ಮಹಾರಾಷ್ಟ್ರ ಬಿಕ್ಕಟ್ಟು ; ಠಾಕ್ರೆ ಬಹುಮತ ಸಾಬೀತಿಗೆ ಜೂನ್ 30ರ ಗಡುವು! ರಾಜ್ಯಪಾಲರ ನಡೆ ವಿರುದ್ಧ ಸುಪ್ರೀಂ ಮೆಟ್ಟಿಲೇರುವ ಸೂಚನೆ

ಬ್ರೇಕಿಂಗ್ ನ್ಯೂಸ್

ಜ.20ರಂದು ಬಿಜೆಪಿಗೆ ನೂತ‌ನ ಅಧ್ಯಕ್ಷರ ಘೋಷಣೆ ; ಅತಿ ಕಿರಿಯ ಸಾರಥಿಯಾಗಿ ನಿತಿನ್ ನವೀನ್ ಆಯ್ಕೆ ಖಚಿತ, ನಾಮಪತ್ರ ಸಲ್ಲಿಕೆಗೆ ವೇಳಾಪಟ್ಟಿ ಪ್ರಕಟ | ಹೇಯ್ ಬೆಂಕಿ ಹಚ್ತೀನಿ.. ನಿಂಗೆ ಚಪ್ಪಲಿಲಿ ಹೊಡಿಸ್ತೀನಿ ; ಪೌರ ಆಯುತ್ತೆಗೆ ಕಾಂಗ್ರೆಸ್ ಮುಖಂಡ ಧಮ್ಕಿ, ಆಡಿಯೋ ವೈರಲ್ ಬೆನ್ನಲ್ಲೇ FIR ದಾಖಲು, ಲೀಡರ್ ಪರಾರಿ, ಕಾರಣ ಕೇಳಿ ಕೆಪಿಸಿಸಿ ನೋಟಿಸ್ ಜಾರಿ ! | ಇಂಗ್ಲಿಷ್ ಮತ್ತು ಯುರೋಪಿಯನ್ ಭಾಷೆಗಳಿಗೂ ಸಂಸ್ಕೃತವೇ ಮೂಲ ; ಇಂಗ್ಲಿಷ್ ಪದಗಳ ಬೇರು ಸಂಸ್ಕೃತದ ಧಾತುಗಳಲ್ಲಿವೆ, ಪಾಶ್ಚಾತ್ಯ ಸಿದ್ಧಾಂತ ಬುಡಮೇಲು ಮಾಡಿದ ಹೊಸ ಸಂಶೋಧನೆ ! |

ಮಹಾರಾಷ್ಟ್ರ ಬಿಕ್ಕಟ್ಟು ; ಠಾಕ್ರೆ ಬಹುಮತ ಸಾಬೀತಿಗೆ ಜೂನ್ 30ರ ಗಡುವು! ರಾಜ್ಯಪಾಲರ ನಡೆ ವಿರುದ್ಧ ಸುಪ್ರೀಂ ಮೆಟ್ಟಿಲೇರುವ ಸೂಚನೆ

29-06-22 01:24 pm HK News Desk ದೇಶ - ವಿದೇಶ

ಮಹಾರಾಷ್ಟ್ರ ರಾಜಕೀಯ ಬಿಕ್ಕಟ್ಟು ಇನ್ನೊಂದು ಮಜಲಿನತ್ತ ಹೊರಳಲು ಸಜ್ಜಾಗಿದೆ.‌ ಉದ್ಧವ್ ಠಾಕ್ರೆ ಸರಕಾರಕ್ಕೆ ಬಹುಮತ ಸಾಬೀತು ಪಡಿಸಲು ರಾಜ್ಯಪಾಲರು ಜೂನ್ 30 ರ ಗಡುವು ನೀಡಿದ್ದಾರೆ.

ಮುಂಬೈ, ಜೂನ್ 29 : ಮಹಾರಾಷ್ಟ್ರ ರಾಜಕೀಯ ಬಿಕ್ಕಟ್ಟು ಇನ್ನೊಂದು ಮಜಲಿನತ್ತ ಹೊರಳಲು ಸಜ್ಜಾಗಿದೆ.‌ ಉದ್ಧವ್ ಠಾಕ್ರೆ ಸರಕಾರಕ್ಕೆ ಬಹುಮತ ಸಾಬೀತು ಪಡಿಸಲು ರಾಜ್ಯಪಾಲರು ಜೂನ್ 30 ರ ಗಡುವು ನೀಡಿದ್ದಾರೆ. ಶಿವಸೇನೆಯ ಬಹುತೇಕ ಶಾಸಕರು ಬಂಡೆದ್ದು ಗುವಾಹಟಿ ಹೋಗಿರುವುದರಿಂದ ಠಾಕ್ರೆ ಸರಕಾರ ಪತನಗೊಳ್ಳುವುದು ಖಾತ್ರಿಯಾಗಿದೆ.

ಬಿಜೆಪಿ ಶಾಸಕಾಂಗ ಪಕ್ಷದ ನಾಯಕ ದೇವೇಂದ್ರ ಫಡ್ನವಿಸ್ ಮಂಗಳವಾರ ರಾಜ್ಯಪಾಲರನ್ನು ಭೇಟಿಯಾಗಿ, ಠಾಕ್ರೆ ಸರಕಾರ ಬಹುಮತ ಕಳಕೊಂಡಿದೆ. ಶಿವಸೇನೆಯ ಶಾಸಕರು ಮಹಾ ವಿಘಾಡಿ ಸರಕಾರದ ಬಗ್ಗೆ ಅಸಮ್ಮತಿ ತೋರಿದ್ದಾರೆ. ಹೀಗಾಗಿ ಬಹುಮತ ಇಲ್ಲದೇ ಇರುವ ಮುಖ್ಯಮಂತ್ರಿಗೆ ಬಹುಮತ ಸಾಬೀತು ಪಡಿಸಲು ಸೂಚನೆ ಕೊಡಬೇಕು ಎಂದು ಮನವಿ ಮಾಡಿದ್ದರು. ಈ ಹಿನ್ನೆಲೆಯಲ್ಲಿ ರಾಜ್ಯಪಾಲ ಭಗತ್ ಸಿಂಗ್ ಕೋಶಿಯಾರಿ, ಜೂನ್ 30 ರಂದು ಒಂದು ದಿನದ ಅಧಿವೇಶನ ಕರೆದು ವಿಶ್ವಾಸ ಮತ ಸಾಬೀತು ಪಡಿಸಲು ಸೂಚಿಸಿದ್ದಾರೆ. ಸಂಜೆ 5 ಗಂಟೆ ಒಳಗೆ ವಿಶ್ವಾಸ ಮತ ಪ್ರಕ್ರಿಯೆ ಮುಗಿಸುವಂತೆ ಸೂಚನೆಯನ್ನೂ ನೀಡಿದ್ದಾರೆ.

Shiv Sena goons assault govt employee for criticising Uddhav Thackeray

ಈ ನಡುವೆ, ಗುವಾಹಟಿಯಿಂದ ಶಿವಸೇನೆಯ ರೆಬೆಲ್ ಶಾಸಕರು ಗೋವಾ ಕಡೆಗೆ ಪ್ರಯಾಣ ಬೆಳಸಲಿದ್ದಾರೆ ಎನ್ನುವ ಮಾಹಿತಿ ಲಭಿಸಿದೆ. ಗೋವಾದ ತಾಜ್ ಹೊಟೇಲ್ ನಲ್ಲಿ‌ ರೂಮ್ ಗಳು ಬುಕ್ ಆಗಿರುವ ಮಾಹಿತಿಯಿದ್ದು ಇನ್ನೊಂದಷ್ಟು ದಿನ ಗೋವಾದಲ್ಲಿದ್ದು ಅಲ್ಲಿಂದ ಮುಂಬೈ ಬರಲಿದ್ದಾರೆ ಎನ್ನಲಾಗುತ್ತಿದೆ.

Supreme Court: Latest news, Updates, Photos, Videos and more.

ಇದೇ ವೇಳೆ, ರಾಜ್ಯಪಾಲರ ನಡೆಯನ್ನು ಶಿವಸೇನೆ ನಾಯಕ ಸಂಜಯ ರಾವುತ್ ಖಂಡಿಸಿದ್ದಾರೆ. ನಾವು ರಾಜ್ಯಪಾಲರ ನಡೆ ವಿರುದ್ಧ ಸುಪ್ರೀಂ ಕೋರ್ಟ್ ಮೆಟ್ಟಿಲೇರುತ್ತೇವೆ.‌ ಈಗಾಗಲೇ ಸುಪ್ರೀಂ ಕೋರ್ಟಿನಲ್ಲಿ 15 ಶಾಸಕರ ಅನರ್ಹತೆ ಬಗ್ಗೆ ವಿಚಾರಣೆ ನಡೆಯುತ್ತಿದೆ. ಇದರ ಮಧ್ಯೆ ಕಾನೂನು ಬಾಹಿರವಾಗಿ ರಾಜ್ಯಪಾಲರು ಬಹುಮತ ಸಾಬೀತು ಪಡಿಸಲು ಹೇಳಿದ್ದಾರೆ. ರಾಜ್ಯಪಾಲರ ನಡೆ ಏಕಪಕ್ಷೀಯವಾಗಿದೆ. ಬಹುಶಃ ಅವರು ಈ ಸಮಯಕ್ಕಾಗಿ ಕಾದು ಕುಳಿತ್ತದ್ದರನ್ನಿಸುತ್ತೆ ಎಂದು ಸಂಜಯ ರಾವುತ್ ಕಿಡಿಕಾರಿದ್ದಾರೆ.

The Shiv Sena has moved Supreme Court after Maharashtra Governor Bhagat Singh Koshyari sent a letter to the Secretary of the Maharashtra legislative assembly, convening a special session tomorrow, June 30, during which a floor test against the Uddhav Thackeray-led Sena-NCP-Congress government will take place.Bharatiya Janata Party leader Devendra Fadnavis, tipped to make a comeback as the chief minister if the Thackeray government falls, met Governor Bhagat Singh Koshyari at Raj Bhavan late on Tuesday, June 28, and asked him to call for a floor test in the assembly.