ಬ್ರೇಕಿಂಗ್ ನ್ಯೂಸ್
ಪಡಿತರ ಅಕ್ಕಿಗೆ ಪಾಲಿಶ್ ಮಾಡಿ ವಿದೇಶಕ್ಕೆ ರಫ್ತು, ಮಂಡ್ಯದಲ್ಲಿ ಭಾರೀ ಅಕ್ರಮ ಜಾಲ ಪತ್ತೆ , ಸಾವಿರಾರು ಕ್ವಿಂಟಾಲ್ ಅಕ್ಕಿ ವಶಕ್ಕೆ, 10ಕ್ಕೂ ಹೆಚ್ಚು ಬ್ರಾಂಡೆಡ್ ಚೀಲ ಪತ್ತೆ !
21-11-21 02:24 pm HK News Desk ಕ್ರೈಂ
ಮಂಡ್ಯ, ನ.21: ಪಡಿತರ ಅಕ್ಕಿಯನ್ನು ಅಕ್ರಮವಾಗಿ ಖಾಸಗಿ ರೈಸ್ ಮಿಲ್ಲಿಗೆ ತಂದು, ಅಲ್ಲಿ ಪಾಲಿಶ್ ಮಾಡಿ ವಿದೇಶಕ್ಕೆ ರಫ್ತು ಮಾಡುತ್ತಿದ್ದ ಭಾರೀ ದೊಡ್ಡ ಜಾಲವನ್ನು ಮಂಡ್ಯ ಜಿಲ್ಲೆಯಲ್ಲಿ ಪತ್ತೆ ಮಾಡಲಾಗಿದೆ.
ಮಂಡ್ಯ ನಗರದ ತಹಸೀಲ್ದಾರ್ ಚಂದ್ರಶೇಖರ್ ಖಚಿತ ಮಾಹಿತಿ ಮೇರೆಗೆ ನಿನ್ನೆ ರಾತ್ರಿ ಪೊಲೀಸರೊಂದಿಗೆ ದಾಳಿ ನಡೆಸಿದ್ದು, ಸಾವಿರಕ್ಕೂ ಹೆಚ್ಚು ಕ್ವಿಂಟಾಲ್ ಪಡಿತರ ಅಕ್ಕಿಯನ್ನು ಪತ್ತೆ ಮಾಡಿದ್ದಾರೆ. ಮಂಡ್ಯ ಪೇಟೆಯ ಬಾಲಾಜಿ ರೈಸ್ ಮಿಲ್ ನಲ್ಲಿ ಈ ರೀತಿಯ ಭಾರೀ ಅಕ್ರಮ ಬೆಳಕಿಗೆ ಬಂದಿದ್ದು ಬಡವರಿಗೆ ಪಡಿತರ ಅಂಗಡಿಯಲ್ಲಿ ಪೂರೈಸಲಾಗುವ ಅಕ್ಕಿಯನ್ನು ನೇರವಾಗಿ ರೈಸ್ ಮಿಲ್ಲಿಗೆ ತರುತ್ತಿರುವುದು ಕಂಡುಬಂದಿದೆ.
ಮೂರು ಕಂಟೈನರ್ ಲಾರಿಗಳಲ್ಲಿ ಕೇಂದ್ರ ಸರಕಾರದ ಸೀಲ್ ಹಾಕಿರುವ ಗೋಣಿಗಳಲ್ಲಿ ಅಕ್ಕಿ ಮೂಟೆ ಕಂಡುಬಂದಿದ್ದು, ಆಂಧ್ರಪ್ರದೇಶದ ಲಾರಿಗಳಲ್ಲಿ ಅಕ್ಕಿಯನ್ನು ತರಲಾಗಿತ್ತು. ರಾತ್ರೋರಾತ್ರಿ ಅಧಿಕಾರಿಗಳು ಪೊಲೀಸರ ಜೊತೆಗೆ ದಾಳಿ ನಡೆಸುತ್ತಿದ್ದಂತೆ, ಅಲ್ಲಿದ್ದ ಸಿಬಂದಿ, ರೈಸ್ ಮಿಲ್ ಮ್ಯಾನೇಜರ್ ಓಡಿ ತಪ್ಪಿಸಿಕೊಂಡಿದ್ದಾರೆ. ಅಕ್ಕಿ ಮೂಟೆಗಳ ಸಹಿತ ಲಾರಿಗಳನ್ನು ವಶಕ್ಕೆ ಪಡೆದಿದ್ದು, ಸ್ಥಳದಲ್ಲಿ ಶಸ್ತ್ರಸಜ್ಜಿತ ಪೊಲೀಸರನ್ನು ನಿಯೋಜನೆ ಮಾಡಿದ್ದಾರೆ. ಅಲ್ಲದೆ, ರೈಸ್ ಮಿಲ್ಲನ್ನು ಪೂರ್ತಿಯಾಗಿ ಸೀಜ್ ಮಾಡಿದ್ದಾರೆ. ಆಂಧ್ರದಿಂದ ತರಲಾಗಿದ್ದ ಅಕ್ಕಿ ಗೋಣಿಯಲ್ಲಿ AP STATE CIVIL SUPPLIES CO. Ltd. Vijayawada, Sponsored By Govt of India ಎಂದು ಬರೆಯಲಾಗಿತ್ತು.
ಅಲ್ಲದೆ, ರೈಸ್ ಮಿಲ್ ಒಳಗೆ ವಿವಿಧ ಮಾದರಿಯ 12ಕ್ಕೂ ಹೆಚ್ಚು ಬ್ರಾಂಡಿನ ಚೀಲಗಳು ಪತ್ತೆಯಾಗಿವೆ. ಉತ್ತರ ಭಾರತ ಸೇರಿದಂತೆ ಹೊರ ದೇಶಕ್ಕೂ ಇಲ್ಲಿಂದ ಅಕ್ಕಿಯನ್ನು ಹೆಚ್ಚಿನ ದರಕ್ಕೆ ಮಾರಾಟ ಮಾಡಲಾಗುತ್ತಿತ್ತು. ಅಕ್ಕಿಯನ್ನು ಪಾಲಿಶ್ ಮಾಡಿ, ಮತ್ತಷ್ಟು ಬಿಳಿಯಾಗಿಸಿ ಯಾವುದೇ ಪರವಾನಗಿ ಭಾರತದ ಅಕ್ಕಿ ಎಂದು ವಿದೇಶಕ್ಕೆ ಸರಬರಾಜು ಮಾಡಲಾಗುತ್ತಿತ್ತು. ಆಫ್ರಿಕಾ, ಮಲೇಶ್ಯಾ, ಅರಬ್ ರಾಷ್ಟ್ರಗಳಿಗೆ ಇಲ್ಲಿಂದ ಅಕ್ಕಿಯನ್ನು ಪೂರೈಸುತ್ತಿರುವುದು ಮೇಲ್ನೋಟಕ್ಕೆ ಕಂಡುಬಂದಿದೆ.
AFRI KING ಬ್ರಾಂಡಿನಲ್ಲಿ ಇಂಡಿಯನ್ ವೈಟ್ ರೈಸ್ ಹೆಸರಿನ ಚೀಲದಲ್ಲಿ ಟನ್ ಗಟ್ಟಲೆ ಅಕ್ಕಿಯನ್ನು ಮೂಟೆ ಮಾಡಲಾಗಿತ್ತು. ಅದನ್ನು ಲಾರಿಯಲ್ಲಿ ಬೇರೆಡೆಗೆ ಸಾಗಿಸಲು ಯೋಜನೆ ಹಾಕಲಾಗಿತ್ತು. Thaj Mahal ಬ್ರಾಂಡಿನಲ್ಲಿ PJS Gold ಎಂದು ಬರೆದಿರುವ 25 ಕೇಜಿ, 50 ಕೇಜಿಯ ಪ್ಲಾಸ್ಟಿಕ್ ಚೀಲಗಳು ಪತ್ತೆಯಾಗಿವೆ. ಕೆಲವು ಗೋಣಿಗಳಲ್ಲಿ ಆಫ್ರಿಕಾ, ಅರಬ್ ರಾಷ್ಟ್ರಗಳು, ಮಲೇಶ್ಯಾ ಎಂದು ಬರೆದಿದ್ದು, ಅಲ್ಲಿನ ರಾಷ್ಟ್ರಗಳಲ್ಲಿ ಭಾರತದ ಅಕ್ಕಿಯೆಂದು ಮಾರಾಟ ಮಾಡುತ್ತಿರುವ ಅಂಶ ಬಯಲಾಗಿದೆ. ಕೆಲವು ಗೋಣಿ ಚೀಲಗಳಲ್ಲಿ ಅರೇಬಿಕ್ ಭಾಷೆಯಲ್ಲಿ ಅಸಫಾ ಬರೆದಿದ್ದು, ಇಂಗ್ಲಿಷ್ ನಲ್ಲಿ ತಾಜ್, ಇಂಡಿಯನ್, ಪಾವನಿ ಇತ್ಯಾದಿ ಹೆಸರುಗಳನ್ನು ಕೊಟ್ಟು ಹೊಸ ಹೊಸ ಬ್ರಾಂಡ್ ಮಾಡಿದ್ದು ಕಂಡುಬಂದಿದೆ.
ಪಡಿತರ ಅಕ್ಕಿಯನ್ನು ನೇರವಾಗಿ ಇಲ್ಲಿಗೆ ತಂದು, ಅಕ್ರಮವಾಗಿ ವಿದೇಶಕ್ಕೆ ರಫ್ತು ಮಾಡುವ ಉದ್ದೇಶದಿಂದ ಅಕ್ಕಿಯನ್ನು ಮಾರ್ಪಾಡು ಮಾಡಲಾಗುತ್ತಿದೆ ಅನ್ನುವ ಅಂಶ ಮೇಲ್ನೋಟಕ್ಕೆ ತಿಳಿದುಬಂದಿದೆ. ಈ ಬಗ್ಗೆ ಮೇಲಧಿಕಾರಿಗಳಿಗೆ ತಿಳಿಸಲಾಗಿದ್ದು, ಆಹಾರ ಇಲಾಖೆಯ ಆಯುಕ್ತರು ಬಂದು ಕ್ರಮ ಕೈಗೊಳ್ಳಲಿದ್ದಾರೆ ಎಂದು ತಹಸೀಲ್ದಾರ್ ಚಂದ್ರಶೇಖರ್ ತಿಳಿಸಿದ್ದಾರೆ.
Polished rice exported to Abroad illegally racket busted by Mandya Tahsildar thousand quintal rice seized
ಕರ್ನಾಟಕ
19-09-26 05:44 pm
HK News Staffer
B K Hariprasad: ಉಮರ್ ಖಾಲಿದ್ ರಾಷ್ಟ್ರೀಯವಾದಿ ದೇಶ...
17-09-26 04:13 pm
ಚಿತ್ರರಂಗದ ಸಾರ್ವಕಾಲಿಕ ಶ್ರೇಷ್ಠ ನಟ ಅನಂತನಾಗ್ ಗೆ '...
16-09-26 10:40 pm
Tulu Language, Shivraj Tangadagi: ತುಳುವಿಗೆ 2ನ...
16-09-26 01:51 pm
Pradeep Eshwar, Pratap Simha: ಪೊಲೀಸ್ ಠಾಣೆಗೆ...
15-09-26 09:13 pm
ದೇಶ - ವಿದೇಶ
19-09-26 05:40 pm
HK News Staffer
Mamata Banerjee, Sanchita Pradhan, Rejinagar:...
19-09-26 03:37 pm
ಮುಂಬೈನಲ್ಲಿ ಕುಡಿಯುವ ನೀರಿಗೆ ತೀವ್ರ ಬರ ; ಸಮುದ್ರದ...
13-09-26 09:00 pm
80s ಫೋಟೋ ಟ್ರೆಂಡ್ಗೆ ಮಾರುಹೋಗಿದ್ದೀರಾ? ಹುಷಾರ್ ;...
12-09-26 01:10 pm
ಕಾಶ್ಮೀರಿ ಪಂಡಿತರಿಗೆ ಮತ್ತೆ ಬೆದರಿಕೆ ; ಉದ್ಯೋಗ ಬಿಟ...
10-09-26 01:23 pm
ಕರಾವಳಿ
19-09-26 09:54 pm
HK News Staffer
ಬೆಳ್ಳಂಬೆಳಗ್ಗೆ ಮೀನುಗಾರಿಕಾ ಬಂದರಿಗೆ ಸಿಎಂ ಡಿಕೆಶಿ...
19-09-26 10:11 am
ಮಂಗಳೂರಿನಲ್ಲಿ ಮೊದಲ ಸಚಿವ ಸಂಪುಟ ಸಭೆ ; 32,611 ಕೋಟ...
18-09-26 07:30 pm
Puttur Medical College, Dakshina Kannada, Man...
18-09-26 06:08 pm
Tulu second official language: ತುಳುನಾಡಿನ ದಶಕಗ...
18-09-26 04:46 pm
ಕ್ರೈಂ
20-09-26 01:01 pm
HK News Staffer
ಪತಿಯೊಂದಿಗೆ ಜಗಳದ ಸಿಟ್ಟಿನಲ್ಲಿ ಇಬ್ಬರು ಮಕ್ಕಳನ್ನು...
19-09-26 09:57 pm
ಕೋಕಾ ಜಾಮೀನು ಬೆನ್ನಲ್ಲೇ ರೌಡಿಶೀಟರ್ ಭರತ್ ಕುಮ್ಡೇಲು...
19-09-26 09:48 pm
Bangalore,Crime: ಕೋರ್ಟ್ ಕೊಠಡಿಯಲ್ಲೇ ಕುಡಿದು ರಂಪ...
17-09-26 02:22 pm
Bangalore Murder, Crime: ಪ್ರೀತಿಸಿ ಮದುವೆಯಾಗಿದ್...
17-09-26 01:56 pm