಮುಂಬೈನಲ್ಲೂ ಮೋಸದ ಪ್ರಕರಣ ; ಫ್ರಾಂಚೈಸಿ ಕೊಡಿಸುತ್ತೇನೆಂದು ಚಿತ್ರ ನಿರ್ಮಾಪಕರಿಂದ 28 ಲಕ್ಷ ರೂ. ಪಡೆದು ಮೋಸ

ಬ್ರೇಕಿಂಗ್ ನ್ಯೂಸ್

Congress Harish Kumar, Kudupu Murder case, Mangalore: ಗುಂಪು ಹತ್ಯೆ ಪ್ರಕರಣ ; ಇನ್ಸ್ ಪೆಕ್ಟರ್ ವಿರುದ್ಧ ಕ್ರಮಕ್ಕೆ ಆಗ್ರಹ, ಬಿಜೆಪಿ ಮುಖಂಡನ ಪಿತೂರಿಯಿಂದಲೇ ಕೃತ್ಯ, ಪೊಲೀಸ್ ವೈಫಲ್ಯ ಎಂದ ಕಾಂಗ್ರೆಸ್ ಜಿಲ್ಲಾಧ್ಯಕ್ಷರಿಗೆ ತರಾಟೆ ! | Kudupu Murder Case, SDPI, Ravindra Nayak: ಗುಂಪು ಹತ್ಯೆ ಪ್ರಕರಣ ಮುಚ್ಚಿ ಹಾಕಲು ಗೃಹ ಸಚಿವರು ಬೇಜವಾಬ್ದಾರಿ ಹೇಳಿಕೆ ನೀಡಿದ್ದಾರೆ ; ಎಸ್ಡಿಪಿಐ ಆರೋಪ | Nidhi Land Developers, Mangalore, Sky Garden: ಚಿಲಿಂಬಿಯಲ್ಲಿ ನಿಧಿ ಲ್ಯಾಂಡ್ ಸಂಸ್ಥೆಯ ‘’ಸ್ಕೈ ಗಾರ್ಡನ್ ’’ ಗಗನಚುಂಬಿ ಅಪಾರ್ಟ್ಮೆಂಟ್ ಕಟ್ಟಡಕ್ಕೆ ಶಿಲಾನ್ಯಾಸ |

Idli Guru, Franchise Fraud, Owner Karthik Shetty Arrest: ‘ಇಡ್ಲಿ ಗುರು’ ಮೇಲೆ ಮುಂಬೈನಲ್ಲೂ ಮೋಸದ ಪ್ರಕರಣ ; ಫ್ರಾಂಚೈಸಿ ಕೊಡಿಸುತ್ತೇನೆಂದು ಚಿತ್ರ ನಿರ್ಮಾಪಕರಿಂದ 28 ಲಕ್ಷ ರೂ. ಪಡೆದು ಮೋಸ

09-12-24 10:12 pm HK News Desk ದೇಶ - ವಿದೇಶ

ಬೆಂಗಳೂರಿನ ಪ್ರಖ್ಯಾತ ‘ಇಡ್ಲಿ ಗುರು’ ಬ್ರಾಂಡಿನ ಸ್ಥಾಪಕ ಕಾರ್ತಿಕ್ ಶೆಟ್ಟಿ ವಿರುದ್ಧ ಮುಂಬೈನಲ್ಲಿ ಚಿತ್ರ ನಿರ್ಮಾಪಕರೊಬ್ಬರಿಗೆ ಇಡ್ಲಿ ಫ್ರಾಂಚೈಸಿ ಮಾಡಿಕೊಡುತ್ತೇನೆಂದು ಹೇಳಿ 28 ಲಕ್ಷ ರೂಪಾಯಿ ಪಡೆದು ಮೋಸ ಮಾಡಿರುವ ಬಗ್ಗೆ ಪ್ರಕರಣ ದಾಖಲಾಗಿದೆ.

ಮುಂಬೈ, ಡಿ.9: ಬೆಂಗಳೂರಿನ ಪ್ರಖ್ಯಾತ ‘ಇಡ್ಲಿ ಗುರು’ ಬ್ರಾಂಡಿನ ಸ್ಥಾಪಕ ಕಾರ್ತಿಕ್ ಶೆಟ್ಟಿ ವಿರುದ್ಧ ಮುಂಬೈನಲ್ಲಿ ಚಿತ್ರ ನಿರ್ಮಾಪಕರೊಬ್ಬರಿಗೆ ಇಡ್ಲಿ ಫ್ರಾಂಚೈಸಿ ಮಾಡಿಕೊಡುತ್ತೇನೆಂದು ಹೇಳಿ 28 ಲಕ್ಷ ರೂಪಾಯಿ ಪಡೆದು ಮೋಸ ಮಾಡಿರುವ ಬಗ್ಗೆ ಪ್ರಕರಣ ದಾಖಲಾಗಿದೆ.

2024ರ ಜನವರಿ ತಿಂಗಳಲ್ಲಿ ಅಂಧೇರಿಯ ಚಿತ್ರ ನಿರ್ಮಾಪಕ ಆದಿತ್ಯ ಕಪೂರ್ ಅವರನ್ನು ಕಾರ್ತಿಕ್ ಶೆಟ್ಟಿ ಭೇಟಿಯಾಗಿದ್ದರು. ಇಡ್ಲಿ ಗುರು ಹೊಟೇಲಿಗೆ ತೆರಳಿದ್ದಾಗ ಫ್ರಾಂಚೈಸಿ ಮಾಡಿಕೊಡುವ ಬಗ್ಗೆ ಆಫರ್ ಮಾಡಿದ್ದರು. ಆದಿತ್ಯ ಕಪೂರ್ ತನ್ನ ತಂದೆ ಕೊಲ್ಕತ್ತಾದಲ್ಲಿದ್ದು, ಅವರನ್ನು ಸಂಪರ್ಕಿಸಿ ಇಡ್ಲಿ ಗುರು ಬಗ್ಗೆ ತಿಳಿಸಿದ್ದರು. ತಂದೆಯೇ ಸ್ವತಃ ಕೊಲ್ಕತ್ತಾದಲ್ಲಿ ಹೊಟೇಲ್ ಸ್ಥಾಪನೆ ಬಗ್ಗೆ ಕೇಳಿದಾಗ, ನಿರಾಕರಿಸಿದ್ದ ಕಾರ್ತಿಕ್ ಶೆಟ್ಟಿ ಮುಂಬೈನಲ್ಲಿ ಫ್ರಾಂಚೈಸಿ ಮಾಡಿಕೊಡುತ್ತೇನೆಂದು ಒಪ್ಪಿಗೆ ನೀಡಿದ್ದರು.

ಆದಿತ್ಯ ಕಪೂರ್ ಮತ್ತು ಅವರ ತಂದೆ ಸೇರಿ ಕಾರ್ತಿಕ್ ಶೆಟ್ಟಿ ಮತ್ತು ಅವರ ಪತ್ನಿ ಮಂಜುಳಾ ಶೆಟ್ಟಿ ಅವರನ್ನು ಭೇಟಿಯಾಗಿ ಮುಂಬೈನಲ್ಲಿ ಹೊಟೇಲ್ ಆರಂಭಿಸುವುದಕ್ಕೆ ಮಾತುಕತೆ ನಡೆಸಿದ್ದರು. ಈ ಸಂದರ್ಭದಲ್ಲಿ ಫ್ರಾಂಚೈಸಿ ಹಾಕಲು 28-30 ಲಕ್ಷ ಬೇಕಾಗಬಹುದು ಎಂದು ಕಾರ್ತಿಕ್ ಶೆಟ್ಟಿ ಹೇಳಿದ್ದರು. ಅದರಂತೆ, ಕಪೂರ್ ಫ್ಯಾಮಿಲಿ ಮೊದಲಿಗೆ 20 ಲಕ್ಷ ರೂ. ಕೊಟ್ಟು 3.6 ಲಕ್ಷ ರೂ.ವನ್ನು ಗೂಡ್ಸ್ ಮತ್ತು ಸರ್ವಿಸ್ ಟ್ಯಾಕ್ಸ್ ರೂಪದಲ್ಲಿ ನೀಡಿದ್ದರು.

ಆದಿತ್ಯ ಕಪೂರ್ ಬಳಿಕ ಮುಂಬೈನ ಜೋಗೇಶ್ವರಿಯ ಓಶಿವಾರಾದ ನ್ಯೂಲಿಂಕ್ ರೋಡ್ ನಲ್ಲಿ ಬಾಡಿಗೆ ಕೊಠಡಿ ಪಡೆದು ಶಾಪ್ ಹಾಕಲು ರೆಡಿ ಮಾಡಿಕೊಂಡಿದ್ದರು. ಫ್ರಾಂಚೈಸಿ ಪಡೆಯುವುದಕ್ಕೆ ಅಗ್ರೀಮೆಂಟನ್ನೂ ಮಾಡಿಕೊಂಡಿದ್ದರು. ಆನಂತರ ಶಾಪ್ ನಲ್ಲಿ ಫರ್ನಿಚರ್ ಇನ್ನಿತರ ಕೆಲಸಕ್ಕೆಂದು ಒಟ್ಟು 28.6 ಲಕ್ಷ ರೂಪಾಯಿ ಮೊತ್ತ ನೀಡಿದ್ದರು. ಆದರೆ, ಕಾರ್ತಿಕ್ ಶೆಟ್ಟಿ ಆನಂತರ ಆದಿತ್ಯ ಕಪೂರ್ ಅವರ ಫೋನ್ ಕರೆಯನ್ನೇ ಸ್ವೀಕರಿಸದೆ ನಿರ್ಲಕ್ಷ್ಯ ಮಾಡಿದ್ದರು. ಫೋನ್, ಮೆಸೇಜಿಗೆ ಉತ್ತರಿಸದೆ ಮೋಸ ಮಾಡಿರುವುದು ಅರಿವಾಗುತ್ತಲೇ ಆದಿತ್ಯ ಕಪೂರ್ ಆನ್ಲೈನಲ್ಲಿ ಕಾರ್ತಿಕ್ ಶೆಟ್ಟಿ ಬಗ್ಗೆ ಸರ್ಚ್ ಮಾಡಿದಾಗ, ಬೆಂಗಳೂರು ಸೇರಿದಂತೆ ಹಲವು ಕಡೆಗಳಲ್ಲಿ ಮೋಸ ಎಸಗಿರುವ ಬಗ್ಗೆ ಪ್ರಕರಣ ದಾಖಲಾಗಿರುವುದು ಪತ್ತೆಯಾಗಿತ್ತು.

ಆನಂತರ, ಮಾರ್ಚ್ ತಿಂಗಳಲ್ಲಿ ಕಾರ್ತಿಕ್ ಶೆಟ್ಟಿ ಸ್ವತಃ ಆದಿತ್ಯ ಕಪೂರ್ ಅವರನ್ನು ಸಂಪರ್ಕಿಸಿ, 5 ಲಕ್ಷದ ಚೆಕ್ ಕೊಟ್ಟು ನನ್ನ ಮೇಲೆ ದಾಖಲಾಗಿರುವ ಕೇಸುಗಳು ಸುಳ್ಳು. ಅವೆಲ್ಲ ಈಗ ಇಲ್ಲ ಎಂದು ಹೇಳಿ ನಂಬಿಸಿದ್ದಾರೆ. ಆದರೆ ಕಪೂರ್ ಆ ಚೆಕ್ಕನ್ನು ಬ್ಯಾಂಕಿಗೆ ಹಾಕಿದಾಗ, ಬೌನ್ಸ್ ಆಗಿತ್ತು. ಆದಿತ್ಯ ಕಪೂರ್ ತನಗೆ ಮೋಸ ಆಗಿರುವ ಬಗ್ಗೆ ಕಾರ್ತಿಕ್ ಶೆಟ್ಟಿ ವಿರುದ್ಧ ಓಶಿವಾರಾ ಪೊಲೀಸ್ ಠಾಣೆಗೆ ದೂರು ನೀಡಿದ್ದಾರೆ. ಬೆಂಗಳೂರಿನಲ್ಲಿ ಇದೇ ಮಾದರಿಯಲ್ಲಿ ಹತ್ತಕ್ಕೂ ಹೆಚ್ಚು ಮಂದಿಗೆ ಮೋಸ ಎಸಗಿರುವ ಬಗ್ಗೆ ಕಾರ್ತಿಕ್ ಶೆಟ್ಟಿ ಅವರನ್ನು ಪೊಲೀಸರು ವಶಕ್ಕೆ ಪಡೆದು ವಿಚಾರಣೆ ನಡೆಸಿದ್ದರು.

Bangalore Idli guru Franchise fraud to movie director in Mumbai, case filed against Karthik Shetty over cheating. Karthik B Shetty, the founder of ‘Idly Guru,’ has been booked by the Oshiwara Police for allegedly defrauding a filmmaker of Rs. 28 lakhs under the pretext of providing a franchise of Idly Guru.