Cyber Fraud Bangalore, Plusmarts; ಫೇಸ್ಬುಕ್ ಮಹಿಳೆಯ ಮಾತು ನಂಬಿ ಕೋಟಿ ಕೋಟಿ ಹೂಡಿಕೆ ; ವಿದೇಶಿ ಫಾರೆಕ್ಸ್ ಹೆಸರಲ್ಲಿ ಡಿಪಾಸಿಟ್ ಮಾಡಿದ್ದ 63 ವರ್ಷದ ವ್ಯಕ್ತಿಗೆ ದೋಖಾ, ಸೈಬರ್ ವಂಚಕರ ಕರಾಮತ್ತಿಗೆ ಥಂಡಾ ಹೊಡೆದ ಭಂಡ !

ಬ್ರೇಕಿಂಗ್ ನ್ಯೂಸ್

Mangalore Fire, Deralakatte Hostel, Rain: ಜಡಿಮಳೆ ನಡುವೆಯೂ ದೇರಳಕಟ್ಟೆ ಹಾಸ್ಟೆಲ್ ಕಟ್ಟಡದಲ್ಲಿ ಬೆಂಕಿ ಅನಾಹುತ! ಸಮಯ ಪ್ರಜ್ಞೆ ಮೆರೆದ ಸ್ಥಳೀಯರು, 147 ಹಾಸ್ಟೆಲ್ ವಿದ್ಯಾರ್ಥಿನಿಯರು ಅಪಾಯದಿಂದ ಪಾರು | ಅಹಮದಾಬಾದ್ ಬೆನ್ನಲ್ಲೇ ಮತ್ತೊಂದು ದುರಂತ ; ಕೇದಾರನಾಥದಲ್ಲಿ ಹೆಲಿಕಾಪ್ಟರ್ ಪತನ, ಏಳು ಮಂದಿಯ ದುರ್ಮರಣ, ಗುಪ್ತಕಾಶಿ ಸೇರಬೇಕಿದ್ದ ಯಾತ್ರಾರ್ಥಿಗಳ ದುರಂತ ಅಂತ್ಯ ! | Kadri Kaibattal, Mangalore Rain, Landslide: ಕದ್ರಿ ಕೈಬಟ್ಟಲ್ ; ಭಾರೀ ಮಳೆಗೆ ಮನೆಯ ಮೇಲೆ ಕುಸಿದು ಬಿದ್ದ ತಡೆಗೋಡೆ, ಬಡ ಕುಟುಂಬದ ಮನೆ ಅಪಾಯದಲ್ಲಿ |

Cyber Fraud Bangalore, Plusmarts; ಫೇಸ್ಬುಕ್ ಮಹಿಳೆಯ ಮಾತು ನಂಬಿ ಕೋಟಿ ಕೋಟಿ ಹೂಡಿಕೆ ; ವಿದೇಶಿ ಫಾರೆಕ್ಸ್ ಹೆಸರಲ್ಲಿ ಡಿಪಾಸಿಟ್ ಮಾಡಿದ್ದ 63 ವರ್ಷದ ವ್ಯಕ್ತಿಗೆ ದೋಖಾ, ಸೈಬರ್ ವಂಚಕರ ಕರಾಮತ್ತಿಗೆ ಥಂಡಾ ಹೊಡೆದ ಭಂಡ !

05-04-25 04:27 pm HK News Staff ಕ್ರೈಂ

ಫೇಸ್‌ಬುಕ್‌ನಲ್ಲಿ ಅಪರಿಚಿತ ಮಹಿಳೆಯೊಬ್ಬಳ ಸೂಚನೆಯಂತೆ 63 ವರ್ಷದ ಮಲಯಾಳಿ ವ್ಯಕ್ತಿಯೊಬ್ಬರು, ನಕಲಿ ಸೈಬರ್ ತಾಣದಲ್ಲಿ ಹೂಡಿಕೆ ಮಾಡಿ ಬರೋಬ್ಬರಿ 3 ಕೋಟಿ ರೂ. ಕಳಕೊಂಡಿದ್ದಾರೆ. ವ್ಯಾಪಾರ ವೇದಿಕೆ ಹೆಸರಲ್ಲಿ ಹೂಡಿಕೆ ಮಾಡಿ ಹಣ ಕಳೆದುಕೊಂಡಿದ್ದು ಸಿಇಎನ್‌ ಕ್ರೈಮ್‌ ಬ್ರ್ಯಾಂಚ್ ಠಾಣೆಯಲ್ಲಿ ದೂರು ದಾಖಲಿಸಿದ್ದಾರೆ.

ಬೆಂಗಳೂರು, ಎ.5: ಫೇಸ್‌ಬುಕ್‌ನಲ್ಲಿ ಅಪರಿಚಿತ ಮಹಿಳೆಯೊಬ್ಬಳ ಸೂಚನೆಯಂತೆ 63 ವರ್ಷದ ಮಲಯಾಳಿ ವ್ಯಕ್ತಿಯೊಬ್ಬರು, ನಕಲಿ ಸೈಬರ್ ತಾಣದಲ್ಲಿ ಹೂಡಿಕೆ ಮಾಡಿ ಬರೋಬ್ಬರಿ 3 ಕೋಟಿ ರೂ. ಕಳಕೊಂಡಿದ್ದಾರೆ. ವ್ಯಾಪಾರ ವೇದಿಕೆ ಹೆಸರಲ್ಲಿ ಹೂಡಿಕೆ ಮಾಡಿ ಹಣ ಕಳೆದುಕೊಂಡಿದ್ದು ಸಿಇಎನ್‌ ಕ್ರೈಮ್‌ ಬ್ರ್ಯಾಂಚ್ ಠಾಣೆಯಲ್ಲಿ ದೂರು ದಾಖಲಿಸಿದ್ದಾರೆ.

ಫೇಸ್‌ಬುಕ್‌ ಖಾತೆಯಲ್ಲಿ ಸಂಜನಾ ಹೆಸರಿನಲ್ಲಿ ರಿಕ್ವೆಸ್ಟ್‌ ಕಳುಹಿಸಿದ್ದ ಆನ್‌ಲೈನ್‌ ವಂಚಕರು, ಹಲಸೂರಿನ ವ್ಯಕ್ತಿಯನ್ನು ಹೂಡಿಕೆ ಮಾಡಲು ಪ್ರೇರೇಪಿಸಿದ್ದಾರೆ. ವಂಚಕರ ಮಾತನ್ನು ನಂಬಿ, ಅಪಾರ ಪ್ರಮಾಣದ ಹೂಡಿಕೆ ಮಾಡಿದ್ದರು. ಜನವರಿ 4ರಂದು ಸಂಜನಾ ಸಂಜು ಹೆಸರಿನ ಖಾತೆಯಿಂದ ಸಂದೇಶ ಬಂದಿತ್ತು. ಆಕೆ ಇಂಗ್ಲಿಷ್ ಮತ್ತು ಮಲಯಾಳಂನಲ್ಲಿ ಪ್ರತಿಕ್ರಿಯಿಸಿದ್ದರಿಂದ ಇಬ್ಬರೂ ಫೋನ್ ಸಂಖ್ಯೆಗಳನ್ನು ವಿನಿಮಯ ಮಾಡಿ ವಾಟ್ಸಾಪ್‌ ಕರೆಯಲ್ಲಿ ಮಾತನಾಡುತ್ತಿದ್ದರು.

ಕೆಲವು ದಿನಗಳ ಬಳಿಕ 'ಫಾರೆಕ್ಸ್' ಎಂಬ ವ್ಯಾಪಾರ ವೇದಿಕೆಯಲ್ಲಿ ಹೂಡಿಕೆ ಮಾಡುವಂತೆ ಯುವತಿ ಪ್ರೇರೇಪಿಸಿದ್ದಳು. ಇದಕ್ಕಾಗಿ ಲಿಂಕ್ ('www.plussmarts.com) ಕೊಟ್ಟಿದ್ದು ಅದನ್ನು ಒತ್ತಿದ ಬಳಿಕ ಯುಕೆ ಮೂಲದ ಕಂಪನಿಯ ಸಮೂಹಕ್ಕೆ ಒಯ್ದಿತ್ತು. ಅಲ್ಲಿ ಹೂಡಿಕೆ ಮಾಡಿದರೆ ಹೆಚ್ಚಿನ ಹಣ ಸಿಗುವುದಾಗಿ ಹೇಳಿದ್ದಳು. ಈ ವ್ಯಕ್ತಿ ತನ್ನ ಇಮೇಲ್ ಐಡಿ ಬಳಸಿ ಖಾತೆ ತೆರೆದು ಹಣ ಹೂಡಿಕೆ ಮಾಡಿದ್ದರು. ಅನೇಕ ಬ್ಯಾಂಕ್‌ಗಳಲ್ಲಿ ಮತ್ತು ದೂರದ ಸ್ಥಳಗಳಲ್ಲಿರುವ ಬೇರೆ ಬೇರೆ ಖಾತೆಗಳಿಗೆ ಹಣ ಹೋಗುತ್ತಿರುವುದನ್ನು ಗಮನಿಸಿದ್ದರು.

ಎರಡು ತಿಂಗಳ ಕಾಲ ಹಣ ಹಾಕುತ್ತ ಹೋಗಿದ್ದು ಹೂಡಿಕೆ ಮತ್ತು ಲಾಭವು ಆನ್‌ಲೈನ್‌ನಲ್ಲಿ ಕಾಣಿಸುತ್ತಿತ್ತು. ಅವರ ಖಾತೆಯಲ್ಲಿ 708,204.9 ಅಮೆರಿಕನ್‌ ಡಾಲರ್ (ಅಂದಾಜು 5.8 ಕೋಟಿ ರೂ.) ಇರುವುದಾಗಿ ತೋರಿಸಿತ್ತು. ಹಣವನ್ನು ಹಿಂಪಡೆಯಲು ಪ್ರಯತ್ನಿಸಿದಾಗ, ಶೇ.30ರಷ್ಟು ಆದಾಯ ತೆರಿಗೆ ಪಾವತಿಸುವಂತೆ ಸೂಚಿಸಿದ್ದರು. ಈ ಮಾತನ್ನು ನಂಬಿದ ವ್ಯಕ್ತಿ, ಸ್ನೇಹಿತರಿಂದ ಹಣವನ್ನು ಸಾಲವಾಗಿ ಪಡೆದು 96 ಲಕ್ಷ ರೂ. ತೆರಿಗೆ ರೂಪದಲ್ಲಿ ಪಾವತಿಸಿದ್ದಾರೆ.

ಮಾರ್ಚ್ 27ರಂದು ತೆರಿಗೆ ಪಾವತಿಸಿದ್ದರೆ, ಮರುದಿನ ನಿಮ್ಮ ಖಾತೆಯನ್ನು ಅಧಿಕಾರಿಗಳು ಅನುಮಾನಾಸ್ಪದ ಎಂದು ಪರಿಗಣಿಸಿದ್ದಾರೆ. ಹಣ ವರ್ಗಾವಣೆ ತಡೆಯಲು, ಒಟ್ಟು ಮೊತ್ತದಲ್ಲಿ ಶೇ. 15ರಷ್ಟು ಭದ್ರತಾ ಠೇವಣಿ ಪಾವತಿಸಬೇಕು ಎಂದು ಪ್ರತಿಕ್ರಿಯೆ ಬಂದಿತ್ತು.

ಮತ್ತೆ 85 ಲಕ್ಷ ರೂ. ಪಾವತಿಸಲು ಕೇಳಿದಾಗ ವ್ಯಕ್ತಿಗೆ ಅನುಮಾನ ಬಂದಿದ್ದು ಬೇರೆಯವರಲ್ಲಿ ಈ ಬಗ್ಗೆ ಕೇಳಿದಾಗ, ಹಣ ಹೂಡಿಕೆಗೆ ಬಳಸಿದ್ದ ಲಿಂಕ್ ನಕಲಿ ಎಂದು ತಿಳಿದುಬಂತು. ಇತ್ತ ಸಂಜನಾ ಸಂಪರ್ಕಿಸುತ್ತಿದ್ದ ನಂಬರ್ 8754084752, ಮಾರ್ಚ್ 31ರಿಂದ ಸ್ವಿಚ್ ಆಫ್ ಆಗಿದೆ. ಒಟ್ಟಾರೆ 3.1 ಕೋಟಿ ರೂ. ಮೊತ್ತವನ್ನು ಈ ವ್ಯಕ್ತಿ ಕಳಕೊಂಡಿದ್ದಾರೆ.

A 63-year-old Malayali man has reportedly lost Rs. 3 crore after falling victim to a fraudulent investment scheme linked to a fake online platform. The man was lured by an unknown woman on Facebook, who encouraged him to invest in a business platform that turned out to be a scam.