ವೈದ್ಯಕೀಯ ಪರಿಕರ ನೀಡುವುದಾಗಿ 29 ಲಕ್ಷ ರೂ. ಪಡೆದು ವಂಚನೆ ; ಪುಣೆ ವ್ಯಕ್ತಿಯ ವಿರುದ್ಧ ಕೇಸು

09-07-22 01:25 pm Mangalore Correspondent ಕ್ರೈಂ

ವೈದ್ಯಕೀಯ ಉಪಕರಣಗಳನ್ನು ಪೂರೈಸುವುದಾಗಿ ಹೇಳಿ 29 ಲಕ್ಷ ರೂಪಾಯಿ ಪಡೆದು ವಂಚಿಸಿರುವ ಬಗ್ಗೆ ನಗರದ ಬರ್ಕೆ ಠಾಣೆಯಲ್ಲಿ ವ್ಯಕ್ತಿಯೊಬ್ಬರು ದೂರು ದಾಖಲಿಸಿದ್ದಾರೆ.

ಮಂಗಳೂರು, ಜುಲೈ 9: ವೈದ್ಯಕೀಯ ಉಪಕರಣಗಳನ್ನು ಪೂರೈಸುವುದಾಗಿ ಹೇಳಿ 29 ಲಕ್ಷ ರೂಪಾಯಿ ಪಡೆದು ವಂಚಿಸಿರುವ ಬಗ್ಗೆ ನಗರದ ಬರ್ಕೆ ಠಾಣೆಯಲ್ಲಿ ವ್ಯಕ್ತಿಯೊಬ್ಬರು ದೂರು ದಾಖಲಿಸಿದ್ದಾರೆ.

ಮುರಲೀಧರ ಶೆಟ್ಟಿ ಎಂಬವರು ಮಂಗಳೂರಿನಲ್ಲಿ ವೈದ್ಯಕೀಯ ಉಪಕರಣಗಳ ಮಾರಾಟ ಮತ್ತು ಸರ್ವಿಸ್ ನೀಡುವ ಗುತ್ತಿಗೆ ಹೊಂದಿದ್ದಾರೆ. ಇವರು 2020ರಲ್ಲಿ ಪುಣೆಯ ಅಮಿತ್ ಸುರೇಶ್ ಸೆಹವಾಲೆ ಎನ್ನುವ ವ್ಯಕ್ತಿಯ ಬಳಿ 12 ಲಕ್ಷದ ಕೆಲವು ವೈದ್ಯಕೀಯ ಪರಿಕರಗಳನ್ನು ಕಳಿಸಿಕೊಡುವಂತೆ ಒಪ್ಪಂದ ಮಾಡಿಕೊಂಡಿದ್ದರು. ಅದಕ್ಕಾಗಿ 12 ಲಕ್ಷ ರೂಪಾಯಿ ನೀಡಿದ್ದರು. ಆದರೆ ಯಾವುದೇ ಪರಿಕರಗಳನ್ನು ನೀಡದೆ ವಂಚಿಸಿದ್ದಾರೆ.

ಈ ಬಗ್ಗೆ ಮುರಲೀಧರ್ ಶೆಟ್ಟಿ ಪುಣೆಗೆ ತೆರಳಿ ಹಲವು ಬಾರಿ ತನ್ನ ಹಣ ವಾಪಸ್ ನೀಡುವಂತೆ ಕೇಳಿದ್ದರು. ಆದರೆ ಆರೋಪಿ ಚೆಕ್ ನೀಡಿ ಕಳುಹಿಸಿಕೊಟ್ಟಿದ್ದಾರೆ. ಚೆಕ್ ಬೌನ್ಸ್ ಆಗಿದ್ದು ತನಗೆ ಹಣ ಸಿಗದೆ ವಂಚನೆಯಾಗಿದೆ. ಈ ನಡುವೆ, 2021ರಲ್ಲಿ ಮತ್ತೊಮ್ಮೆ ಇದೇ ರೀತಿ ವೈದ್ಯಕೀಯ ಪರಿಕರ ಒದಗಿಸಿಕೊಡುವುದಾಗಿ ಪ್ರತ್ಯೇಕ ಒಪ್ಪಂದ ಮಾಡಿಕೊಂಡಿದ್ದರು. ಅದರಲ್ಲಿಯೂ 15.39 ಲಕ್ಷ ರೂಪಾಯಿ ಹಣವನ್ನು ಸಂಸ್ಥೆಯಿಂದ ಪಡೆದಿದ್ದು ಉಪಕರಣಗಳನ್ನು ಒದಗಿಸದೆ ವಂಚಿಸಿದ್ದಾರೆ. ಒಟ್ಟು 29.39 ಲಕ್ಷ ರೂಪಾಯಿ ವಂಚಿಸಿದ್ದು, ಆರೋಪಿ ವಿರುದ್ಧ ಕಾನೂನು ಕ್ರಮ ಕೈಗೊಳ್ಳುವಂತೆ ಮುರಲೀಧರ ಶೆಟ್ಟಿ ಬರ್ಕೆ ಠಾಣೆಗೆ ದೂರು ನೀಡಿದ್ದಾರೆ.

A case is registered in Barke police station of the city of cheating to the tune of Rs 27.39 lac by a person who promised to supply medical equipment to a dealer.Muralidhar Shetty, who deals in sales and service of medical equipment had given Rs 12 lac to the accused Amit Suresh Shewale in 2020 for supply of medical equipment on an agreement. However, he allegedly did not supply the goods and cheated Muralidhar.